Chapter Title : മാഷിനെ പ്രണയിച്ച ടീച്ചറും കുട്ടികളും 4 [SAMI]

ഏതോ ശബ്ദം അവനോട് വീണ്ടും വീണ്ടും പറഞ്ഞു കൊണ്ടിരുന്നു.

പക്ഷേ ആ ശബ്ദം കേൾക്കാൻ മനുവിന് ഇനി അത്ര എളുപ്പമല്ലായിരുന്നു.

മെഹറുമായി അടുത്തതോടെ, അവൻ വിശ്വസിച്ചിരുന്ന പല അതിരുകളും മങ്ങിയിരുന്നു. ശരി, തെറ്റ് എന്നിങ്ങനെ ഒരിക്കൽ വ്യക്തമായി വേർതിരിച്ചിരുന്ന രേഖകൾ, ഇപ്പോൾ മഴയിൽ കഴുകിപ്പോയ ചോക്കുവരകൾ പോലെ അപ്രത്യക്ഷമാകാൻ തുടങ്ങി.

മെഹർ അവന്റെ ജീവിതത്തിൽ പ്രണയം മാത്രമായി വന്നതല്ല… അവൾ അവന്റെ ചിന്തകളെയും മാറ്റി. അവൻ അടക്കി വച്ചിരുന്ന ആഗ്രഹങ്ങൾക്കും, പറയാൻ മടിച്ചിരുന്ന സത്യങ്ങൾക്കും, സ്വന്തം മനസ്സിനെ തന്നെ ചോദ്യം ചെയ്യാനുള്ള ഒരു ധൈര്യം അവൾ നൽകി.

ഇപ്പോൾ അവന് തോന്നുന്നത്… ജീവിതം താൻ ഇതുവരെ കരുതിയതുപോലെ നേരെ പോകുന്ന ഒരു വഴിയല്ല. അത് വളവുകളും, ഇരുട്ടും, ആകർഷണങ്ങളും, വീഴ്ചകളും നിറഞ്ഞ ഒരു വഴിയാണ്.

ആ വഴിയിൽ മെഹർ കൈപിടിച്ച് മുന്നോട്ട് കൊണ്ടുപോകുന്നു.

പിന്നിൽ ലക്ഷ്മിയുടെ വാശിയുള്ള നോട്ടം.

ഒരു വശത്ത് എയ്ഞ്ചലിന്റെ മൃദുവായ പുഞ്ചിരി.

മറ്റൊരു കോണിൽ ആർദ്രയുടെ ജാഗ്രതയുള്ള കണ്ണുകൾ.

എന്തോ വലിയ ഒന്ന് വരാനിരിക്കുകയാണെന്ന് മനുവിന്റെ ഉള്ളിൽ ഒരു സൂചന ഉണ്ടായിരുന്നു.

അത് അപകടമാണോ…

ആനന്ദമാണോ…

അല്ലെങ്കിൽ രണ്ടും കൂടിച്ചേർന്നൊരു വഴിത്തിരിവാണോ…

അവന് അറിയില്ലായിരുന്നു.

പക്ഷേ ഒരു കാര്യം ഉറപ്പായിരുന്നു  ഇനി ആരും പഴയപോലെ ആകാൻ പോകുന്നില്ല.

—------------------------------

രാവിലെ ഉറക്കം ഉണർന്ന ഉടനെ ലക്ഷ്മി അവൾ സാധാരണയായി ചെയ്യുന്ന പോലെ ഫോൺ എടുത്ത് നോക്കി

അത് അവളുടെ പതിവായിരുന്നു. പ്രത്യേകിച്ച്, ഫോട്ടോ സ്റ്റാറ്റസ് ഇട്ട ദിവസങ്ങളിൽ.

സ്റ്റാറ്റസിന് എത്ര ലൈക്ക് കിട്ടി..

ആരൊക്കെ റിയാക്റ്  ചെയ്തു…

ആരൊക്കെ കമന്റ്  അയച്ചു…

ആരൊക്കെ