Chapter Title : മാഷിനെ പ്രണയിച്ച ടീച്ചറും കുട്ടികളും 6 [SAMI]

പടികൾ ഇറങ്ങി താഴേക്ക് നടന്നു.

ലക്ഷ്മിയും ആർദ്രയും തന്നെ ചോദ്യം ചെയ്യും എന്ന് അവൾക്ക് ഉറപ്പായിരുന്നു.

എന്ത് പറയും അവരോട്…?

അവൾ ചിന്തിച്ചു.

“റെക്കോർഡിൽ എഴുതുന്നത് സംശയം ഉണ്ടായിരുന്നു” എന്ന് പറഞ്ഞാൽ ആർദ്ര വിശ്വസിക്കില്ല.

“സാർ ഒന്നും പറഞ്ഞില്ല” എന്ന് പറഞ്ഞാൽ ലക്ഷ്മി വിടില്ല.

“വെറുതെ നിന്നുപോയി” എന്ന് പറഞ്ഞാൽ, അവളുടെ മുഖത്തെ നാണം തന്നെ അവളെ ചതിക്കും.

കുറേ ഓപ്ഷനുകൾ അവളുടെ മനസ്സിൽ വന്നു.
ഒന്നും പൂർണ്ണമായി ശരിയെന്ന് തോന്നിയില്ല.

അവസാനം അവൾ ഒരു തീരുമാനത്തിൽ എത്തി.

ആർദ്രയെ കുറിച്ച് പറയാം.

അവളുടെ സംസാരമാണ് പ്രശ്നം എന്ന് പറഞ്ഞാൽ, ലക്ഷ്മിയും ആർദ്രയും അത് വിശ്വസിക്കും.
കാരണം ആർദ്രയുടെ കുസൃതി അത്രയും തുറന്നതായിരുന്നു.
സാറിന് അത് ഇഷ്ടമായില്ലെന്ന് പറഞ്ഞാൽ… അത് വിശ്വസിക്കാൻ ബുദ്ധിമുട്ടില്ല.

താഴത്തെ വരാന്തയിൽ എത്തിയപ്പോൾ, ലക്ഷ്മിയും ആർദ്രയും ചുവരിനരികിൽ അവളെ കാത്തുനിൽക്കുന്നു.

“ഇത്ര നേരം എന്തായിരുന്നു?” ലക്ഷ്മി ആദ്യം ചോദിച്ചു.

എയ്ഞ്ചൽ ഒരു നിമിഷം മിണ്ടാതെ നിന്നു.
പിന്നെ വളരെ സ്വാഭാവികമായി തോന്നിക്കുന്ന രീതിയിൽ പറഞ്ഞു.

“സാർ സംസാരിക്കുകയായിരുന്നു…”

“എന്ത് സംസാരിച്ചു?” ആർദ്ര ഉടനെ ചോദിച്ചു.

എയ്ഞ്ചൽ നേരെ ആർദ്രയെ നോക്കി.

“നിന്നെ കുറിച്ച്.”

ആർദ്ര ഒരു നിമിഷം ഞെട്ടിയ പോലെ നടിച്ചു.

“എന്നെ കുറിച്ചോ? ഞാൻ എന്ത് ചെയ്തു?”

“നിന്റെ സംസാരം സാറിന് അത്ര ഇഷ്ടമാകുന്നില്ല,” എയ്ഞ്ചൽ പതുക്കെ പറഞ്ഞു.
“പ്രത്യേകിച്ച് നിന്റെ അർത്ഥം വച്ചുള്ള ഡയലോഗുകൾ.”

ലക്ഷ്മി ഉടനെ ആർദ്രയെ നോക്കി.

“ഞാൻ പറഞ്ഞില്ലേ നിന്നോട്.”

“അതെന്താ സാർ എന്ത് പറഞ്ഞു?” ലക്ഷ്മി വീണ്ടും എയ്ഞ്ചലിനോട് ചോദിച്ചു.

എയ്ഞ്ചൽ ചെറിയൊരു മടിയോടെ പറഞ്ഞു.

“അങ്ങനെ എല്ലാം തുറന്ന് പറയരുത് എന്ന്. പ്രത്യേകിച്ച് നിങ്ങളെ കുറിച്ചുള്ള കാര്യങ്ങൾ. സാറിന് മനസ്സിലാവുന്നുണ്ട് എല്ലാം. പക്ഷേ അങ്ങനെ തുറന്ന് കളിയാക്കുന്നത് കൊണ്ട് സാർ പിന്നെ മൈൻഡ് ചെയ്യാതെ ഇരിക്കും എന്ന്…”

ലക്ഷ്മിയുടെ മുഖം ഉടനെ മാറി.

“കണ്ടോ?” അവൾ ആർദ്രയോട് തിരിഞ്ഞു.
“നീ കാരണമാണിത്.”

“ഞാൻ എന്ത് ചെയ്തു?” ആർദ്ര കൈകൾ ഉയർത്തി.

“നീ പറഞ്ഞില്ലേ — ‘ലക്ഷ്മി മാത്രം ചെയ്താൽ മതിയോ’ എന്ന്. അതും എല്ലാവരുടെയും മുന്നിൽ വെച്ച്.”

“അത് ഞാൻ അങ്ങനെ ഉദ്ദേശിച്ച് പറഞ്ഞതൊന്നുമല്ല.”

“നിനക്ക് ഉദ്ദേശമില്ലായിരിക്കാം,” എയ്ഞ്ചൽ ഇടയിൽ പറഞ്ഞു.
“പക്ഷേ കേൾക്കുന്നവർക്കു വേറെ പോലെ തോന്നും. സാറിന് അത് ഇഷ്ടമായിട്ടില്ല.”

ആ വാക്ക് ലക്ഷ്മിയെ കൂടുതൽ ചൊടിപ്പിച്ചു.

“സാർ ഇന്ന് കുറച്ച് അടുത്ത് സംസാരിക്കാൻ