Chapter Title : ലവ് ബൈറ്റ് 10 [കാവൽക്കാരൻ]

ചേർത്തു. അവളുടെ ഉമിനീരിൽ അടങ്ങിയിരിക്കുന്ന രക്തം കട്ടപിടിപ്പിക്കാനുള്ള (Coagulant) രാസവസ്തുക്കളും, മുറിഞ്ഞ കോശങ്ങളെ അതിവേഗം പുനരുജ്ജീവിപ്പിക്കുന്ന (Cellular regeneration) അസാധാരണമായ എൻസൈമുകളും ആ മുറിവിലേക്ക് പകരാനായി അവൾ നാവുകൊണ്ട് ആ മുറിവിൽ മൃദുവായി അമർത്തി തുടച്ചു.

സാധാരണയായി ഇരകളെ കടിച്ചുകഴിഞ്ഞാൽ അവിടെ മുറിപ്പാട് പോലും ബാക്കിയാകാതെ മായ്ച്ചുകളയാൻ പ്രകൃതി തന്നെ അവരുടെ വർഗ്ഗത്തിന് നൽകിയ വരദാനമായിരുന്നു അത്.

അവളുടെ നാവ് തൊട്ടതും ആഴത്തിലുള്ള ആ മുറിവിനുള്ളിൽ നിന്നും നേരിയൊരു പുക ഉയരുന്നതുപോലെ തോന്നി. നിമിഷങ്ങൾക്കകം, മുറിഞ്ഞ ഞരമ്പുകൾ തനിയെ കൂടിച്ചേരാൻ തുടങ്ങി. പുറത്തേക്കുള്ള രക്തപ്രവാഹം പൂർണ്ണമായും നിലച്ചു.

അവൾ വീണ്ടും വീണ്ടും ആ മുറിവിന് മുകളിൽ നാവുകൊണ്ട് തലോടിയതോടെ, കീറിപ്പോയ തൊലിപ്പുറം പതുക്കെ ഒത്തുചേർന്ന് അവിടെയൊരു മുറിവുണ്ടായിരുന്നതിന്റെ ചെറിയൊരു പാടുപോലും ഇല്ലാതെ ചർമ്മം പഴയതുപോലെ സാധാരണ നിലയിലായി!

ശേഷം അവൾ അവന്റെ കഴുത്തിലേക്ക് മുഖം ചേർത്തു. ആ അപരിചിതയായ സ്ത്രീ കടിച്ചുമുറിച്ച ആ ഭാഗത്തും അവൾ തന്റെ ഉമിനീർ പുരട്ടി.

അവിടെയും കോശങ്ങൾ കൂടിച്ചേർന്ന് ആ പല്ലിന്റെ പാടുകൾ പൂർണ്ണമായും മാഞ്ഞുപോയി. ഇനി ഏതൊരു ഡോക്ടർ പരിശോധിച്ചാലും അവന്റെ ശരീരത്തിൽ ഒരു പോറൽ പോലും കണ്ടെത്താൻ കഴിയില്ല!

അത്രയും ചെയ്തപ്പോഴേക്കും അനുവിന്റെ ശരീരത്തിലെ ഊർജ്ജം ഏകദേശം വറ്റിയിരുന്നു.

അവൾ വല്ലാതെ കിതച്ചു.

എന്നാൽ അപകടം അവിടംകൊണ്ട് ഒഴിയുന്നില്ലായിരുന്നു. മുറിവുകൾ ഉണങ്ങിയെങ്കിലും അവന്റെ ശരീരത്തിൽ നിന്നും വലിയൊരു അളവ് രക്തം ഇതിനോടകം നഷ്ടപ്പെട്ടിരിക്കുന്നു. അവന്റെ തലച്ചോറിലേക്കും ഹൃദയത്തിലേക്കുമുള്ള രക്തയോട്ടം നിലനിർത്തേണ്ടത് അത്യാവശ്യമായിരുന്നു.

അവൾ വേഗം അവന്റെ തല മടിയിൽ നിന്നും താഴ്ത്തി തറയിൽ നേരെ കിടത്തി. ശേഷം കട്ടിലിൽ