Chapter Title : ലീവ് ഡെയ്‌സ് [മന്ദന്‍ രാജാ]

സ്നേഹം മാഞ്ഞുപോകുവൊന്നുമില്ലല്ലോ ""

"'പോകും ... അത് നമ്മുടെ കൂടെ ജീവിക്കുന്ന ആളുടെ സ്വഭാവം കൂടി അനുസരിച്ചായിരിക്കും . നിനക്കും അവൾക്കുമൊക്കെ വരുന്ന ആളുകൾ എത്തരക്കാരാണെന്ന് ആർക്കറിയാം ... ഹരിക്കുട്ടാ ... ശരീരവും പണവും കണ്ടുകൊണ്ടല്ലാതെയുള്ള പ്രണയം ആണെങ്കിൽ അതൊരുപക്ഷേ മായില്ല .. ബാക്കിയൊക്കെ കണക്കാണ് ""

"'ചേച്ചീ ..നീ ..നീ പ്രേമിച്ചിട്ടുണ്ടോ ആരെയേലും ?'''

"'ഹമ് ... ഒരാളെ .. ഓൺലൈനിലാണ് കണ്ടതും പരിചയപ്പെട്ടതും . അവനും ഇവിടെ തന്നെയുള്ളതാണ് . ഭയങ്കര ചാറ്റഡാ ... രാവിലെ മുതൽ മൂന്നാലു ഗുഡ് മോർണിംഗ് , ഗുഡ് ആഫ്റ്റർനൂൺ , ഗുഡ് ഈവനിംഗ്, ഗുഡ് നൈറ്റ് ....എന്നിങ്ങനെ ..."'

''മൂന്നാല് ഗുഡ് മോർണിങ്ങോ ?''

"'ആ .. സാധാരണ രാവിലെയും വൈകിട്ടും വിഷ് ചെയ്യും അല്ലെങ്കിൽ ചാറ്റ് വന്നാൽ ആ സമയം എന്താണോ ഗുഡ് ഈവനിംഗ് എന്ന് പറഞ്ഞു തുടങ്ങും അല്ലേ ... ഇത് വീണ്ടും വീണ്ടും അങ്ങനെ തന്നെ പറയും .സ്നേഹക്കൂടുതൽ ആണെന്ന് ഞാനും കരുതി . അമ്മയോടാണ് ഞാൻ കൂടുതൽ സംസാരിക്കാറ് , കാരണം അമ്മെക്കെന്നെ അറിയാം . കൂട്ടുകാരോട് പോലുമധികം സംസാരിക്കാറില്ല , മറ്റൊന്നുമല്ല അവർ ആദ്യം സഹതപിക്കും പിന്നെ ആശ്വസിപ്പിക്കും ഒടുവിൽ പുച്ഛിക്കും ... എല്ലാം ഷെയർ ചെയ്യാൻ പറ്റുന്ന ഒരാളെ കിട്ടിയപ്പോൾ ഞാൻ സന്തോഷിച്ചു .. അതും എതിർലിംഗത്തിൽ പെട്ടയൊരാൾ ആവുമ്പോൾ നമുക്ക് ഒരു സന്തോഷമുണ്ട് . "''

"'' എന്നിട്ട് ...?''

"'ഹമ് ..അവനെന്നെ കാണാനൊരിക്കൽ വന്നു .. അവൻ അധികം വെളുത്തിട്ടല്ല , സാമ്പത്തികമായും അത്ര മെച്ചമല്ല നമ്മുടെയൊക്കെപ്പോലെതന്നെ .. പക്ഷെ അവനും ഡിമാൻഡ് സുന്ദരിയായ പെണ്ണും മെച്ചപ്പെട്ട സാമ്പത്തികവും വിദ്യാഭ്യാസവും . ""

"' എന്നിട്ട് പിന്നെയവൻ വന്നില്ലേ ..."'

"' അവൻ അന്നെന്നോട് പറഞ്ഞു അവന്റെ ഹോട്ടലിലേക്ക് ചെല്ലാൻ ..."''

"'എന്നിട്ട് ..നീ പോയോ ഉമേച്ചീ ""' ഹരിയുടെ ശ്വാസം വേഗത്തിലായി .

"' ഇല്ല ... ചാറ്റിൽ പതപ്പിക്കലും മറ്റുമേ ഉണ്ടായിരുന്നുള്ളൂ . പിന്നെ ആവശ്യമില്ലാത്ത കുറെ കാര്യങ്ങളും പിന്നെ എന്റേം അവന്റെം ജോലിയിലെ