Chapter Title : മാഷിനെ പ്രണയിച്ച ടീച്ചറും കുട്ടികളും 8 [SAMI]

ആർദ്രയുടെ കണ്ണുകൾ വലുതായി.

അവൾ അവന്റെ മറുപടി കേൾക്കാൻ കാതുകൾ കൂർപ്പിച്ചു

“ഇത് എന്തൊരു കുഴപ്പിക്കുന്ന ചോദ്യം ആണ് മെഹർ?”

“ചോദിച്ചതിന് മറുപടി പറ.”

“സത്യം പറയട്ടേ?”

“ഹ്മ്മ്.”

മനു വീണ്ടും ആർദ്രയെ നോക്കി.

“എന്റെ മനസ്സ് ശാന്തമാക്കാൻ മെഹർ അടിപൊളിയാണ്…”

ഫോണിന്റെ മറുവശത്ത് മെഹർ നിശ്ശബ്ദമായി.

ആർദ്രയും അവന്റെ മുഖത്തേക്ക് തന്നെ നോക്കി.

മനു ചിരിയോടെ തുടർന്നു.

“പക്ഷേ എന്റെ ശാന്തമായ മനസ്സിനെ മുഴുവൻ ഇളക്കി മറിക്കാൻ ആർദ്ര അടിപൊളിയാണ്.”

ആർദ്രയുടെ മുഖത്ത് പെട്ടെന്ന് ഒരു വലിയ ചിരി തെളിഞ്ഞു.

അവൾ മനുവിന്റെ കൈയിൽ പതുക്കെ നുള്ളി.

ഫോണിന്റെ മറുവശത്ത് മെഹർ ചിരിച്ചു.

“ഓഹോ… രണ്ടാളെയും സുഖിപ്പിക്കുന്ന മറുപടി ആണല്ലോ.”

“സുഖിപ്പിക്കാൻ പറഞ്ഞതല്ല. സത്യം പറഞ്ഞതാണ്.”

“അപ്പോൾ ഞാൻ നിന്നെ ശാന്തമാക്കും… അവൾ നിന്നെ ഇളക്കി മറിക്കും?”

“ഹ്മ്മ്.”

“അപ്പോൾ നിനക്ക് ഏതാണ് കൂടുതൽ ഇഷ്ടം?”

മനു മടിക്കാതെ പറഞ്ഞു.

“ഇളകിപ്പോയാലും തിരികെ വന്നിരിക്കാൻ ഒരു ശാന്തമായ ഇടം വേണം.”

ആ വാക്ക് കേട്ടപ്പോൾ മെഹറിന്റെ ശബ്ദം മൃദുവായി.

“അത് ഞാൻ ആണോ?”

“നീ തന്നെയാണ്.”

ആർദ്രയുടെ മുഖത്തുണ്ടായിരുന്ന ചിരി ഒരു നിമിഷം പതുക്കെ മങ്ങി.

പക്ഷേ അവൾക്ക് വിഷമമുണ്ടായില്ല.

അടുത്ത നിമിഷം മനു അവളുടെ കൈയിൽ വിരലുകൾ ചേർത്തുപിടിച്ചു.

ശരിക്കും അവൾ നിന്നെ ഇളക്കി മറിച്ചോ ?

നന്നായിട്ട്…. മനു പറഞ്ഞു

എനിക്ക് ശാന്തമാക്കാൻ കുറച്ചു ബാക്കി വെക്കണമെന്ന് പറയണം………. മെഹർ ചിരിയോടെ പറഞ്ഞു

പറയണോ ?

വേണ്ടാ….. അവൾ പറഞ്ഞതിലെ മണ്ടത്തരം ഓർത്ത് പറഞ്ഞു

ആരൊക്കെ ഇളക്കാൻ ശ്രമിച്ചാലും ശാന്തമാക്കാൻ ഒരാൾ ഉണ്ടെന്ന്