Chapter Title : കുളിമുറി

മതി... " അവനോട് എന്ത് പറയണം എന്നറിയില്ലായിരുന്നു.... അതുകൊണ്ട് മറുപടി ഒന്നും പറയാതെ കൈ കൊണ്ട് ഫോൺ ഒന്നുകൂടെ അമർത്തിപ്പിടിച്ചു... "പേടിക്കണ്ട .. ഒരൊറ്റ പ്രാവശ്യം.. പിന്നെ ഞാൻ നിങ്ങളെ ശല്യം ചെയ്യാൻ വരൂല... ഇങ്ങളെ മുന്നിൽ വച്ചു ഞാൻ വീഡിയോ ഡിലീറ്റ് ചെയ്യാം... ഉറപ്പാണ് " വീണ്ടും അവൻ എന്റെ മറുപടിക്ക് വേണ്ടി കുറച്ചുനേരം കാത്തു നിന്ന ശേഷം.. "ഇപ്പൊ വേണമെന്നില്ല.. ഇത്ത നല്ലോണം ആലോചിക്ക്.. ഞാൻ നാളെ രാത്രി വരെ നല്ലൊരു മറുപടിക്ക് വേണ്ടി കാത്തിരിക്കാം.. " എന്ന് പറഞ്ഞു ഫോൺ കട്ട് ചെയ്ത ഉടനെ ആ വീഡിയോ എടുത്ത് ഒരിക്കൽ കൂടി നോക്കി.... ചങ്ക് തകരുന്നതുപോലെ.... ഒരു ആങ്ങളയെപ്പോലെ വിശ്വസിച്ച ഒരുത്തനിൽ നിന്നും ഇതുപോലൊരു പ്രവർത്തി ഒട്ടും പ്രതീക്ഷിച്ചില്ല.... വീട്ടിൽ കല്യാണപ്രായമെത്തിയ ഒരു പെങ്ങളുള്ളത് പോലും ഓർക്കാതെ മറ്റൊരു പെണ്ണ് കുളിക്കുന്നത് ഒളിച്ചിരുന്ന് വീഡിയോ പിടിച്ചു ഭീഷണിപ്പെടുത്താൻ മാത്രം ധൈര്യം അവന് എവിടുന്നു കിട്ടി എന്നുള്ള നടുക്കം മനസ്സിൽ നിന്നും മാറുന്നുമില്ല... സ്വസ്ഥമായ ഒരു ജീവിതത്തിലേക്ക് കാലെടുത്ത് വച്ചു തുടങ്ങുമ്പോൾ തന്നെ ഇങ്ങനൊരു പരീക്ഷണം പ്രതീക്ഷിച്ചതല്ല.... ഇത് ഇങ്ങനെ വിട്ടാൽ കൂടുതൽ കുഴപ്പങ്ങളിലേക്കേ ചെന്ന് പെടൂ എന്നുള്ള ഭയം കാരണം ഉടനേ തന്നെ ഫോൺ എടുത്ത് ഇക്കാന്റെ നമ്പർ ഡയൽ ചെയ്തു... പക്ഷേ... ഇക്ക ഇത് അറിഞ്ഞാൽ പിന്നെ അവിടെ നിൽക്കില്ല... വന്നു കഴിഞ്ഞാൽ ചിലപ്പോൾ ഇതൊരു വലിയ പ്രശ്നം ആവും.. നാട്ടുകാർ മൊത്തം അറിയും ചിലപ്പോൾ ഇക്ക എന്തെങ്കിലും കൈയബദ്ധം കാണിച്ചാൽ അതോടുകൂടി എല്ലാം തീരും... പോരാത്തതിന് ഇക്കാന്റെ വീട്ടുകാരുടെ സ്വഭാവം