Chapter Title : മായാമയൂരം [കാട്ടിലെ കണ്ണൻ]

അവനെ പരിചയപെടാം

പേര് അതുൽ എല്ലാരും അപ്പു എന്ന് വിളിക്കും . വില്ലേജ് ഓഫീസർ അശോകന്റെയും അംഗനവാടി ടീച്ചർ യശോദയുടെയും രണ്ടാമത്തെ പുത്രൻ . നാട്ടിൽ അവന്റെ അത്രയും സൽഗുണ സമ്പന്നനായ വേറെ ഒരു ആൺകുട്ടിയും ഇല്ല ( എന്നാണ് നാട്ടുകാർ പറയുന്നത്) പഠനത്തിൽ മിടുക്കൻ. കുടിയില്ല വലിയില്ല യാതൊരു ദുശ്ശീലങ്ങളുമില്ല. കൂട്ടുകാരുടെ അമ്മമാരൊക്കെ അവരുടെ മക്കളോട് റോൾമോഡൽ ആക്കാൻ പറയുന്ന ഒരു മൊതലാണ് ആശാൻ . കണ്ടാലും ഒരു പാവത്താൻ ലുക്ക് .

പഠിക്കാൻ മിടുക്കനാനെണെന്ന് കരുതി വീട്ടിൽ അടച്ചിരുന്ന് പഠിക്കുന്ന തനി ബുജ്ജി ഒന്നും അല്ലാട്ടോ കൂട്ടുകാരോട് കളിച്ചും അടിച്ച് പൊളിച്ചു നടക്കാനുമൊക്കെ അപ്പു സമയം കണ്ടെത്താറുണ്ട്.

അവന് മുന്നെ അച്ഛനും അമ്മക്കും ഉണ്ടായ സന്തതിയാണ് അനൂപ് അവന്റെ നേരെ വിപരീതമാണ് പുള്ളി. നാലു കാലിൽ അല്ലാതെ വീട്ടിൽ വരില്ല. നാട്ടിലെ ഏത് അലമ്പിനും ആഘോഷത്തിനും സഹായത്തിനും മുന്നിൽ ഉണ്ടാകും . ആഴ്ചയിൽ മൂന്ന് ദിവസം പണിക്ക് പോയാൽ ആയി . എന്തൊക്കെ പറഞ്ഞാലും ഒടുക്കത്തെ ഗ്ലാമറാണ് ആശാന് ആ കാര്യത്തിൽ അപ്പൂന് പുള്ളിയോട് അസൂയ ആണ് .

പക്ഷേ ഈയിടെയായി വഴക്കിനും വക്കാണത്തിനും ഒന്നും പോകാറില്ല വെള്ളമടിയുടെ അളവും ഒരല്പം കുറഞ്ഞിട്ടുണ്ട്. എന്താ കാര്യം എന്ന് വച്ചാൽ കല്യാണ ആലോചന നോക്കുണ്ട് ഒപ്പം ഗൾഫിൽ അമ്മാവൻ ഒരു ജോലീം തരാക്കാന്ന് പറഞ്ഞിട്ടുണ്ട് അതിന് പാസ്പോർട്ട് എടുക്കാനുള്ള ഓട്ടത്തിലാണ് പുള്ളി . താല്പര്യമൊന്നും ഉണ്ടായിട്ടല്ല പക്ഷേ വീട്ടുകാരുടെ നിർബന്ധം സഹിക്കാൻ പറ്റാഞ്ഞിട്ടാണ് ..

അപ്പോ അപ്പൂനേം കുടുംബത്തെയും പറ്റിയും എകദേശ ധാരണ കിട്ടി കാണുമല്ലോ