Chapter Title : മാഷിനെ പ്രണയിച്ച ടീച്ചറും കുട്ടികളും 4 [SAMI]

മാറിയിരുന്നു.

അപ്പോഴേക്കും കുട്ടികൾ ചെറിയ കൂട്ടങ്ങളായി സ്കൂളിലേക്ക് വരാൻ തുടങ്ങി.
വരാന്തകൾ ശബ്ദം പിടിച്ചു തുടങ്ങി.
അവർ വന്നപ്പോൾ ഉണ്ടായിരുന്ന ആ നിശ്ശബ്ദത തകർത്തുകൊണ്ട്, സ്കൂൾ തന്റെ പതിവ് ജീവിതത്തിലേക്ക് ഉണരുകയായിരുന്നു.

പക്ഷേ മനുവിന്റെ ഉള്ളിൽ —
മെഹർ പറഞ്ഞ വാക്കുകൾ ഇനിയും മുഴങ്ങിക്കൊണ്ടിരുന്നു.

“മനസ് പറയുന്നത് പോലെ ചെയ്യുക….”’

അങ്ങനെ വരാന്തയിൽ നിൽക്കുന്നതിനിടയിലാണ്, അകലെനിന്നും  എയ്ഞ്ചലും ലക്ഷ്മിയും ഒരുമിച്ച് നടന്നു വരുന്നത് മെഹർ ശ്രദ്ധിച്ചത്.

മെഹർ ഒരു ചെറുചിരിയോടെ മനുവിനോട് പതുക്കെ പറഞ്ഞു.

“ദേ… വരുന്നു മനുവിന്റെ ആരാധകർ.”

മനു ആദ്യം മെഹറിനെ നോക്കി.
പിന്നെ മെഹർ നോക്കുന്ന ദിശയിലേക്ക് കണ്ണുകൾ തിരിച്ചു.

യൂണിഫോമിൽ ഒതുങ്ങി നടന്നു വരുന്ന രണ്ട് പെൺകുട്ടികൾ.

എയ്ഞ്ചൽ പതിവുപോലെ ശാന്തമായ മുഖത്തോടെ.

ലക്ഷ്മി ഇന്നലെ സ്റ്റാറ്റസിൽ കണ്ട ആ ഗ്ലാമർ ലുക്കൊന്നുമല്ല.

ഇന്ന് അവൾ പൂർണ്ണമായും സ്കൂളിലെ ഒരു വിദ്യാർത്ഥിനി. യൂണിഫോം, ഒതുക്കമുള്ള മുടി, മുഖത്ത് അല്പം നിയന്ത്രിച്ച ഭാവം.

പക്ഷേ മനുവിന്, ആ യൂണിഫോമിന് പിന്നിലും ഇന്നലെ കണ്ട ഫോട്ടോയുടെ ഓർമ്മ മങ്ങാതെ നിന്നു.

അതേ സമയം, വരാന്തയിൽ മനുവിനെയും മെഹറിനെയും ഒരുമിച്ച് കണ്ടപ്പോൾ എയ്ഞ്ചലിന്റെ ചുവടുകൾ അല്പം മന്ദമായി. അവൾ ലക്ഷ്മിയെ നോക്കി.

ലക്ഷ്മിയും അതേ നിമിഷം അവളെ നോക്കി.

“കണ്ടോ?” എയ്ഞ്ചൽ വളരെ പതുക്കെ ചോദിച്ചു.

“ഹ്മ്മ്…” ലക്ഷ്മി ചുണ്ടുകൾ ചെറുതായി അമർത്തി.

“രാവിലെ തന്നെ… രണ്ടുപേരും കൂടെ…”

“അതെ,” ലക്ഷ്മി പറഞ്ഞു.

അവർ അടുത്തെത്തി.

ഗുഡ് മോർണിങ് മിസ്, ഗുഡ് മോർണിങ് സാർ…..
എയ്ഞ്ചൽ പതിവ് വിനയമുള്ള ചിരിയോടെ പറഞ്ഞു.

“ഗുഡ് മോർണിങ്” മെഹർ