കുളിരിൽ വിരിയുന്ന കനൽ പൂവ് 2

Kuliril Viriyunna Kanal Poovu Part 2 | Author : Spulber

[ Previous Part ] [ www.kkstories.com]

ഷിഫാന പുലർച്ചെ തന്നെ ഉണർന്നു.
അല്ലെങ്കിലും രാത്രിയവൾ ഉറങ്ങിയിട്ടേയില്ല. പലതും ആലോചിച്ചും, ചിന്തിച്ചും, കരഞ്ഞും അവൾ നേരം വെളുപ്പിക്കുകയായിരുന്നു.

അവളെഴുന്നേറ്റ് കുളിച്ചു. ദിക്കറിയില്ലെങ്കിലും ഒരൂഹം വെച്ച് തിരിഞ്ഞ് നിന്ന് സുബ്ഹി നമസ്കരിച്ചു.
നിസ്കാരം കഴിഞ്ഞ് കണ്ണീരോടെ,തന്റെ ജീവിതം നന്നാക്കിത്തരാൻ പടച്ചവനോട് പ്രാർത്ഥിച്ചു.
പിന്നെ അടുക്കളയിലേക്ക് കയറി.

രാവിലെ കഴിക്കാൻ എന്തുണ്ടാക്കണമെന്നവൾ ചിന്തിച്ചു. എന്ത് വേണമെങ്കിലും ഉണ്ടാക്കാം.. എല്ലാ സാധനങ്ങളുമുണ്ട്.. ഇന്നേതായാലും ദോശയൊന്നും ഉണ്ടാക്കാൻ കഴിയില്ല. മാവൊന്നും റെഡിയാക്കിയിട്ടില്ല.
തൽക്കാലം പുട്ടുണ്ടാക്കാം.. വീട്ടിൽ മുഴുവൻ അടുക്കളപ്പണിയും അവളൊറ്റക്കായതിനാൽ എന്തുണ്ടാക്കാനും അവൾക്കറിയാം.

രണ്ടാമത്തെ കുറ്റി പുട്ട് പാത്രത്തിലേക്ക് കുത്തിയിടുമ്പോൾ പിന്നിലൊരു മുരടനക്കം കേട്ട് അവൾ തിരിഞ്ഞ് നോക്കി.
പിന്നിൽ ചിരിയോടെ ദാസേട്ടൻ..

“അല്ലാ.. ഇത്ര നേരത്തെ എഴുന്നേറ്റോ..?
കുറച്ച് കഴിഞ്ഞിട്ടൊക്കെ മതിയായിരുന്നല്ലോ മോളേ…”

“ സാരമില്ലേട്ടാ… ഞാനെന്നും ഈ സമയത്ത് എഴുന്നേൽക്കുന്നതാ..”

ഷിഫാനയും ചിരിയോടെ പറഞ്ഞു.

“എന്നത്തേയും പോലെയാണോ ഇന്ന്..?
ഇന്നൊരു പത്ത്മണിയായിട്ടൊക്കെ എഴുന്നേറ്റാൽ മതിയായിരുന്നു… നീയേതായാലും മാറി നിൽക്ക്,. ഇനിയൊക്കെ ഞാൻ ചെയ്തോളാം..”

“അയ്യോ… വേണ്ടചേട്ടാ.. പുട്ട് ഞാനുണ്ടാക്കിയിട്ടുണ്ട്.. ഇനി കറിയെന്തെങ്കിലും ഉണ്ടാക്കിയാ മതി.. ചേട്ടൻ പോയി കുളിച്ചോ..എല്ലാം ഞാനുണ്ടാക്കിക്കോളാം..”

തന്റെ ഭർത്താവിനോടാണോ താൻ സംസാരിക്കുന്നത് എന്ന് പോലും ഷിഫാനക്ക് തോന്നി.ഇങ്ങിനെയൊരു ഭർത്താവിനെയാണ് താനാഗ്രഹിച്ചത്. എല്ലാത്തിനും തന്റെ കൂടെ നിൽക്കുന്നൊരാൾ..

“ഇന്ന് കറിയൊന്നും വേണ്ടെടീ.. ഫ്രിഡ്ജിൽ പഴം കാണും.. എനിക്കതുമതി.. നിനക്ക് കറിവേണോ.?”

“എനിക്കും അത് മതി..