Chapter Title : കുതിക്കാൻ കൊതിക്കുന്നവർ 4 [സ്പൾബർ]

കുട്ടൻ വെറുതേ ചോദിച്ചു..

“ അത്… ഞാൻ… വലിയ അദ്ധ്വാനമൊന്നും എനിക്ക് വയ്യ കുട്ടേട്ടാ… ചില്ലറ പണിയെന്തേലും എടുത്തങ്ങ് പോകും…”..

“ ചെറിയ പണി കൊണ്ട് വീട്ട് കാര്യങ്ങളൊക്കെ നടക്കോ ബാലാ…?”..

“ആ… ഒരു വിധം തട്ടീം മുട്ടീം…”..

ആ വിഷയം സംസാരിക്കാൻ ബാലന് താൽപര്യമില്ലെന്ന് കുട്ടന് മനസിലായി.. ഇത് വരെ അമ്മയും, ഇപ്പോ ഭാര്യയും അദ്ധ്വാനിച്ച് കൊണ്ടുവരുന്നത് തിന്ന് ജീവിക്കുന്ന ഒരു ചെറ്റയാണിവൻ..

“ബാലന് പണിയെന്തേലും വേണേൽ എന്നോട് പറഞ്ഞാ മതി… കോലോത്ത് എന്തെങ്കിലും ശരിയാക്കാം…”..

ബാലൻ പല്ലിറുമ്മി.. അവന് തീരെ ഇഷ്ടമില്ലാത്ത കാര്യമാണത്..

“ ഞാൻ പറയാം കുട്ടേട്ടാ… കുറച്ച് ദിവസമായി ഒരു മേല് വേദന… അത് മാറിയാ ഞാൻ വരാം…”..

തൽക്കാലം രക്ഷപ്പെടാനായി ബാലൻ പറഞ്ഞു…

മദ്യപിച്ചിട്ട് കാലമൊരു പാട് ആയത് കൊണ്ടാവാം, ഒരു കുപ്പി ഉള്ളിൽ ചെന്നപ്പോ തന്നെ കുട്ടന് അത്യാവശ്യം പൂസായി..

പച്ചക്കുരുമുളക് അരച്ചുണ്ടാക്കിയ ബീഫും കൂട്ടി അരക്കുപ്പി കൂടി കുട്ടനടിച്ചു.. അതിൽ ബാക്കിയുണ്ടായത് ബാലന് കൊടുത്തു..

നേരം സന്ധ്യയായിത്തുടങ്ങിയിരുന്നു..

പൈസ കൊടുത്തപ്പോ ഷാപ്പ് കാരൻ പരിചയഭാവത്തിലൊന്ന് ചിരിച്ചു..

“കുട്ടനെ ഇങ്ങോട്ടൊന്നും കാണാറില്ലല്ലോ… ഇന്നെന്ത് പറ്റി… ?”..

അയാൾ ലോഹ്യം ചോദിച്ചു..

“ നിർത്തിയതാ പരമുച്ചേട്ടാ… ഇന്ന് തുടങ്ങാൻ തോന്നി… ഇനിയെന്നും നമുക്ക് കാണാം… “..

കുട്ടൻ പുറത്തേക്കിറങ്ങി നടന്നു.. ഒപ്പം ബാലനും…

“ നീ പോരുന്നുണ്ടോ ബാലാ… ?”..

ബൈക്കിൽ കയറിക്കൊണ്ട് കുട്ടൻ ചോദിച്ചു..

“ഇപ്പോ വരുന്നില്ല കുട്ടേട്ടാ… കുറച്ചൂടെ കഴിയും…”..

ബാലൻ വീണ്ടും തല ചൊറിഞ്ഞു…കുട്ടൻ പോക്കറ്റിൽ നിന്നും അഞ്ഞൂറിന്റെ ഒരു നോട്ടെടുത്ത് ബാലന് നീട്ടി.. ബാലനത് ചാടിപ്പിടിച്ചു..

“നിന്റെ മേല് വേദന മാറിയാ കോലോത്ത് പണിക്ക് വരണം.. കേട്ടല്ലോ…?”..

“ വരാം കുട്ടേട്ടാ… ഒറപ്പായിട്ടും വരാം..”..

കുട്ടൻ ബൈക്ക് സ്റ്റാർട്ടാക്കി ഇരുട്ട് വീണ് തുടങ്ങിയ വഴിയിലൂടെ പതിയെ ഓടിച്ച് പോയി.. പിന്നേ..പണിക്കെന്റെ പട്ടി വരും, എന്ന് പിറുപിറുത്ത് അഞ്ഞൂറിന്റെ നോട്ടും കയ്യിൽ പിടിച്ച് അഹങ്കാരത്തോടെ ബാലൻ ഷാപ്പിലേക്കും കയറി…

✍️…

നേരം സന്ധ്യ കഴിഞ്ഞു.. കോലോത്ത് വിളക്ക് വെപ്പും,സന്ധ്യാ പ്രാർത്ഥനയും കഴിഞ്ഞ് എല്ലാരും അവരവരുടെ മുറിയിൽ കയറി…തമ്പുരാക്കൻമാർ വരുമ്പോ കുറച്ചൂടി കഴിയും.. അവർ വന്നിട്ടേ എല്ലാരും അത്താഴം കഴിക്കൂ..ജഗന്നാഥനും, രവിശങ്കറും കുറച്ച് കഴിഞ്ഞാൽ എത്തും.. ജ്വല്ലറിയിലെ സ്റ്റോക്കെടുപ്പും കണക്ക് നോക്കലുമൊക്കെ കഴിഞ്ഞ് രാജേന്ദ്രൻ വരുമ്പോ പിന്നെയും ഒരു നേരമാകും..

നിളത്തമ്പുരാട്ടി മുറിയിൽ ഉലാത്തുകയാണ്.. അവളെന്തെന്നില്ലാത്ത ദേഷ്യത്തിലാണ്..അല്ലെങ്കിലും കൂടുതലും അവൾക്ക് രണ്ടേ