Chapter Title : ലക്ഷ്മി 8 [Maathu]

ഒക്കെ കഴിഞ്ഞ് സോഫയിലിങ്ങനെ ലക്ഷ്മിയേയും ചേർത്തു പിടിച്ചു കിടക്കാണ്.. ഇന്ന് പോകുന്നത് കൊണ്ടാണെന്ന് തോന്നുന്നു.. മുഖത്തെ വെളിച്ചം അല്പം കുറഞ്ഞ പോലെയുണ്ട്..

സോഫയിൽ കിടന്ന എന്റെ അടുക്കൽ വന്നിട്ട് നെഞ്ചിലേക്ക് തല വച്ചു കൈ രണ്ടും കഴുത്തിലേക്കിട്ട് കിടന്നതാണ്.. കുറച്ചു കഴിഞ്ഞപ്പോ ആളുറങ്ങി പോയി..

മുല എന്റെ നെഞ്ചിൽ അമർത്തി വച്ചു കൊണ്ടാണ് കിടത്തം... ഇവിടെ വന്നേൽ പിന്നെ ഇടക്ക് മാത്രമാണ് അവള് ബ്രായൊക്കെ ഉപയോഗിച്ചിരുന്നത്.

കുട്ടിത്തത്തോടെയുള്ള മുഖ ഭാവം വച് ഉറങ്ങുന്ന അവളെ കണ്ടപ്പോൾ ഒരിളം ചിരി എന്റെ ചൊടികളിൽ വന്നുനിന്നു. ഒരു സ്നേഹ ചുംബനം ലക്ഷ്മിയുടെ നെറ്റിയിൽ കൊടുത്തു..

അങ്ങനെ വൈകുന്നേരവും കഴിഞ്ഞ് രാത്രിയുടെ അന്ത്യയാമങ്ങളിലേക്ക് സമയം നീങ്ങി കൊണ്ടിരുന്നു...

ബാഗ് ഒക്കെ ഇന്നലെ രാത്രി തന്നെ ഒരുക്കി വച്ചിരുന്നതിനാൽ വേറെ ജോലിയൊന്നും ഉണ്ടായിരുന്നില്ല...

അവളൊരു ഹൂടിയും ജീൻസും ഇട്ട് വന്നു പോകാൻ റെഡി ആയി... വല്ല്യ സന്തോഷമൊന്നുമില്ല മുഖത്ത്... ഒരു ടാക്സി വിളിച്ച് ഞങ്ങളെങ്ങനെ എയർപോർട്ടും ലക്ഷ്യമാക്കി നീങ്ങി കൊണ്ടിരുന്നു... അർദ്ധരാത്രി ആയതിനാൽ വലിയ തിരക്കൊന്നും ഇല്ല റോഡിൽ അത്‌ കൊണ്ട് തന്നെ എയർപോർട്ടിൽ പെട്ടന്നെത്തി. അവളുടെ ബാഗും പുറത്ത് വച്ചു ഞങ്ങള് അവിടെയുള്ള ഇരിപ്പിടത്തിന് നേരെ നടന്നു.. എന്റെ ഒരു കയ്യിൽ തൂങ്ങിയാണ് ലക്ഷ്മി നടക്കുന്നത്...കുറച്ചു നേരം ഞങ്ങളെങ്ങനെ ഒന്നും പറയാതെ നിന്നു... ഒടുക്കം അവളെ തള്ളി ഞാൻ തന്നെ അവളെ അതിനുള്ളിലേക്ക് കയറ്റി വിട്ടു.

പോകുമ്പോ തിരിഞ്ഞു വന്നു എന്നെ കെട്ടിപിടിച്ചുകൊണ്ട് കവിളിലായി ഒരു ചുംബനവും നൽകി.

"ഇവിടുത്തെ മതിയാക്കി നാട്ടിലേക്ക് വരത്തില്ലേ "

'നോക്കാം '

"നോക്കാനല്ല... വരണം...