Chapter Title : കുടുംബവീട് 8 [Kochumon]

വേദന വന്ന് ഹോസ്പിറ്റലിൽ ആക്കി..

രാജീവ് ഉടനെ അമ്മുവിന്റെ കയ്യിൽ നിന്ന് ഫോൺ വാങ്ങി ആ നമ്പറിൽ തിരിച്ചു വിളിച്ചു..

എന്നിട്ട് കാര്യങ്ങൾ അന്വേഷിച്ചു..

രാജീവിനെ നോക്കി ജാനകി പറഞ്ഞു..

മോനെ.. എനിക്ക് പോകണം മോനെ.. എനിക്ക് ഇപ്പൊ പോണം..

പോകാം മമ്മി.. പിന്നെ പേടിക്കാൻ ഒന്നുമില്ല.. ഞാൻ എന്റെ ഒരു ഫ്രണ്ട് ആ ഹോസ്പിറ്റലിൽ ഡോക്ടർ ആണ്. അവനെ ഒന്ന്‌ വിളിക്കട്ടെ..

അത് പറഞ്ഞു കൊണ്ട് രാജീവ് പുറത്തേക്ക് പോയി..

അപ്പോഴും ജാനകി കരച്ചിൽ ആണ്..

അമ്മു ഉടനെ രവിയെ വിളിച്ചു കാര്യം പറഞ്ഞു.. ഉടനെ വരാമെന്ന് രവി പറഞ്ഞു..

രാജീവ് വന്നിട്ട് പറഞ്ഞു..

ഞാൻ സംസാരിച്ചു മമ്മി.. പേടിക്കണ്ട കാര്യം ഒന്നുമില്ല..

എടാ.. എന്നാലും.. എനിക്ക് അങ്ങോട്ട്‌ പോകണം..

അമ്മുവിനെ രാജീവ് നോക്കി..

മമ്മിയെ എങ്ങനെ എങ്കിലും കൊണ്ടു പോകൻ പറ്റുമെങ്കിൽ കൊണ്ടു പൊ..

അമ്മു രാജീവിനോട് പറഞ്ഞു..

അത് പറഞ്ഞിട്ട് അമ്മു കുഞ്ഞുങ്ങളുടെ അടുത്തേക്ക് വന്നു..

അല്പം കഴിഞ്ഞപ്പോൾ രവി വന്നു.. അപ്പോഴേക്കും ജാനകി ഒരുങ്ങി നിക്കുവാണ്..

എടി പേടിക്കണ്ട കാര്യം ഒന്നുമില്ല.. ഞാൻ വിളിച്ചിരുന്നു..

രവി ജാനകിയോട് പറഞ്ഞു..

നിങ്ങൾ വരേണ്ട മനുഷ്യ.. ഞാൻ പൊക്കോളാം..

ജാനകി അല്പം ദേഷ്യത്തിൽ പറഞ്ഞു.. എന്നിട്ട് രാജീവിനെ വിളിച്ചു.. രാജീവ് രാവിയോട് സംസാരിച്ചിട്ട് ജാനകിയെ കൂട്ടി കാറിൽ കേറി പോയി..

രവി അവർ പോകുന്നത് നോക്കി നിന്നു..

എന്നിട്ട് കുഞ്ഞുങ്ങളെ കുറച്ചു നേരം കൊഞ്ചിച്ചു.. അമ്മുവിനോട് സംസാരിച്ചു.. പിന്നെ രവി അയാളുടെ മുറിയിൽ കേറി..

എഴുതാനുള്ള കണക്കുകൾ എഴുതി..

അങ്ങനെ സമയം ഒരുപാട് പോയി..