Chapter Title : മാളവികയും രജനിയും [Sojan]

മാളവിക : "ശരി" മാളവിക തുറന്നു തന്നെ ചിരിച്ചു. രജനിക്ക് കാര്യം മനസിലായി, പക്ഷേ കെട്ട് പൊട്ടിച്ച് സത്യം പറയാൻ അവൾക്ക് ത്രാണിയില്ല. അവൾ നിന്ന്‌ ഉരുകി. ഒരു തരത്തിൽ രജനി ആ സന്ദർഭ്ഭത്തിൽ നിന്നും രക്ഷപെട്ട് ക്ലാസിൽ പോയി. വൈകിട്ട് അടുപ്പിച്ചിട്ട കട്ടിലിൽ കിടക്കുമ്പോൾ മാളവികയ്ക്ക് മുഖം കൊടുക്കാതെ രജനി തിരിഞ്ഞാണ് കിടന്നത്. മാളവിക : "എന്താ പോത്തേ ഇന്ന്‌ തിരിഞ്ഞു കിടക്കുന്നത്?" മാളവിക രജനിയുടെ സ്റ്റൈലിൽ അവളെ കുത്തി. രജനി : "ഓ ഒന്നുമില്ല" മാളവിക : "അതല്ല എന്തോ ഉണ്ട്" രജനി : "ഒന്നുമില്ലെന്ന്‌ പറഞ്ഞില്ലേ?" മാളവിക : "അതുകൊണ്ട് ആയില്ലല്ലോ? ഇങ്ങ് തിരിഞ്ഞ് കിടന്നേ" രജനി തിരിഞ്ഞു കിടന്നു. മാളവിക : "ഉം പറ എന്താ ഇന്ന്‌ ചുക്കിനൊരു മ്ലാനത" രജനി : "ങൂഹും" മാളവിക : "നീ വല്യ തന്റേടിയായിട്ട് ഇന്നെന്തു പറ്റി?" രജനി : "ഒന്നും പറ്റിയില്ല" രജനി കൈകൾ തലയ്ക്ക് മുകളിലേയ്ക്ക് നീട്ടി ദീർഘനിശ്വാസം എടുത്ത് താൻ ഒക്കെ ആണ് എന്ന മട്ടിൽ അഭിനയിച്ചു. മാളവിക : "നീ എന്തെങ്കിലും കണ്ട് പേടിച്ചോ?" രജനിക്ക് ചിരിയും, പരിഭ്രമവും ഒന്നിച്ച് മുഖത്തു വന്നു. രജനി : "ഇല്ല, അതിരിക്കട്ടെ നിനക്കെന്താ ഇങ്ങിനൊക്കെ തോന്നാൻ" ഇനി തിരിച്ച് ആക്രമിക്കാതെ വയ്യ എന്ന്‌ രജനിക്ക് മനസിലായി. മാളവിക : "അല്ല നിന്റെ മട്ടും പദവും ഇന്ന്‌ രാവിലെ കുളിക്കാൻ കയറിയത് മുതൽ മാറി. അതാ ചോദിച്ചേ?" രജനിക്ക് മനസിലായി വൃത്തം ചുരുങ്ങി ചുരുങ്ങി വരികയാണ്!!! ഇനി അധികം സമയമില്ല. എപ്പോൾ വേണമെങ്കിലും പിടിക്കപ്പെടാം. അവൾ വിളറിയ ഒരു ചിരി ചിരിച്ചു. മാളവിക : "എന്തെങ്കിലും പറയാനുണ്ടെങ്കിൽ പറ" മാളവിക പറഞ്ഞു. രജനി : "ഒന്നുമില്ല" മാളവിക : "ഒന്നും?" രജനി : "ങൂഹും" മാളവിക : "എങ്കിൽ ശരി, ഉറങ്ങാൻ നോക്ക്" അതും പറഞ്ഞ് മാളവിക തിരിഞ്ഞു കിടന്നു. നിശബ്ദത... രജനി : "എടാ മാളൂ" മാളവിക : "ഉം" രജനി : "നീ എന്തോ ഉള്ളിൽ വച്ചല്ലേ ഇപ്പോ ഈ പറഞ്ഞതൊക്കെ?" മാളവിക : "നിനക്കൊന്ന്‌ മിണ്ടാതെ കിടക്കാമോ?" രജനി : "എന്നെ വെറുതെ അതുമിതും ഒക്കെ പറഞ്ഞിട്ട്?... ഞാൻ തിരിഞ്ഞുകിടന്ന്‌ ഉറങ്ങാൻ പോയതല്ലായിരുന്നോ? നീയല്ലേ ഇങ്ങോട്ട് തിരിഞ്ഞ് കിടക്കാൻ പറഞ്ഞത്?" മാളവിക : "അതിന്?" രജനി : "എന്താ നിന്റെ മനസിൽ" മാളവിക