Chapter Title : മായികലോകം 6 [രാജുമോന്‍]

മുഴുവന്‍ പോയി. പിറ്റേദിവസം രാവിലെ തന്നെ അമ്മ വിളിച്ചെഴുന്നേല്‍പ്പിച്ചു. കുളിച്ചു ഒരുങ്ങി നിന്നു. പെണ്ണ് കാണാന്‍ വരുന്നതല്ലേ. ഈ ആലോചന എവിടുന്നാണാവോ.. അവര്‍ക്ക് എന്നെ ഇഷ്ടപ്പെടല്ലേ... ഇതുവരെ കണ്ടുപോയ എല്ലാവര്ക്കും എന്നെ ഇഷ്ടമായിട്ടുണ്ട്. അപ്പോ പിന്നെ അങ്ങിനെ ആഗ്രഹിച്ചിട്ടു കാര്യമില്ല. ഭാഗ്യത്തിന് അച്ഛന്‍റെ വെള്ളമടി കാരണം ഓരോ ആലോചനകളും ഒഴിവായിപ്പോകുന്നു. അങ്ങിനെ ആലോചിച്ചാല്‍ അച്ഛന്‍ വെള്ളമടിക്കുന്നത് നന്നായി എന്നു തോന്നുന്നു.

മായയുടെ ചിന്തകള്‍ പിന്നേയും കാടു കയറുന്നു. അപ്പോഴേക്കും അവളെ കാണാന്‍ ആള്‍ക്കാര്‍ എത്തി. പയ്യന്‍ മാത്രം വന്നില്ല. ആദ്യം വീട്ടുകാര്‍ കണ്ടു ഇഷ്ടപ്പെട്ടിട്ടു മതി ചെക്കന്‍ വന്നു കാണുന്നത് എന്നാണ് അവര്‍ പറയുന്നതു. ഇതെന്തൊരു ഫാമിലി??. കല്യാണം കഴിക്കേണ്ടത് വീട്ടുകാരെ ആണോ? ചെക്കനെ അല്ലേ? അല്ല.. ഞാനിപ്പോ എന്തിനാ അതൊക്കെ ആലോചിക്കുന്നെ.. എന്തായാലും എന്‍റെ കഴുത്തില്‍ മിന്നു ചാര്‍ത്തുന്നത്നീരജ് ആയിരിക്കുമല്ലോ. പിന്നെന്താ. പക്ഷേ ഇപ്പോ അവര്‍ വന്നു ഉറപ്പിക്കുക ആണെങ്കില്‍ ഞാനെന്തു ചെയ്യും? എന്‍റെ വാക്കിന് ഇവിടെ ആരും വില കല്‍പ്പിക്കില്ലല്ലോ. ഇവരുടെ മുന്നില്‍ ഞാന്‍ എങ്ങിനെ എതിര്‍ത്തു നില്ക്കും? വെറും ഒരു പെണ്ണല്ലേ ഞാന്‍. ഇല്ല. എന്നെ കല്യാണം കഴിക്കുന്നതു നീരജ് മാത്രമായിരിക്കും. അതിനു സാധിച്ചില്ലെങ്കില്‍ ആത്മഹത്യ ചെയ്യാം. ഞാന്‍ ആത്മഹത്യ ചെയ്താല്‍ ബാക്കിയുള്ളവരുടെ കാര്യമോ? അമ്മയ്ക്ക് സഹിക്കാന്‍ കഴിയുമോ? അനിയത്തി.. അവള്‍ പ്ലസ്ടൂ വില്‍ എത്തി. അവള്‍ക്കും കല്യാണപ്രായം ആകുമ്പോള്‍? ദുര്‍മരണം നടന്ന വീട് എന്നു പറഞ്ഞു അവള്‍ക്ക് വരുന്ന ആലോചനകള്‍ മുടങ്ങില്ലെ? അതും ഞാന്‍ കാരണം. ഇനി വീട്ടില്‍ ഇഷ്ടമില്ലാതെ നീരജിന്റെ കൂടെ ഇറങ്ങി പോയാലും ഇത് തന്നെ അല്ലേ അവസ്ഥ. എന്തുമായിക്കൊള്ളട്ടെ എനിക്കു നീരജ് ഇല്ലാതെ പറ്റില്ല. മായ അവിടിരുന്നു ചിന്തിക്കട്ടെ. നമുക്ക് കഥയിലേക്ക് വരാം. ചെറുക്കന്‍റെ വീട്ടുകാര്‍ മായയെ പെണ്ണ് കണ്ടു ഇഷ്ടപ്പെട്ടു വിവരം അറിയിക്കാം എന്നു പറഞ്ഞു മടങ്ങി. ഞായറാഴ്ച വൈകുന്നേരം മായ ഹോസ്റ്റലില്‍ മടങ്ങിയെത്തി.

ഹോസ്റ്റലില്‍ എത്തിയ ഉടനെ തന്നെ നീരജിനെ വിളിച്ചു. കുറച്ചു നേരം സംസാരിച്ചു. റൂമില്‍ കൂടെ ആള്‍ക്കാര്‍ ഉണ്ടായിരുന്നത് കൊണ്ട് പതിവുപോലെ തന്നെ വേഗം ഫോണ്‍ കട്ട് ചെയ്തു. (ഈ ഫോണ്‍ ചെയ്യലും