Chapter Title : Love Or Hate 08 [Rahul Rk]

വലിയ ഒരു വീട് തന്നെ ആണ്.. മുറ്റത്ത് കാറുകളും കിടക്കുന്നുണ്ട്.. അത്യാവശ്യം ആഡംബരവും ഉണ്ട്... അതെല്ലാം കണ്ടപ്പോൾ തന്നെ അവരുടെ ലക്ഷ്യം പണം ആകാൻ വഴിയില്ല എന്ന് ഷൈനിന് തോന്നി... പിന്നെ എന്തായിരിക്കും...?? കാറിൽ നിന്നും ഇറങ്ങിയ പപ്പ ഷൈനിനെ തന്നെ ഒന്ന് ഇരുത്തി നോക്കി... ഈ സംഭവത്തിന് ശേഷം അമ്മച്ചിയോ ചേച്ചിയോ ഷൈനിനോട് മിണ്ടിയിട്ട്‌ കൂടി ഇല്ല... അവർ മുറ്റത്ത് തന്നെ നിൽക്കുകയായിരുന്നു... പെട്ടന്നാണ് അകത്ത് നിന്നും ഒരാൾ ഉമ്മറത്തേക്ക് വന്നത്.. കാഴ്ചയിൽ മാന്യൻ എന്ന് തോന്നിക്കുന്ന ഒരാൾ...

എന്നാൽ ആദ്യ കാഴ്ചയിൽ തന്നെ അയാളെ താൻ മുൻപ് എവിടെയോ കണ്ടിട്ടുണ്ട് എന്ന് ഷൈനിന് തോന്നി... ഷൈൻ ആ സംശയം ആൻഡ്രുവിനോട് പറയുകയും ചെയ്തു...ഷൈൻ: ടാ.. ഞാൻ ഇയാളെ എവിടെയോ വച്ച് കണ്ടിട്ടുണ്ട്... ആൻഡ്രൂ: എവിടെ വച്ച്...?? ഷൈൻ: അതാണ് എനിക്കും ഓർമ കിട്ടാത്തത്... അവർ അങ്ങനെ ആലോചിച്ച് നിന്നപ്പോൾ ആണ് അകത്ത് നിന്നും അടുത്തതായി ഒരു ചെറുപ്പക്കാരൻ പുറത്തേക്ക് വന്നത്... എന്നാൽ വന്ന ആളെ കണ്ട ഷൈനും ആൻഡ്രുവും ഒരുപോലെ ഞെട്ടി പോയി.. അവർ ഇരുവരും ഒരുമിച്ച് തന്നെ പരസ്പരം പറഞ്ഞു... "അർജുൻ...." (തുടരും...)