Chapter Title : മാഷിനെ പ്രണയിച്ച ടീച്ചറും കുട്ടികളും 7 [SAMI]

അവൾക്കു നീ പറയുന്ന ഓരോ വാക്കും വലിയ അർത്ഥമാകും.”

“എനിക്ക് മനസ്സിലായി.”

“മനസ്സിലായാൽ മതി.” മെഹർ അല്പം കളിയോടെ പറഞ്ഞു. “ഇനി അവളോട് സംസാരിക്കുമ്പോൾ ‘സുന്ദരി’ എന്ന് ദിവസവും പറയണ്ട.”

മനു ചിരിച്ചു.

“ഇന്ന് പറഞ്ഞത് ആത്മവിശ്വാസത്തിനാണ്.”

“അറിയാം. പക്ഷേ അതേ വാക്ക് തന്നെ ചിലപ്പോൾ മറ്റൊരു വഴിയിലേക്കും പോകും.”

“നീ പേടിക്കുന്നുണ്ടോ?”

“ദേവശ്രീയെ അല്ല. നിന്നെയാണ്.”

“എന്നെ?”

“അതെ. നിന്റെ മനസ്സ് ഇപ്പോൾ വളരെ തുറന്നിരിക്കുകയാണ്. ആരുടേയും വേദന കണ്ടാൽ നീ അടുക്കും. ആരുടേയും സ്നേഹം കണ്ടാൽ നീ മൃദുവാകും.”

“അതിന്റെ കാരണം നീയാണ് മെഹർ.”

“എനിക്കറിയാം.” അവളുടെ ശബ്ദം മൃദുവായി. “അതുകൊണ്ടാണ് ഞാൻ കൂടുതൽ ശ്രദ്ധിക്കുന്നത്.”

മനു കുറച്ച് നേരം മിണ്ടാതെ നിന്നു.

“എയ്ഞ്ചൽ ഇന്നും മെസ്സേജ് അയച്ചോ?” മെഹർ പെട്ടെന്ന് ചോദിച്ചു.

“ഇല്ല. ഇതുവരെ ഇല്ല.”

“അവൾ അയക്കും.”

“എങ്ങനെ അറിയാം?”

“അവൾ അയക്കാതെ ഇരിക്കാൻ പറ്റാത്ത ഘട്ടത്തിലേക്ക് എത്തിയിട്ടുണ്ട്. പക്ഷേ അയക്കുമ്പോഴും ‘സാർ ബിസിയാണോ’ എന്നായിരിക്കും ആദ്യം.”

മനു ചിരിച്ചു.

“എയ്ഞ്ചലിനെ നീ നല്ലപോലെ വായിച്ചെടുത്തു.”

“എയ്ഞ്ചൽ മൃദുവാണ്. പക്ഷേ അവളുടെ മൗനം അപകടകരമാണ്. അവൾ പറയാതെ വയ്ക്കുന്നത് കൂടുതലാണ്.”

“ലക്ഷ്മി?”

അവൾക്ക് തോന്നിയത് നേരെ പറയും. അതുകൊണ്ടുതന്നെ അവളെ കൈകാര്യം ചെയ്യാൻ എളുപ്പമാണ്. വേദനിപ്പിച്ചാൽ ഉടനെ അറിയാം.”

“ആർദ്ര?”

അവൾ എല്ലാവരുടെയും കണ്ണുകൾ വായിക്കും. അവളെ സൂക്ഷിക്കണം. അവൾ തമാശ പറയുന്നതുപോലെ തോന്നും, പക്ഷേ ഒരുപാട് കാര്യങ്ങൾ അവൾക്കറിയാം.”

“അവൾ ചിലത് കണ്ടിട്ടുണ്ടാകും.”

“എന്ത്?”

മനു ഒരു നിമിഷം മടിച്ചു.

“ഒന്നുമില്ല. പൊതുവെ പറഞ്ഞു.”

“മനു…”

“ഹ്മ്മ്?”

“ദേവശ്രീയെ കുറിച്ച്