Chapter Title : ക്രിക്കറ്റ് കളി 9 [Amal SRK]

താല്പര്യമുണ്ടെന്നും ചേച്ചി പറഞ്ഞില്ലേ... ആ നിമിഷം ഓർത്തപ്പോൾ അവൻ കോരിതരിച്ചു.

നീതുചേച്ചിയെ കുറിച്ച് ഓർത്ത്, ഓർത്ത് കണ്ണും തുറന്ന് അവിടെ കിടന്നു.

പിറ്റേന്ന് രാവിലെ.

ഹാളിലിരുന്ന് ടീവി കാണുകയാണ് കിച്ചു.

" ഡാ... "

അമ്മയുടെ ഉറക്കെയുള്ള വിളികേട്ട് അവൻ ഞെട്ടി.

വെപ്രാളത്തോടെ അവൻ അമ്മയെ നോക്കി.

" എന്താ അമ്മേ...? "

" ഏത് നേരവും ടിവിയും, ഫോണും മാത്രം നോക്കിയാൽ മതി. പഠിക്കുകയൊന്നും വേണ്ട... "

സുചിത്ര അവനെ ശകാരിച്ചു.

" അമ്മേ അതിന് ഇപ്പൊ വെകേഷനല്ലേ..? "

" വെകേഷനായാൽ എന്താ പഠിച്ചൂടേ... ഓരോ വീട്ടിലും പോയി നോക്ക് കിട്ടുന്ന സമയത്തൊക്കെ പിള്ളേര് കഷ്ടപെട്ടിരുന്നു പഠിക്കുവാ... "

അവളവനെ വിടുന്ന ലക്ഷണമില്ല.

" അമ്മയൊന്നു നിർത്തുന്നുണ്ടോ...? "

ക്ഷമ നശിച് അവൻ പറഞ്ഞു.

" നീ എന്റെ വായ അടക്കാൻ മാത്രമായോ... നിന്റെ അച്ഛൻ വിളിക്കട്ടെ.. ഞാൻ പറയുന്നുണ്ട് അങ്ങേരോട്... "

പിന്നെ അവൻ ഒന്നും മിണ്ടാൻ നിന്നില്ല ദേഷ്യത്തോടെ മുറിയിലേക്ക് ചെന്നു.

രണ്ട് ദിവസായിട്ട് ഒന്നും മിണ്ടാത്തത് കൊണ്ട് നന്നായിപോയിന്നാ വിചാരിച്ചത്. എവിടെ... എപ്പോഴും പഠിക്ക് പഠിക്ക്ന്ന് പറഞ്ഞോണ്ടിരിക്കും.
നാട് വിട്ട് എവിടേലും പോയാലോന്നു പല തവണ അവൻ ആലോചിച്ചതാ. പക്ഷെ ധൈര്യമില്ല.

അവൻ പുസ്തകം തുറന്നു വെച്ചുകൊണ്ട് വെറുതെയിരുന്ന്.

വൈകുന്നേരം അഭിയും കൂട്ടരും ക്രിക്കറ്റ് കളിചോണ്ടിരിക്കുകയാണ്.

" ഡാ... എനിക്ക് വല്ലാണ്ട് ദാഹിക്കുന്നു... "

അഭി നവീനോട് പറഞ്ഞു.

" നിനക്ക് വീട്ടീന്ന് കുടിച്ചിട്ട് വന്നാൽ പോരായിരുന്നില്ലേ...? "

നവീൻ ചോദിച്ചു.

" മറന്നു ഡാ... "

" ഡാ