Chapter Title : ലഹരി? [അൻസിയ]

ആയത് കൊണ്ടാണോ... ആ എന്തെങ്കിലും ആവട്ടെ.. വേഗം കാര്യം നടത്തി അയാൾ പുറത്തിറങ്ങി....

ഭക്ഷണം കഴിച്ചു മൂന്ന് മണിയോടെ അവർ ഹോസ്റ്റലിൽ എത്തി വല്യച്ചനെ റിസപ്ഷനിൽ ഇരുത്തി അനിത കൂട്ടുകാരികളെ കാണാൻ അകത്തേക്ക് പോയി... ഒരു മണിക്കൂർ കഴിഞ്ഞു തിരിച്ചു വന്ന അനിതയുടെ കൂടെ കുറച്ചു കുട്ടികൾ ഉണ്ടായിരുന്നു അത് കൊണ്ട് ദേഷ്യം ഉള്ളിലടക്കി മാധവൻ അവരോട് ചിരിച്ചു കൊണ്ട് സംസാരിച്ചു... അതിൽ രണ്ട് മൂന്ന് കുട്ടികൾ ധരിച്ചിരുന്ന വേഷം കണ്ട് ഉള്ളിലെ ദേഷ്യം ഇരട്ടി ആയെങ്കിലും പരമാവധി അയാൾ പിടിച്ചു നിന്നു... കാര്യം മനസ്സിലായ അനിത വേഗം തന്നെ അവരെ ഒന്ന് കൂടി ക്ഷണിച്ചു കൊണ്ട് അവിടെ നിന്നും ഇറങ്ങി....

"ആ മുഖം ഇപ്പൊ പൊട്ടിപോകും ഇങ്ങനെ വീർപ്പിച്ചിട്ട്...."

കണ്ണുരുട്ടി അവളെ ഒന്ന് നോക്കിയത് അല്ലാതെ അയാൾ ഒന്നും പറഞ്ഞില്ല....

"ഇപ്പൊ എന്താ പ്രശ്നം...??

"ഇവരൊക്കെയാണോ നിന്റെ ഫ്രഡ്‌സ്....??

"ഇനിയും ഉണ്ട്... എന്തേ...??

"ബാക്കി ഉള്ളതും ഇവറ്റങ്ങളെ പോലെയാണോ....??

"അതിന് ഇവർക്ക് എന്താ കുഴപ്പം....??

"കാശില്ലാത്ത വീട്ടിലെ മക്കൾ ഒന്നും അല്ലല്ലോ അവർ... കീറി പറിഞ്ഞ ഡ്രെസ്സ് ഇട്ട് നടക്കാൻ..."

"അതാണോ പ്രശ്നം. . .. അതൊക്കെ മോഡൽ അല്ലെ കിളവാ...."

"അപ്പൊ നീയും ഇതൊക്കെ ഇട്ടോണ്ട് ആണോ ഇവിടെയും നടത്തം....??

"ആഹ്... എന്തേ...??

"തല ഞാൻ തല്ലി പൊളിക്കും.... "

"ഹെൻറ്റമോ ഇതെന്ത് ദേഷ്യം.... എന്ന ഞാനൊരു കാര്യം പറയട്ടെ....??

"എന്ത് കാര്യം....??

"കുറച്ചു സന്തോഷം തരുന്ന കാര്യമാണ്... "

"ആ പറയ്..."

താൽപ്പര്യം ഇല്ലാത്ത മട്ടിൽ അയാൾ പറഞ്ഞു...

"ഹു.... ജാഡ എന്ന ഞാൻ പറയുന്നില്ല...."

"നീ പറയ്..."

"എന്റെ കാര്യത്തിന് കൂടെ വന്നിട്ട് പതിവ് കാര്യങ്ങൾക്കൊന്നും മുടക്കം വരുത്തണ്ട...."

"എന്ത് കാര്യം...??

"ഹോ... അറിയാത്ത പോലെ... രണ്ടെണ്ണം വീശുന്ന കാര്യം...."

"എന്നിട്ട് വേണം രുഗ്മിണി എന്റെ തല വെട്ടി മാറ്റാൻ...."

എന്തോ ഒരു പ്രകാശം ആ മുഖത്ത് വിരിയുന്നത് അവൾ കണ്ടു.

"വീട്ടിൽ എത്ര എണ്ണമാ അമ്മായിയുടെ കണക്ക്....??

"അവൾ രണ്ടെണ്ണം ഒഴിച്ചങ്ങു തരും പിന്നെ കുപ്പി എവിടെയാന്ന് പോലും അറിയില്ല...."

"അയ്യോ പാവം...."

"കളിയാകണ്ട.... ഇപ്പോൾ അതൊരു ശീലമായി..."

"എന്ന നമുക്ക് ഇന്ന് അതങ്ങു തെറ്റിക്കാം...."

"എന്ത്....???

"രണ്ടെണ്ണം എന്നുള്ളത് മൂന്ന് ആക്കാം എന്തേ....???

"പോടി അവിടുന്ന് വീട്ടിൽ അറിയും...."

ഉള്ളിലെ സന്തോഷം മറച്ചു വെച്ച് അയാൾ പറഞ്ഞു....

"ഞാൻ പറഞ്ഞാൽ അല്ലെ അറിയൂ....