Chapter Title : മധുര പതിനെട്ടിൽ ആയിഷ 1 [ഗില്ലി ബാല]

ചുളിച്ചു പറഞ്ഞു.

​ഫൈസി ഹെൽമെറ്റ് ഊരി ചിരിച്ചുകൊണ്ട് അവളെ നോക്കി. "അതിപ്പോ അത്രയും ദൂരം ഇരുന്നതല്ലേ... ഒന്ന് നടക്കുമ്പോ അത് ശരിയായിക്കോളും."

​"അല്ല കാക്കു... സത്യം പറയുകയാണെങ്കിൽ എന്റെ കശേരുക്കളൊക്കെ സ്ഥാനം മാറിയോ എന്ന് പേടിയുണ്ട്. ഈ വണ്ടിയിൽ ഇനി കേറാൻ എന്നെ കിട്ടില്ല," അവൾ ഒന്നുരണ്ട് തവണ തുള്ളിക്കൊണ്ട് പറഞ്ഞു.

​"ശരി ശരി... വാ, നമുക്ക് ഒരു ചായ കുടിക്കാം. അതോടെ നിന്റെ മരവിപ്പൊക്കെ മാറും," ഫൈസി അവളെയും കൂട്ടി കഫേയിലേക്ക് നടന്നു.

​രണ്ടു ഗ്ലാസ് കടുപ്പത്തിലുള്ള ചായയുമായി അവർ പുറത്തെ ടേബിളിൽ ഇരുന്നു. ചൂട് ചായയുടെ ആവി പറക്കുമ്പോൾ ഐഷു നഗരത്തിലെ തിരക്കുകളിലേക്ക് നോക്കി ഒരു ദീർഘശ്വാസം വിട്ടു.

​"കാക്കു... എനിക്ക് ഒരു പേടി. ഇവിടെ തനിച്ച് നിൽക്കാൻ പറ്റോ?" അവൾ ഗ്ലാസിൽ പിടിച്ചുകൊണ്ട് പതിയെ ചോദിച്ചു.

​"അതിനല്ലേ ഞാൻ കൂടെ വന്നത്. എല്ലാം ശരിയാക്കി തന്നിട്ടേ ഞാൻ പോകൂ. പിന്നെ എന്റെ ഐഷുക്കുട്ടിക്ക് ഇത്ര വാശിയുണ്ടെങ്കിൽ ഇതൊക്കെ സിംപിളല്ലേ," ഫൈസി അവളുടെ കണ്ണുകളിലേക്ക് നോക്കി ചിരിയോടെ പറഞ്ഞു.

​അവൾ ആശ്വാസത്തോടെ ചായ ഊതിക്കുടിച്ചു തുടങ്ങി.

​ചായ കുടി കഴിഞ്ഞ് നേരെ അവർ പോയത് ആയിഷയ്ക്ക് അഡ്മിഷൻ കിട്ടിയ ആ വലിയ കോളേജിലേക്കാണ്. ഗേറ്റ് കടന്ന് അകത്തേക്ക് കയറുമ്പോൾ ഐഷുവിന്റെ മുഖത്ത് ചെറിയൊരു പേടി തെളിഞ്ഞു. അവൾ ഫൈസിയുടെ ഷർട്ടിൽ മുറുകെ പിടിച്ചു.

​"കാക്കു... നല്ല വലിയ ബിൽഡിംഗ് ആണല്ലോ. എനിക്ക് ഇംഗ്ലീഷ് ഒക്കെ തിരിയുമോ ആവോ?" അവൾ പതുക്കെ ചോദിച്ചു.

​"അതിനല്ലേ നീ ഇങ്ങോട്ട് വന്നത്. അതൊക്കെ തനിയെ ശീലമായിക്കോളും, നീ പേടിക്കാതെ