Chapter Title : മായാമയൂരം 3 [കാട്ടിലെ കണ്ണൻ]

കേട്ടാണ് മായ ഉച്ചമയക്കത്തിൽ നിന്നും എണീറ്റത്..

അവൾ വന്ന് ഡോർ തുറന്നു

എന്താ അമ്മേ ?

നിന്റെ ഫോൺ സ്വിച്ച് ഓഫ് ആണോ അനൂപ് വിളിച്ചിട്ട് കിട്ടുന്നില്ലെന്ന് പറഞ്ഞു അവൾ ടേബിളിൽ ചാർജ് ചെയ്യാൻ വച്ച തന്റെ ഫോണിലേക്ക് ഒന്നു പാളി നോക്കി.. ഫോൺ ചാർജിന് ഇട്ടിട്ടുണ്ട് പക്ഷേ സ്വിച്ച് ഇടാൻ മറന്നിരിക്കുന്നു..

അവൾ പോയി സ്വിച്ച് ഓൺ ചെയ്തു.. അമ്മയും അവളുടെ പിറകെ അകത്തേക്ക് കയറി കട്ടിലിൽ കയറി ഇരുന്നു അവളോട് അടുത്ത് ഇരിക്കാൻ കൈ കൊണ്ട് ആംഗ്യം കാണിച്ചു.. അവൾ അമ്മയുടെ അടുത്തായി ഇരുന്നു. എന്താ എന്ന ചോദ്യഭാവത്തിൽ അവൾ അമ്മയെ നോക്കി.

ഇങ്ങനെ ഇതിനകത്ത് അടച്ച് കിടക്കാൻ തന്നെയാണോ നിന്റെ തീരുമാനം ?

അവൾ മറുപടി ഒന്നും പറഞ്ഞില്ല..

രണ്ട് ദിവസമായി മോള് നേരാംവണ്ണം വല്ലതും കഴിച്ചിട്ട്. എനിക്ക് മനസ്സിലാകും മോളുടെ അവസ്ഥ പക്ഷേ ഇങ്ങനെ ഇതിനകത്ത് തന്നെ ഇരുന്നാൽ അത് നിന്നെ കൂടുതൽ തളർത്തുകയേ ഉള്ളൂ... മോള് വേണേൽ രണ്ട് ദിവസം മോളുടെ വീട്ടിൽ പോയി നിന്നോ

അയ്യോ അതൊന്നും വേണ്ടമ്മേ.. ഞാൻ ഇവിടെ തന്നെ നിന്നോളാം

ഇങ്ങനെ ഭക്ഷണം കഴിക്കാതെ മുറിയും അടച്ചിട്ട് ഇരിക്കാമെന്നാണോ

അല്ല ..

പിന്നെ ? നിന്നെ പറഞ്ഞ് വിടാൻ ഞങ്ങൾക്ക് ഇഷ്ടമുണ്ടായിട്ടല്ല നിനക്ക് ഈ അന്തരീക്ഷത്തിൽ നിന്നും ഒരു മാറ്റം വേണം .

ശരി അമ്മേ ഞാൻ അനൂപേട്ടനോട് ചോദിക്കട്ടെ..

ഉം ഇപ്പോ മോള് വന്ന് വല്ലോം കഴിക്ക് ..

അമ്മ പോയ്ക്കോ ഞാൻ വന്നോളാം .

അമ്മ പോയതിന് പിന്നാലെ അവൾ അനൂപിനെ