Chapter Title : കുറ്റബോധം 9 [Ajeesh]

" പിറകിൽ നിന്നുള്ള അമ്മയുടെ ആക്രോശം കേട്ട് അവൻ തിരിഞ്ഞു നോക്കി... " ഇതൊന്ന് കഴിയട്ടെ അമ്മേ... എന്നിട്ട് പോരെ... " രാഹുൽ അവജ്ഞയോടെ പ്രതിവചിച്ചു... " മതി ഇതുപോലെ പറഞ്ഞിട്ട് എത്ര തവണ നീ പല്ലു തേക്കാതെ ഇരുന്നിട്ടുണ്ടെടാ.... " വീണ്ടും അവന്റെ തലയിൽ ഒരു കിഴുക്ക് കൂടി കൊടുത്തുകൊണ്ട് അവർ ചോദിച്ചു.... രണ്ടാമതും അവിടെ തന്നെ കിട്ടിയത് കൊണ്ടാവണം അത് അവന് ചെറുതായി വേദനിച്ചു... " തല്ലല്ലേ അമ്മേ..." അവൻ ഉറക്കെ കഠിനമായ ശബ്ദത്തിൽ പറഞ്ഞു.... അവൻ ആകെ ഒച്ചയെടുത്ത് സംസാരിക്കാറുള്ളത് അമ്മയോടാണ്... അങ്ങനെ ചെയ്യുമ്പോൾ ഒരിക്കൽപോലും അവൻ വിഷമിച്ചിട്ടില്ല... എന്ത് വന്നാലും അമ്മ കൂടെ ഉണ്ടാവും എന്ന ഉറപ്പ് തന്നെയായിരുന്നു അതിന്റെ പിന്നിൽ.... തന്റെ വാക്ക് വിലവാക്കാതെ വീണ്ടും പത്രം വായിച്ച് ഇരിക്കുന്ന മകനെ കണ്ടപ്പോൾ വീണ്ടും അവർ തലക്ക് ഒന്ന് കൂടി കൊടുത്തു... " പിന്നേം ഇരിക്കാ നീയ്... എണീറ്റ്‌ പോടാ... " രാഹുലിന്റെ ക്ഷമ നശിച്ചു... " ഓഹ്ഹ്ഹ്ഹ... ഞാൻ പോവാണ്... ഒരിത്തിരി സ്വസ്ഥത തരോ... ??? " അവൻ പത്രം അടച്ച് നിലം ചവിട്ടി മെതിച്ചു നടന്നു... " അവന്റെ മുടി ഒന്ന് നോക്കിയേ.... കാട്ടാളനാ ഇതിലും ഭേദം... " നടന്നു പോവുന്ന മകനോട് പിന്നെയും അവർ ചൊടിച്ചു.... രാഹുൽ അത് വകവെക്കാതെ നടന്നുപോയി... ബ്രെഷും ടങ്ക് ക്ളീനറും എടുത്ത് അവൻ പുറകിലെ പറമ്പിലേക്ക് നടന്നു.. പല്ലുതേക്കുമ്പോൾ വീട് രണ്ടു തവണ വലംവക്കൽ രാഹുലിന്റെ പതിവാണ്... രേഷ്മ എപ്പോഴാകും എത്തുക... അവൻ ആലോചിച്ചു നോക്കി... ഒരു പത്ത് മണി ആവുമായിരിക്കും... അവൻ നടക്കുന്നതിനിടെ ഓർത്തുകൊണ്ടിരുന്നു... അവളുടെ ചിന്ത ഉണ്ടായതും അവന്റെ ഉള്ളിൽ ഒരു വെള്ളിടി വെട്ടിയ പ്രതീതി ഉണ്ടായി... " ടാ കണ്ണാ... അമ്മയുടെ വിളി വീണ്ടും കാതുകളിൽ മുഴങ്ങി... അവൻ പല്ലു തേച്ചുകൊണ്ട് ഉമ്മറത്തേക്ക് നടന്നു... " ഞങ്ങൾ കല്യാണത്തിന് പോവാണ്... നീ ഇതിനൊന്നും വരില്ലല്ലോ... പറ്റുമെങ്കിൽ പാർട്ടിക്കെങ്കിലും പോ... " അമ്മ പറഞ്ഞു... " ഞാനെങ്ങും വരുന്നില്ല... എനിക്ക് ഒരാളെ കാണാനുണ്ട്... " അവൻ പേസ്റ്റ് തുപ്പികളഞ്ഞുകൊണ്ട്