മാഷിനെ പ്രണയിച്ച ടീച്ചറും കുട്ടികളും [SAMI]

പുലർകാല സൂര്യന്റെ പുഞ്ചിരി ആകാശത്തിന്റെ അതിരുകളിൽ പടർന്നു തുടങ്ങുന്നതേ ഉണ്ടായിരുന്നുള്ളൂ.
രാത്രിയുടെ നിശബ്ദതയെ കീറിമുറിച്ചുകൊണ്ട് പുറത്തുനിന്ന് കേൾക്കുന്ന പക്ഷികളുടെ കളകൂജനം ഒരു മനോഹര സംഗീതം പോലെ തോന്നി.
ഓരോ നാദവും പുതിയൊരു ദിവസത്തിന്റെ വരവറിയിക്കുന്ന വിളംബരങ്ങളായിരുന്നു.

പ്രകൃതി മുഴുവൻ പുതുജീവനിലേക്ക് ഉണർന്നപ്പോഴും, ആ വീട്ടിലെ ഒരു മുറി മാത്രം ഉറക്കത്തിന്റെ ആലസ്യത്തിൽ തന്നെയായിരുന്നു.

ശീതീകരിച്ച ആ മുറിക്കുള്ളിൽ, പുറംലോകത്തെ മാറ്റങ്ങളൊന്നുമറിയാതെ അവൻ മടിയോടെ കിടന്നു.
ജനൽവിരികളെ ഭേദിച്ച് വെളിച്ചം ഉള്ളിലെത്താൻ നോക്കുന്നുണ്ടെങ്കിലും, അവന്റെ കൺപോളകൾ അപ്പോഴും സ്വപ്നങ്ങളിൽ തന്നെയായിരുന്നു.