Chapter Title : കുടമുല്ല 3 [Achillies] [Climax]

പെണ്ണിന്റെ ബാങ്കിലെ കഥകളിൽ നിന്നു ഇപ്പൊ അവിടെ ഉള്ള സകലരേം എനിക്കും അറിയാം… അങ്ങനെ ബാങ്കിലെ അമ്മൂസിന്റെ ചങ്കായ മായയുടെ കല്യാണത്തിന് പോണം എന്നു പറഞ്ഞു ആഴ്ചകൾക്ക് മുന്നേ പെണ്ണ് സ്വയ്ര്യം തരുന്നുണ്ടായില്ല, അതുകൊണ്ടു പോകാം എന്ന് വെച്ചു ഞാനും ഇരുന്നു. അതിനുള്ള അമ്മൂസിന്റെ സാരിയും എനിക്കുള്ള മുണ്ടും ഷർട്ടും ഒക്കെ എന്നേ വാങ്ങിച്ചു വെച്ചതാ… ദൂരെ കെട്ടിക്കാൻ പോകാൻ ബാങ്കിലെ എല്ലാരും കൂടെ കാറെടുത്താണ്, പോവുന്നത്…

രാവിലെ അമ്മുവിനെ സാരിയുടുപ്പിക്കാൻ കേറുമ്പോഴേ സുന്ദരിക്കുട്ടി ആയ പെണ്ണിനെ തൊട്ടും പിടിച്ചും ഉമ്മ വെച്ചും കളിച്ചപ്പോൾ എന്റെ ചന്തിയിൽ നുള്ളി തൊലിയെടുത്തിട്ടാണ് അവൾ റെഡി ആവാൻ ഓടിച്ചു വിട്ടത്… കല്യാണത്തിന് ചെല്ലുമ്പോൾ ചുവന്ന സാരിയിൽ വെട്ടി തിളങ്ങി അമ്മുവും അവൾക്ക് മാച്ചായ ചുവന്ന ഷർട്ടും കസവുമുണ്ടും ഉടുത്തു പുതുമോടിയിലെ വധു വരന്മാരെ പോലെ നടക്കുന്ന ഞങ്ങളെ എല്ലാവരും നോക്കുന്നുണ്ടായിരുന്നു,... അമ്മു ആണേൽ എന്നെ കൈവിടാതെ ചുറ്റിപ്പിടിച്ചു നടക്കുവായിരുന്നു,.. അല്ലെങ്കിലും അവൾക്കും എനിക്കും ഇതുപോലെ ഉള്ള പരിപാടിയിൽ പോയി ഒന്നു ചെത്താനോ മറ്റും അവസരം കിട്ടിയിരുന്നില്ലല്ലോ… ആഹ് കുറവെന്തായാലും തീർന്നു, പക്ഷെ എന്നെ ഉരുമ്മി പൊടി വിയർപ്പും മുടിയിൽ ചൂടിയ മുല്ലപ്പൂ മണവും ഒക്കെയായി സാരിയിൽ നിറഞ്ഞു നിന്നിരുന്ന അമ്മുവിന്റെ അഭൗമ സൗന്ദര്യത്തിൽ മതിമറന്നു പോയത് ഞാൻ ആയിരുന്നു… പെണ്ണിനെ ഒന്നു ഉമ്മ വെക്കാനെങ്കിലും പറ്റിയിരുന്നേൽ എന്നു കൊതിച്ചു പോയി…

മായയെ ഞാൻ ആദ്യമായിട്ട് കാണുവായിരുന്നു ഒരു കൊച്ചുകുട്ടിയെ പോലെ തോന്നിക്കുന്ന ഒരു പെണ്ണ് എങ്കിലും കാണാൻ വല്ലാത്ത ഐശ്വര്യം ഉണ്ടായിരുന്നു…

വരനെ കണ്ടപ്പോൾ ഞാൻ ഞെട്ടി മിസ്റ്റർ കേരളയിൽ പങ്കെടുക്കാൻ കൊണ്ടു വന്ന ടൈപ്പ് ഉരുണ്ട് വീർത്തു ഒരു മസിലൻ… കണ്ടപ്പോഴേ മായയെ സഹതാപത്തോടെ നോക്കാനാ എനിക്ക് തോന്നിയത്…

"അമ്മു…."

"ആഹ്…"

"ഡി.. ഇവരെങ്ങെനെയ സെറ്റ് ആയെ…"

"മാട്രിമോണി വഴിയാ...വിഘ്‌നേശ് നെ കണ്ടപ്പോഴേ അവൾക്ക് ഇഷ്ട്ടപ്പെട്ടു അങ്ങനെയാ.. "

അമ്മു മണ്ഡപത്തിൽ ആനേം ആടും പോലെ ഇരിക്കുന്ന അവരെ നോക്കി ചിരിക്കുമ്പോൾ… നാളെ ആഹ് പെണ്ണിന്റെ പൊടിയെങ്കിലും ബാക്കി ഉണ്ടാവണേ എന്നുള്ള പ്രാർത്ഥനയിൽ ആയിരുന്നു ഞാൻ…

എന്തായാലും ആഹ് പ്രാർത്ഥന