Chapter Title : മാളവിക 4 [Abhisha]

വിടുമോ? ഒരു ടീച്ചറിൽ നിന്ന് ഞാൻ ഇത് പ്രതീക്ഷിച്ചില്ല!"

എല്ലാവരുടെയും മുന്നിൽ വെച്ച് വഴക്ക് കേട്ടപ്പോൾ മാളവികയുടെ കണ്ണ് നിറഞ്ഞു. അവൾ വല്ലാതെ തളർന്നുപോയി. തല കുനിച്ചു നിൽക്കുന്ന അവളുടെ അരികിലേക്ക് ആരും വന്നില്ല. കുറച്ചു കഴിഞ്ഞു സ്റ്റാഫ് റൂമിന്റെ ഒരു മൂലയിൽ ഡോക്യുമെന്റുകൾ ശരിയാക്കാൻ നോക്കി ഇരിക്കുമ്പോഴാണ് വിനോദ് സാർ അങ്ങോട്ട് വന്നത്.

വിനോദ്: "ടീച്ചർ എന്തിനാ ഇങ്ങനെ വിഷമിച്ചിരിക്കുന്നത്? പ്രിൻസിപ്പൽ അങ്ങനെ പലതും പറയും, അതൊന്നും സാരമാക്കണ്ട."

മാളവിക: (സങ്കടത്തോടെ) "അതല്ല സാർ, ഇത്രയും തെറ്റുകൾ ഞാൻ കാണാതെ പോയല്ലോ എന്നോർക്കുമ്പോഴാ. ഇത് ഇനി എങ്ങനെ ശരിയാക്കും എന്ന് എനിക്കറിയില്ല."

വിനോദ്: (അവളുടെ അരികിലിരുന്ന് ഫയൽ കയ്യിലെടുത്തു) "ഇത്രയേ ഉള്ളൂ കാര്യം? ഇതൊക്കെ നമുക്ക് പെട്ടെന്ന് ശരിയാക്കാം. ടീച്ചർ പേടിക്കണ്ട, ഞാൻ ഇത് കൂടെയിരുന്നു നോക്കിത്തരാം. നമുക്ക് ഒരുമിച്ച് ചെയ്യാം."

വിനോദ് സാർ ഓരോ പേജും കൃത്യമായി പരിശോധിച്ചു. മാളവികയ്ക്ക് പറ്റിയ തെറ്റുകളെല്ലാം അദ്ദേഹം ക്ഷമയോടെ തിരുത്തിക്കൊടുത്തു. ഇടയ്ക്ക് അദ്ദേഹം മാളവികയെ നോക്കി പതുക്കെ ചിരിച്ചു. ആ ചിരിയിൽ ഒരു പ്രത്യേക ആശ്വാസമുണ്ടായിരുന്നു.

വിനോദ്: "ടീച്ചറുടെ മനസ്സ് എവിടെയോ ആണെന്ന് തോന്നുന്നു. എന്തായാലും ഇപ്പോൾ ഇതാ എല്ലാം സെറ്റായിട്ടുണ്ട്. ഇനി പ്രിൻസിപ്പലിന് ഇത് ധൈര്യമായി കൊടുക്കാം."

മാളവിക: "സത്യം പറഞ്ഞാൽ സാർ ഇല്ലായിരുന്നെങ്കിൽ ഞാൻ ഇന്ന് വല്ലാതെ ബുദ്ധിമുട്ടിയേനെ. ഒരുപാട് നന്ദി സാർ."

വിനോദ്: "നന്ദിയൊന്നും വേണ്ട മാളവിക ടീച്ചർ. നമ്മൾ സഹപ്രവർത്തകരല്ലേ? ഇനി ഇതുപോലെ എന്തെങ്കിലും ആവശ്യമുണ്ടെങ്കിൽ എന്നോട് ചോദിക്കാൻ മടിക്കണ്ട."

അദ്ദേഹം തന്റെ കൈ മാളവികയുടെ കയ്യിൽ പതുക്കെ ഒന്ന് അമർത്തിപ്പിടിച്ചു.