Chapter Title : മാറി മറിഞ്ഞ ജീവിതം 2 [ശ്രീരാജ്]

ഈ അമ്മടെ ഒരു കാര്യം.

ഹരി ചിരിച്ചു കൊണ്ട് : അപ്പോൾ ഞാൻ വരണ്ട ആവശ്യമില്ല, ഫോണിൽ സംസാരിച്ചാലും ചിരിക്കുമല്ലേ?...

രെഞ്ചു : എന്നെ കുറിച്ച് എല്ലാം അമ്മയോട് ചോദിച്ചറിയാറുണ്ട് എന്നറിയാം. അല്ലാതെ എന്നെ വിളിക്കാറില്ലലോ.

ഹരി : അയ്യോ അതിന് സോറി.. ഇനി മുടങ്ങാതെ വിളിക്കുന്ന കാര്യം ഞാൻ ഏറ്റു. ചേച്ചി കടയിൽ ഫ്രീ ആവുമ്പോൾ മെസ്സേജ് ഇട്ടാൽ മതി.

രെഞ്ചു : മ്മ്..

ഹരി : പിന്നെ,, എങ്ങിനുണ്ട്, കട നന്നായി പോണില്ലേ...

ഹരിയും രഞ്ജുവും കുറേ നേരം ഓരോന്ന് സംസാരിച്ചു.

രാത്രി ടി വി കാണുമ്പോൾ രെഞ്ചു അഞ്ജുവിനോട്, ഹരി പറഞ്ഞ സോഷ്യൽ മീഡിയ യുഗത്തെ കുറിച്ച് കൂടുതൽ ചോദിച്ചറിയാൻ തുടങ്ങി. സുനിയുടെ കൂടെ ഉള്ള നരക ജീവിത്തിന്റെ ഇടക്ക് തനിക്ക് അറിയാൻ കഴിയാതെ പോയ മാറ്റങ്ങളെ കുറിച്ച്.

ഒന്നും അറിഞ്ഞിട്ടില്ലായിരുന്ന സുലോചന, അഞ്ചു തന്റെ ഫോണിൽ രഞ്ജുവിനോട് കാര്യങ്ങളെ പറ്റി പറഞ്ഞു കൊടുക്കുമ്പോ ആണ്, അഞ്ജുവിന്റെ ഫോട്ടോസും റീൽസും കണ്ണിൽ പെടുന്നത്.

ഉടനടി രെഞ്ചു രാവിലെ ഹരിയോട് പറഞ്ഞ " നാട്ടുകാർ കണ്ടാൽ, അറിഞ്ഞാൽ " വാക്കുകൾ പറഞ്ഞു കൊണ്ട്, ഭദ്രകാളി ആവാൻ തുടങ്ങി.

ഹരി തന്നോട് പറഞ്ഞ അതേ വാക്കുകൾ, നാട്ടുകാരെ പറ്റിയുള്ളത് രെഞ്ചു അമ്മയോട് പറഞ്ഞു കൊണ്ട് സുലോചനയെ തണുപ്പിച്ചു.
ഒപ്പം, രെഞ്ചു പറഞ്ഞു : അമ്മേ, ഹരിയുടെ അഭിപ്രായം മാത്രം നമുക്ക് നോക്കിയാൽ പോരെ. ഹരി സപ്പോർട്ട് ആണ് അഞ്ജുവിന്. അവനെ മാത്രമല്ലെ നമുക്ക് നോക്കണ്ട ആവശ്യം ഉള്ളൂ. അവൻ അല്ലെ നമുക്ക് ഉള്ളൂ. പിന്നെന്താ പ്രശ്നം.