Chapter Title : മായാമയൂരം 5 [കാട്ടിലെ കണ്ണൻ]

അനൂപ് മായയെ ഇളിച്ചുകാട്ടി

അയ്യ നല്ല ഇളി ... കൈയ്യിൽ കിട്ടിയ തലയിണ അനൂപിന്റെ നേരെ എറിഞ്ഞ് നെറ്റിയും തടവി മായ അടുക്കളയിലേക്ക് പോകാനൊരുങ്ങി..

മായേ.. മായേ..

അവൾ തിരിഞ്ഞുനോക്കി

എന്താ...

ഇംച്ച് ഒന്നൂല...

ഒന്നൂലേൽ കിടന്നുറങ്ങ് ...

ഓഹ് ഉത്തരവ് പോലെ..

മായ അടുക്കളയിലേക്ക് നടന്നു.. തിരിഞ്ഞും മറിഞ്ഞും കിടന്നിട്ടും ഉറക്കം വരാതെ അനൂപ് എഴുന്നേറ്റു. മുഖം കഴുകി ഉഫ് നല്ല തണുപ്പ് അവൻ അറിയാതെ പറഞ്ഞു പോയി. ടൗവൽ എടുത്ത് മുഖം തുടച്ചതിന് ശേഷം അടുക്കളയിലേക്ക് നടന്നു..

കറിക്ക് അരിഞ്ഞ് കൊണ്ടിരിക്കുന്ന മായയെ പുറകിലൂടെ ചെന്ന് കെട്ടിപ്പിടിച്ചു. പെട്ടെന്ന് ഉണ്ടായ ഞെട്ടലിൽ കൈയ്യിലുണ്ടായിരുന്ന കത്തി കൊണ്ട് മായയുടെ കൈ ചെറുതായി ഒന്ന് മുറിഞ്ഞു..

ഉഫ്... ഈ അനൂപേട്ടനെ കൊണ്ട് , മായ മുറിഞ്ഞ വിരൽ വായിൽ വച്ചു. അനൂപ് ആ കൈ പിടിച്ച് വിരൽ തന്റെ വായിലേക്ക് വെച്ചു..

ഡീ നീ ഷുഗർ നോക്കുന്നത് നല്ലതാട്ടോ

എന്തേ..

അല്ല നിന്റെ ചോരക്ക് നല്ല മധുരം..

അത് രാവിലെ മുതലേ ഒരാൾ പഞ്ചാര ചാക്കുമായി ഇറങ്ങിയോണ്ട് ആവും.. ഹി ഹി..

അപ്പോഴും അനൂപ് വിരലിൽ നിന്നും പൊടിയുന്ന മായയുടെ ചുടു രക്തം നുകരുന്നത് തുടർന്നുകൊണ്ടിരുന്നു. എന്നിട്ട് വശ്യമായി അവളെ നോക്കി പുഞ്ചിരിച്ചു.. മായ വായിൽ നിന്നും വിരൽ വലിച്ചൂരി..

ഉറങ്ങോന്ന് പറഞ്ഞിട്ട് എന്തേ ഉറക്കോല്ലേ ?

ന്റെ ചുന്ദരി കുട്ടി ഇങ്ങനെ അടുക്കളയിൽ നിന്ന് ഒറ്റക്ക് കഷ്ടപ്പെടുമ്പോൾ എങ്ങനാ മായേ ഞാൻ ഉറങ്ങ്വാ .. അവളുടെ മുഖത്ത് തന്റെ തണുത്ത കൈകൾ കൊണ്ട് തലോടി കൊണ്ട്