Chapter Title : ലക്ഷ്മിയുടെ അരഞ്ഞാണം [Master]

ഒരുപാട് രഹസ്യങ്ങള്‍ തങ്ങള്‍ക്കിടയില്‍ ഉണ്ടാകട്ടെ. ഉണ്ടാകും; ഉണ്ടാകണം.

ലക്ഷ്മിയമ്മ പറഞ്ഞതുപോലെതന്നെ സംഭവിച്ചു. മരുമകള്‍ ശ്രീജ രണ്ടു ദിവസം പോലും മുഴുമിപ്പിക്കാതെ തിരികെപ്പോയി. നായരെ കൈകാര്യം ചെയ്യുന്നത് നിസ്സാര കാര്യമല്ല എന്നവള്‍ക്ക് ഒറ്റ ദിവസം കൊണ്ടുതന്നെ മനസ്സിലായി. ജോലിക്കാരന്‍ ഇല്ലാതെ ഒന്നും നടക്കില്ല. പക്ഷെ താനെത്തിയതോടെ അവന്‍ പൊയ്ക്കളഞ്ഞിരിക്കുന്നു.

“ഹോ ആശ്വാസമായി” അടുത്ത ദിവസം നിഷാദ് തിരികെ എത്തിയപ്പോള്‍ വിടര്‍ന്ന ചിരിയോടെ ലക്ഷ്മിയമ്മ പറഞ്ഞു. ആ മാദകമായ ചിരിയില്‍ മയങ്ങിപ്പോയി അവന്‍.

ശ്രീജ വന്നത് നായരെ സന്തോഷിപ്പിച്ചിരുന്നു. ലക്ഷ്മി തനിച്ച് നിഷാദിന്റെ കൂടെ ആയിരിക്കുന്നത് അയാളെ വല്ലാതെ അലട്ടുന്നുണ്ടായിരുന്നു. പക്ഷെ ശ്രീജ വന്നപ്പോള്‍ അവന്‍ പോയത് അയാളെ സംശയാലുവാക്കി. അവന് സുഖമില്ലാതായി എന്നാണ് കാരണമായി ലക്ഷ്മി പറഞ്ഞത്. അവനെന്തെങ്കിലും രോഗമുള്ളതായി അയാള്‍ക്ക് തോന്നിയിരുന്നില്ല. പിന്നെ? ശ്രീജ തന്നെ നോക്കാന്‍ വന്നതാണെന്നാണ് പറഞ്ഞത്. ഇവിടെ താമസിക്കാന്‍ തയ്യാറെടുത്ത്.

“അവനെന്താ അമ്മെ പോയത്” ശ്രീജ തന്റെ മുമ്പില്‍ വച്ചാണ് അത് ചോദിച്ചത്.

“അവന് നടു വിലങ്ങി; കുറെ ദിവസമെടുക്കും ശരിയാകാന്‍” അത് പറഞ്ഞപ്പോള്‍ ലക്ഷ്മിയുടെ മുഖത്തെ വെറുപ്പ് എന്തിനായിരുന്നു? ശ്രീജ വന്നപ്പോള്‍ അവള്‍ അവനെ മനപ്പൂര്‍വ്വം പറഞ്ഞു വിട്ടതല്ലേ? അതെപ്പറ്റിത്തന്നെ അയാള്‍ ചിന്തിച്ചു കിടക്കവേ ആണ് നിഷാദ് തിരിച്ചെത്തിയത്.

“രണ്ടു ദിവസമായി കുളിപ്പിച്ചിട്ട്. മോനില്ലാതെ എങ്ങനെ കുളിപ്പിക്കാനാ” ഭാര്യയുടെ സ്വരം അയാളുടെ കാതിലെത്തി. അവന്‍ തിരികെയെത്തിയിരിക്കുന്നു. പകയോടെ അയാള്‍ ഓര്‍ത്തു. എല്ലാം ലക്ഷ്മിയുടെ പ്ലാനാണ്‌. ശ്രീജ വന്നപ്പോള്‍ പോയവന്‍, അവള്‍ പോയയുടന്‍ തിരികെ വന്നിരിക്കുന്നു. നായരുടെ ഉള്ളില്‍ സംശയത്തിന്റെ മേഘപടലങ്ങള്‍ നിറഞ്ഞു.

നിഷാദ് മുറിയിലേക്ക് വന്നപ്പോള്‍ അയാള്‍ അസ്വസ്ഥതയോടെ പുറത്തേക്ക് നോട്ടം