Chapter Title : ലക്ഷ്മി 10 [Maathu]

കേട്ട് ചേച്ചി വാതിൽ തുറന്നിരുന്നു. ചേച്ചി മാത്രമേ ഉണ്ടാർന്നുള്ളു. കുട്ടികളും ചേട്ടനും കിടന്നെന്ന് തോന്നുന്നു.

:ആഹാ .. വരൂ.. കയറൂ

ചേച്ചി ഞങ്ങളെ ഉള്ളിലേക്ക് ആനയിച്ചു.

ഗേറ്റ് അടച്ചു വന്ന കിച്ചു കണ്ണനെ എടുത്തു എനിക്ക് ചെരുപ്പഴിക്കാൻ.

ഞാൻ ചെറുപ്പഴിച് ഉള്ളിലേക്ക് കയറി സ്മിത ചേച്ചിയെ പോയി ഇറുക്കെ കെട്ടിപിടിച്ചു

:ഔ..വന്നല്ലോ അവസാനം

ചേച്ചിയെന്റെ പുറത്ത് പിച്ചിക്കൊണ്ട് പറഞ്ഞു. ഞാനതിന് ഒരു നിറപുഞ്ചിരി കൊടുത്തു.

:നല്ല ഉറക്കാണല്ലോ കണ്ണൻ..

ചേച്ചി ഉറങ്ങുന്ന കണ്ണനെ കിച്ചുവിന്റെ കയ്യിൽ നിന്നെടുത്ത്‌ ആ കവിളിൽ തലോടി ഒന്ന് ചുംബിച്ചു.

:കുട്ടികളൊക്കെ ഉറങ്ങിയോ ചേച്ചി

:ആടി…അവര് നേരത്തെ ഉറങ്ങി. ചേട്ടനിപ്പോ കിടന്നേ ഉള്ളു… എന്നാ നിങ്ങളും പോയി ഉറങ്ങിക്കോ.. വിശദായിട്ട് രാവിലെ സംസാരിക്ക

കിച്ചുവിനെ തിരികെ തന്നു കൊണ്ട് ചേച്ചി ഞങ്ങളോട് മുകളിലേക്ക് പോകാൻ പറഞ്ഞു.

:അല്ല ചോദിക്കാൻ വിട്ടു.. ഭക്ഷണം കഴിച്ചതാണോ രണ്ടാളും. ഇല്ലേ ഇവിടുണ്ട്. ഫ്രിഡ്ജ്ന്ന് എടുത്ത് ഒന്ന് ചൂടാക്കിയാൽ മതി.

:വേണ്ട മാമി,  വരുന്ന വഴിക്കന്ന് കഴിച്ചു.

:ആ.. എന്നാ ശെരി ഗുഡ് നൈറ്റ്‌

ചേച്ചിയതും പറഞ് ഹാളിലെ ലൈറ്റ് ഓഫ്‌ ചെയ്തു ചേച്ചീടെ റൂമിലേക്ക് പോയി. ഞങ്ങള് ഞങ്ങളെ റൂമിലേക്കും.

റൂമിലെത്തിയപ്പോ അവിടുത്തെ ഗന്ധം ഞാനൊന്ന് വലിച്ചെടുത്തു.

കണ്ണനെ ബെഡിൽ കിടത്തി നിവർന്ന കിച്ചു കാണുന്നത് കണ്ണടച്ച് ആ റൂമിലെ ഗന്ധം ആസ്വദിക്കുന്ന എന്നെയാണ്.

:എന്താണ് ഈ റൂമൊക്കെ മിസ്സ് ചെയ്തോ

:പിന്നല്ലാണ്ട്. ബെഡില് ഡ്രസ്സ്‌ അഴിച്ചിടുന്ന സ്വഭാവം ഇപ്പോഴും മാറ്റിയിട്ടില്ലല്ലേ..

കിച്ചു ബെഡിലഴിച്ചു വച്ചിരിക്കുന്ന ഡ്രസ്സ്‌ എല്ലാം പെടുക്കിയെടുത്ത്‌ കൊണ്ട് പറഞ്ഞു.

:ഇതെപ്പോഴാ തൊട്ടിലൊക്കെ കെട്ടിയത്.