Chapter Title : മാളവിക 10 [Abhisha]

അതാകുമ്പോൾ നിനക്ക് സ്വൈര്യവുമായിരിക്കുമല്ലോ. പിന്നെ ലാപ്ടോപ്പിൽ എന്തെങ്കിലും സ്കൂൾ വർക്കോ ചെയ്യാനുണ്ടെങ്കിൽ അവിടെയാണ് കുറച്ചുകൂടി സൗകര്യം."

അമ്മായി തുടർന്നു: "പിന്നെ, നീ എന്റെ മുറിയിലെ അലമാരയുടെ അരികിൽ നോക്കിക്കേ. അതിനകത്ത് രണ്ട് പുതിയ നൈറ്റികൾ ഇരിപ്പുണ്ട്. അതിൽ നിനക്ക് ഇഷ്ടമുള്ള ഏതാണെന്ന് വെച്ചാൽ എടുത്തോ.

എന്റേത് ആയതുകൊണ്ട് നിനക്ക് അല്പം വലുതായിരിക്കും, എന്നാലും കുഴപ്പമില്ലല്ലോ രാത്രി കിടക്കുമ്പോൾ ആരും കാണാൻ പോകുന്നില്ലല്ലോ."

മാളവിക ചെറിയൊരു ലജ്ജയോടെ തലയാട്ടിക്കൊണ്ട് മറുപടി പറഞ്ഞു:

"ശരി അമ്മായി, ഞാൻ നോക്കിക്കോളാം..."

അവർ എല്ലാവരും ചേർന്ന് ചായ കുടിച്ച ഗ്ലാസുകൾ ഓരോന്നായി എടുത്തു മാറ്റാൻ മാളവിക തുനിഞ്ഞു. അവൾ ടീപ്പോയ്ക്ക് മിലുണ്ടായിരുന്ന ഗ്ലാസുകൾ എടുത്തപ്പോൾ, അമ്മ വേഗത്തിൽ തടഞ്ഞുകൊണ്ട് പറഞ്ഞു:

"അയ്യോ മാളൂ, ആ ഗ്ലാസുകളൊക്കെ അവിടെ വെച്ചേക്ക്, അതൊക്കെ ഞാൻ എടുത്തോളാം. മോള് പോയി നന്നായിട്ടൊന്ന് കുളിച്ച് ഫ്രെഷായി കുറച്ചുനേരം റെസ്റ്റ് എടുക്ക്."അമ്മയുടെ ആ സ്നേഹത്തോടെയുള്ള വാക്ക് കേട്ട് മാളവിക പുഞ്ചിരിച്ചുകൊണ്ട് ഗ്ലാസുകൾ അവിടെ വെച്ചു. എന്നിട്ട് അവൾ അമ്മായിയുടെ റൂമിലേക്ക് നടന്നു.

അമ്മായിയുടെ മുറിയിൽ ചെന്ന് ആ വലിയ തടിയുടെ അലമാര അവൾ പതിയെ തുറന്നു. അതിന്റെ താഴത്തെ ഷെൽഫിൽ അടുക്കിവെച്ചിരുന്ന പുതിയ വസ്ത്രങ്ങളുടെ ഇടയിൽ നിന്നും അവൾ നല്ല ഒതുക്കമുള്ള, മനോഹരമായ ഒരു ബ്രൗൺ കളർ കോട്ടൺ നൈറ്റി എടുത്തു.

അമ്മായി പറഞ്ഞതുപോലെ അത് അല്പം വലിപ്പമുള്ളത് ആയിരുന്നു.ആ നൈറ്റിയും കയ്യിൽപ്പിടിച്ച് അവൾ ഹാളിലേക്ക് തിരികെ വന്നു. അവിടെ സോഫയിൽ (സെറ്റിയിൽ) വെച്ചിരുന്ന തന്റെ ഹാൻഡ്ബാഗും മറ്റ് ചെറിയ ബാഗുകളുംകൂടി എടുത്തു.

അച്ഛനും അമ്മയും അമ്മായിയും ലിവിംഗ് റൂമിൽ