മദനപൊയിക 5 [Kannettan]

നല്ല വെയിലത്ത് വണ്ടിയോടിച് വന്നതുകൊണ്ട് വല്ലാത്ത ക്ഷീണം. സോഫയിൽ തലചായ്ച്ചു കിടന്നപ്പോൾ ഒരു ഗ്ലാസ് സംഭരവുമായി ഒരു കൈ എന്റെ മുന്നിലേക്ക് നീണ്ടു, നല്ല പരിചയമുള്ളതും എന്നാൽ എന്റെ വീട്ടിൽ കണ്ടിട്ടില്ലാത്തതുമായ ഒരു മനോഹരമായ കൈ!!!!

മുഖത്തേക്ക് നോക്കിയതും ഞാൻ ശരിക്കും ഒന്ന് ഞെട്ടി!!! സ്വപ്നത്തിൽ കൂടിയും പ്രതീക്ഷിക്കാത്തൊരു വെക്തി!!!
സാധാരണ വീട്ടിലുടുക്കുന്ന സാരിയുമുടുത്ത് കയ്യിലൊരു സംഭരവുമായി നിൽക്കുകയാണ് എന്റെ രാധികേച്ചി.

ഞാനന്ധാളിച് അങ്ങനെ നോക്കി നിന്നുപ്പോയി, രാധികേചിക്ക് ചിരി പിടിച്ചുനിർത്താൻ കഴിയുന്നില്ലായിരുന്നു,

"സൂക്ഷിച്ചു നോക്കണ്ടടാ വച്ചു ഇത് ഞാൻ തന്നെയാ !!!" അതും പറഞ്ഞു രാധികേച്ചി ചിരിക്കാൻ തുടങ്ങി .

ഞാൻ കയ്യെടുത്തു എന്റെ മുഖത്തുതന്നെ അടിച്ചു ഇത് സ്വപ്നമല്ലെന്നുറപ്പുവരുത്തി.

അപ്പോഴേക്കും അമ്മ പയ്യെ അങ്ങോട്ട് വന്നു,

"എടാ... ഇന്നലെ നല്ല ഇടിയും മഴയുമായിരുന്നില്ലേ, അതുകൊണ്ട് അവൾക് ഒറ്റയ്ക്കുനിൽക്കാൻ പേടിച്ചിട്ട് മോഹനൻ ഇവിടെ ആക്കിയിട്ട് പോയതാ" അതും പറഞ് അമ്മ ഡൈനിങ്ങ് ടേബിളിന്റെ അടുത്തായി ഇരുന്നു.

"നീ എന്താടാ കുന്ദം വിഴുങ്ങിയപോലെ ഇരിക്കണേ ? നീ ആ മോര് വാങ്ങി കുടിച്ചേ !" അമ്മ എന്നെ ചീത്തപറഞ്ഞു.
അപ്പോഴേക്കും രാധികേച്ചി സംഭാരം എന്റെ കയ്യിൽവെച്ചുകൊണ്ട് എന്റെയടുത്ത്തിരുന്നു. എനിക്കപ്പോഴും ഇത് സത്യമാണോന്ന് വിശ്വസിക്കാൻ സാധിക്കുന്നില്ലായിരുന്നു. ഇനി എനിക്ക് വീടുമാറിപ്പോയതാണോന്ന് വരെ ഞാൻ ചിന്തിച്ചുപോയി. അപ്പോഴാണ് രാധികേച്ചി എന്റെ തുടയിലൊരടിതന്നുകൊണ്ട്,

"ഹലോ... മാഷേ... ഏത് ലോകത്താ..?"

"എന്നാലും ഇതെനിക്ക് അങ്ങോട്ട് വിശ്വസിക്കാൻ പറ്റണില്ല" ഞാനാ ഷോക്ക് മാറാതെ പറഞ്ഞു .

" മോഹനേട്ടൻ കോയമ്പത്തൂർക്ക് പോയി, ഇന്നലെത്തെ ഇടിയും മിന്നലും കണ്ടിട്ട് എനിക്ക് ഒറ്റയ്ക്ക് നില്ക്കാൻ വല്ലാത്തപ്പേടി, അതാ ഇങ്ങോട്ട് പൊന്നേ "

"അത് വളരെ നന്നായി, ഇനി ഒന്നുകൊണ്ട് ധൈര്യപ്പെടേണ്ട !!" നാവൊന്ന് സ്ലിപ്പായി .

" ഏഹ് ?? " രാധികേച്ചിക്ക് ഒന്നും മനസ്സിലായില്ല .

" അല്ല... ഒന്നുകൊണ്ടും പേടിക്കണ്ട ഞാനില്ലേ ഇവിടെ!!! " അത് കേട്ടപ്പോൾ രാധികേച്ചിയെന്നെ നോക്കിയൊന്ന് കണ്ണുരുട്ടി .

" അല്ല... ഞങ്ങളൊക്കെയില്ലേ ഇവിടെയെന്നാ ഉദ്ദേശിച്ചത് " ഞാനെന്തൊക്കെയോ പറഞ്ഞൊപ്പിച്ചു .

"നീയൊന്നും കഴിച്ചിട്ടില്ലലോ വിച്ചു , ഞാൻ ചോറെടുത്തു വെക്കാം " അതും പറഞ്ഞമ്മ അവിടെ നിന്ന് എഴുനേറ്റു.

" ഏടത്തി പോയി റെസ്റ്റെടുത്തോ, രണ്ട് ദിവസത്തേക്ക് ഞാൻ നോക്കിക്കോളാം ഇവിടുത്തെ കാര്യങ്ങളൊക്കെ, വച്ചു വാ ഇരിക്ക് ഞാൻ ചോറെടുത്തുതരാം "

അതും പറഞ്ഞ രാധികേച്ചി അടുക്കളയിലേക്ക് പോയി, ഞാൻ കയ്യും കഴുകി കഴിക്കാനായി ഇരുന്നു. ചേച്ചി ഭക്ഷണം വിളമ്പാൻ തുടങ്ങി. ഞാനൊരു വേൾഡ് കപ്പ് ജയിച്ച സന്തോഷത്തോടെ രാധികേച്ചിയെ നോക്കി, ചേച്ചിയുടെ മുഖത്തും എന്തെന്നില്ലാത്ത സന്തോഷം.

അമ്മ അടുത്ത് തന്നെയുള്ളതുകൊണ്ട് എന്റെ ഒരുപരിപാടിയും നടന്നില്ല, ഞാനതികമൊന്നും സംസാരിക്കാതെ ഭക്ഷണം കഴിച് മുകളിലേക്ക് പോയി. എന്നിട്