❤️മായേച്ചി തുറന്ന പറയാൻ മടിച്ച പ്രണയ പുസ്തകം 3 [Garuda]

ഇല്ലാത്ത ചില അച്ചടക്കത്തോടെ ഞാൻ കാളിങ് ബെല്ലിൽ വിരൽ പതിപ്പിച്ചു..

""ടിം ടിം ""

ഒരു മുഴക്കം പോലെ ഉള്ളിൽ ബെൽ മുഴങ്ങുന്നത് കേട്ടു.. അൽപ്പ സമയം കഴിഞ്ഞപ്പോൾ കാണാൻ സുന്ദരനായ ഒരു പുരുഷ ശരീരം മുൻ വാതിൽ തുറന്ന് വന്നു.

""ആരാ "" ഒന്നു മന്ദഹസിച്ചു കൊണ്ടു അദ്ദേഹം എന്നോട് ചോദിച്ചു..

""ഞാൻ വിഷ്ണു"" ചിരിച്ചു കൊണ്ടു ഞാൻ മറുപടി നൽകി.

""ആ വിഷ്ണു.. അവൾ പറഞ്ഞിരുന്നു.. കയറിവാ "" സന്തോഷത്തോടെ എനിക്ക് ഹസ്ത ധാനം നൽകി അദ്ദേഹം വീടിനകത്തേക്ക് ക്ഷണിച്ചു..

തണുത്ത കരങ്ങൾ ഏറ്റു വാങ്ങി ഞാൻ അദ്ദേഹത്തിന്റെ കൂടെ അകത്തേക്ക് നടന്നു. അകത്തു സെറ്റിയിൽ എന്നെ ഇരുത്തിയ ശേഷം പുള്ളി അകത്തേക്ക് നോക്കി..

""മോളെ ഗൗരി.. ദേ വിഷ്ണു വന്നിട്ടുണ്ട് "" മോളെ വിളിച്ചതിനു ശേഷം പുള്ളി എന്റെ അടുത്ത് വന്നിരുന്നു..

""സത്യത്തിൽ ഞാൻ വിഷ്ണുവിനെ അങ്ങോട്ട് വന്ന് കാണാനിരുന്നതാ.... അയ്യോ sorry എന്നെ പരിചയപെടുത്തിയില്ലല്ലോ.. ഞാൻ ഗൗരിയുടെ അച്ഛനാണ് "" പുള്ളിയത് പറഞ്ഞപ്പോൾ ഞാനൊന്നു സന്തോഷത്തോടെ ചിരിച്ചു.

അപ്പോഴേക്കും അകത്തു നിന്നു അമ്മയും മുകളിൽ നിന്ന് ഗൗരിയും അനിയത്തിയും വന്നു. എല്ലാവരുടെയും മുഖത്ത് ഒരേ സന്തോഷം.. എല്ലാവരും എന്നെ നോക്കി നിൽക്കുന്നു. നീല കുർത്തി ഡ്രെസ്സിട്ട് അതിനൊത്ത നീല പൊട്ടുമിട്ട് അതീവ സുന്ദരിയായി കാത്തുവിനെ കണ്ടു.. അനിയത്തിയും നല്ല ഭംഗിയുണ്ട്.. ഭംഗിയേക്കാൾ അവരുടെ മുഖത്തെ പ്രസാദം കാണുവാനാണ് ഭംഗി.. ആരും ഒന്നും സംസാരിക്കുന്നില്ല.. എനിക്കെന്തോ പോലെ തോന്നി തുടങ്ങിയപ്പോൾ പുള്ളി തന്നെ സംസാരിച്ചു.

""വിഷ്ണു ആയിരുന്നു ലെ എനിക്കങ്ങനെ ഒരു മെസ്സേജ് ചെയ്തേ..?"" എന്റെ കൈക്കു മുകളിൽ കൈവച്ചു അദ്ദേഹം ചോദിച്ചു..

""അതേ "" ഞാൻ മറുപടി നൽകി..

""ദൈവത്തിന്റെ മെസ്സേജ് പോലെയാണ് എനിക്കിപ്പോൾ തോന്നുന്നത് ""

""ഏയ്‌ അങ്ങനെയൊന്നുമില്ല sir, ഇവളുടെ വിഷമം കണ്ടപ്പോൾ നിങ്ങളെ ഒന്നിപ്പിക്കാൻ ഞാനൊന്നു try ചെയ്തു. അത്രേയുള്ളൂ..""

""എന്നാലും നീയെന്നെ പേടിപ്പിച്ചു കളഞ്ഞു "" എന്റെ തോളിൽ കൈത്തട്ടി അദ്ദേഹം തമാശയോടെ പറഞ്ഞു.

""അത് സാഹചര്യത്തിനനുസരിച് പറഞ്ഞു പോയതാ ""

""എന്നാലും നീയെന്നെ ഒരു രോഗിയാക്കി കളഞ്ഞല്ലോ "" ചിരിച്ചുകൊണ്ട് അമ്മ ഞങ്ങളുടെ ഇടയിൽ കയറി.. ഞാനൊന്നു ചിരിച്ചു തല താഴ്ത്തി. ഇതൊക്കെ കേട്ട് ചിരിയോടെ നിൽക്കുകയാണ് കാത്തു.

""അതുകൊണ്ടെന്താ, നിനക്ക് സീരിയസ് ആണെന്ന് പറഞോണ്ടല്ലേ ഞാനിവിടെ എത്തിയെ "" അച്ഛൻ അമ്മയെ നോക്കി പറഞ്ഞു.

""എന്നാലും ഇങ്ങനെ ഒരു സീരിയസ് ആയുള്ള രോഗം അമ്മുക്കുണ്ടെന്നു പറഞ്ഞാൽ അച്ഛൻ വരുമെന്ന് നിനക്കെങ്ങനെ തോന്നി?"" കാത്തു തന്റെ സംശയം ചോദിച്ചു..

""ശരിക്കും നിങ്ങൾ തമ്മിലെന്താ പ്രശ്നം "" അച്ഛനോടും അമ്മയോടുമായി ഞാൻ ആരാഞ്ഞു..

എന്റെ ചോദ്യം കേട്ട് രണ്ടുപേരും പരസ്പരം നോക്കി.. കാത്തുവിന്റെയും അനിയത്തിയുടെയും കണ്ണുകൾ അവരിലേക്ക് നീങ്ങി. ഊൺ മേശക്കു ചുറ്റുമിട്ട കസേരകളിലൊന്നിൽ അമ്മ എടുത്തു വലിച്ചു.. നിശബ്ദത താളംകെട്ടിയ വീട്ടിൽ വലിയൊരു ശബ്ദത്തോടെ നീങ്ങിയ കസേരയിൽ ഇരുപ്പുറപ്പിച്ച അമ്മ പതിയെ ഓർമകളിലേക്ക് നീങ്ങി.. അച്ഛനെ നോക്കിയ ആ കണ്ണുകൾ നിറയാൻ തുടങ്ങി..

""സത്യത്തിൽ