Chapter Title : കുടമുല്ല 3 [Achillies] [Climax]

"എങ്കി കൊതിയൊക്കെ പിന്നെ തീർക്കാട്ടോ...ഇപ്പൊ പോയി കുളിച്ചു റെഡി ആയിക്കെ...നമ്മുക്ക് ജോലിക്ക് പോണ്ടേ…"

തിരിഞ്ഞു നിന്നു എന്റെ മൂക്കിൽ നുള്ളി അമ്മു പറഞ്ഞു. അവളുടെ കണ്ണിൽ തിരയിളകും പോലെ നിറവ്.

"ഒരുമ്മ തന്നാൽ റെഡി ആവാം…"

നഴ്സറിയിൽ പഠിക്കുന്ന കുട്ടിയെ പോലെ ഞാൻ ഒരു നാണവുമില്ലാതെ ചോദിച്ചു.

"ശ്ശോ….ഇതിന്റെ ഒരു കാര്യം…"

കുശുമ്പുകുത്തി എന്റെ തല പിടിച്ചു തിരിച്ചു എത്തികുത്തി കവിളിൽ ഒരുമ്മ തന്നു.

"അയ്യേ ഇവിടെ അല്ല….ദേ ഇവിടെ താ, നീ ഒന്നൂല്ലേലും എന്റെ കെട്ട്യോള് അല്ലെ അമ്മൂസെ…"

അതു കേട്ടതും ചുണ്ടു കൂർപ്പിച്ചു പെണ്ണിന്റെ മൂക്ക് വിറച്ചു.

"ഓഹ്...ഇതിനെക്കൊണ്ടു…"

തലയറഞ്ഞു ഒന്നു വിളിച്ച ശേഷം അമ്മൂസ് കൂർപ്പിച്ചു എന്നെ നോക്കി.

"കൈ പുറകിൽ കെട്ടിയെ…"

അവളുടെ കല്പന വന്നു.

"അതെന്തിനാ…"

"കൈ പുറകിൽ കെട്ടിയാലേ ഉമ്മ തരൂ…"

പെണ്ണ് വീണ്ടും ഒച്ചയിട്ടു,.. അതോടെ അവളെ ചുറ്റിപ്പിടിച്ചിരുന്ന കൈ എടുത്തു ഞാൻ പുറകിൽ കെട്ടി…

പെണ്ണ് കയറി സ്ലാബിലേക്ക് ഇരുന്നു.

"എന്നെ തൊടാൻ പാടില്ല ഞാൻ ഉമ്മ വെക്കുമ്പോൾ കേട്ടല്ലോ….മോന്റെ കൈ എന്റെ മേലെ ഉണ്ടെങ്കിലേ ഇന്ന് ജോലിക്ക് പോക്ക് നടക്കത്തില്ല…"

കള്ളച്ചിരിയോടെ പറഞ്ഞ അമ്മു എന്നെ വലിച്ചു അടുത്തേക്ക് നിർത്തി.

"ഉം...ഇനി കണ്ണടക്ക്…"

"ഹോ ഒരു ഉമ്മയ്ക്ക് എന്തൊക്കെ കണ്ടിഷൻസ് ആണ് ദൈവമേ…"

മുകളിലേക്ക് നോക്കി ഞാൻ ഒന്ന് കണ്ണടച്ചു.

"ദേ കൈ എടുക്കരുതട്ടോ…"

"ഇല്ലെന്റെ അമ്മൂസെ…"

കണ്ണടച്ചു കുറച്ചു നിന്നു കഴിഞ്ഞപ്പോൾ എന്റെ ചുണ്ടിൽ ഒരു തണുപ്പ് തട്ടി, പയ്യെ എന്റെ മേൽചുണ്ടവൾ അവളുടെ ചുണ്ടിനിടയിലാക്കി,...പതിയെ എന്റെ രണ്ടു ചുണ്ടും അവൾ മാറി മാറി നുണയാൻ തുടങ്ങി. ഒപ്പം പെണ്ണിന്റെ കൈ എന്റെ തലയിൽ ആകെ ഒഴുകാൻ തുടങ്ങി. പിടിച്ചു നിൽക്കാൻ വയ്യാതെ ആയപ്പോൾ ഞാൻ കയ്യെടുത്തു അവളുടെ ഇടുപ്പിൽ പിടിച്ചതും, അമ്മു ചുണ്ടു വലിച്ചു എന്നെ തള്ളി നിലത്തിറങ്ങി…

"ആഹ് മതി...ഇനി മോൻ പോയി റെഡി ആയിക്കോട്ടോ…"

കള്ളച്ചിരിയും ചിരിച്ചു കലത്തിൽ വെള്ളം വെക്കാൻ നീങ്ങുന്ന അമ്മുവിനെയും നോക്കി പെണ്ണിന്റെ തേൻ രുചി രാവിലെ തന്ന ഊർജവുമായി ഞാൻ പിറകിലേക്ക് നടന്നു.

----–------------------------------------