Chapter Title : ക്രിക്കറ്റ് കളി 9 [Amal SRK]

കിച്ചു നീയിങ് വന്നേ... "

ഫീൽഡ് നിൽക്കുന്ന കിച്ചുവിനെ അടുത്തേക്ക് വിളിച്ചു.

" എന്താടാ...? "

ചോദിച്ചുകൊണ്ട് കിച്ചു അടുത്തേക്ക് വന്നു.

" ഇവന് ദാഹിക്കുന്നു പോലും.. നീ വീട്ടിൽ ചെന്ന് ഒരു കുപ്പി വെള്ളം എടുത്തോണ്ട് വാ... "

നവീൻ കിച്ചുവിനോട് പറഞ്ഞു.

" അത് നടക്കില്ല.. ഇപ്പൊ വെള്ളമെടുക്കാൻ വീട്ടിലേക്ക് കയറിച്ചെന്നാൽ പിന്നെ ഇവിടേക്ക് തിരികെ വിടില്ല... "

കിച്ചു പറഞ്ഞു.

" ഇനിയിപ്പോ ഒരു വഴിയേയുള്ളു... "
നവീൻ പറഞ്ഞു.

" എന്ത് വഴി...? "

" കളി കഴിഞ്ഞിട്ട് വീട്ടിൽ ചെന്ന് കുടിച്ചാൽ മതി... "

" ഒന്ന് പോടാ... ദാഹിച്ചു മനുഷ്യന്റെ തൊണ്ട വാരണ്ടിരിക്കുവാ..."

" ന്നാ നീ ഒറ്റക്ക് പോയി കുടിക്ക്...
ഒന്നുമില്ലേലും അവരടെ ടാങ്ക് വൃത്തിയാക്കി കൊടുത്തതല്ലേ നമ്മള്. അതുകൊണ്ട് പഴയത് പോലെ വഴക്കുണ്ടാക്കില്ല... "

നവീൻ പറഞ്ഞു.

" പോയി നോക്കാം അല്ലേ..? "

" നീ ധൈര്യമായി പോ... "

നവീൻ അഭിയെ പറഞ്ഞയച്ചു.

അഭി തന്റെ വീട്ടിലേക്ക് പോകുന്നത് കിച്ചുവിന് ഇഷ്ടമല്ല. പക്ഷെ അവനത് പുറത്ത് പ്രകടിപ്പിച്ചില്ല.

ടിങ് ടോങ്...

അഭി കോളിംഗ് ബെൽ മുഴക്കി.

സുചിത്ര ചെന്ന് വാതിൽ തുറന്നു. അഭിയെ കണ്ടപ്പോൾ അവളൊന്നു പരുങ്ങി.

" ചേച്ചി എനിക്ക് കുടിക്കാൻ കുറച്ചു വെള്ളം വേണം... "

അഭി പറഞ്ഞു.

സുചിത്ര ഒന്നും മിണ്ടാതെ വെള്ളമെടുക്കാൻ അകത്തേക്ക് ചെന്നു.

ചേച്ചിക്ക് എന്നോട് ദേഷ്യമുണ്ടാവോ..? അവൻ സംശയിച്ചു.

ഈ സമയം ഒരു ഗ്ലാസ്‌ വെള്ളവുമായി സുചിത്ര വന്നു.
അവനത് വാങ്ങിച് കുടിച്ച് ഗ്ലാസ്‌