Chapter Title : മധുര പതിനെട്ടിൽ ആയിഷ 5 [ഗില്ലി ബാല]

ട്രെയിനിങ് ഉള്ളതല്ലേ?" ഫൈസി ഗൗരവത്തിൽ പറഞ്ഞു.
​അജു ഒന്ന് പുച്ഛിച്ചു ചിരിച്ചു.

"ഓ... അനക്ക് ഉറക്കം വരുന്നുണ്ടെങ്കിൽ താൻ പോയി കിടക്കടോ വയസ്സാ! ഞങ്ങൾക്ക് ഉറങ്ങാൻ സമയമായിട്ടില്ല. ഞങ്ങൾ കുറച്ചു നേരം കൂടി ഇവിടെ സംസാരിച്ചിരിക്കും. അല്ലേടി ഐഷൂ?"

​ഫൈസിക്ക് ശരിക്കും ശുണ്ഠി വന്നു. തന്റെ അനിയൻ തന്നെ നോക്കി 'വയസ്സാ' എന്ന് വിളിച്ചതും പോരാ, താൻ പറഞ്ഞത് അനുസരിക്കാതെ ഐഷുവിനോടൊപ്പം ഇരിക്കാൻ നോക്കുന്നു. ഫൈസി ദേഷ്യത്തോടെ അജുവിനെ ഒന്ന് തല്ലാനായി കൈ ഓങ്ങി എഴുന്നേറ്റു.

​"എടാ നിനക്ക് വല്ലാതെ അഹങ്കാരം കൂടുന്നുണ്ടല്ലോ!"

​"അയ്യോ... ഇക്കു... വേണ്ട!" ഐഷു ഉടനെ ഇടയിൽ കയറി ഫൈസിയെ തടഞ്ഞു.

"അവൻ തമാശയ്ക്ക് പറഞ്ഞതല്ലേ? നീ എന്തിനാ ഇങ്ങനെ ഗൗരവക്കാരനാകുന്നത്? നീ വേണമെങ്കിൽ പോയി കിടന്നോ, ഞങ്ങൾ ഒരു പത്തു മിനിറ്റ് കൂടി ഇരുന്നിട്ട് വരാം."

​ഐഷുവും തന്നെ പിന്താങ്ങുന്നില്ലെന്ന് കണ്ടപ്പോൾ ഫൈസി വല്ലാതെ നിരാശനായി. അജുവിനെ അവിടെ തനിച്ചാക്കി ഐഷുവിനെ മാത്രം മുകളിലേക്ക് കൊണ്ടുപോകാൻ ഇപ്പോൾ ഒരു വഴിയുമില്ല. അവൻ പല്ല് കടിച്ചുകൊണ്ട് അവിടെ നിന്നും എഴുന്നേറ്റു.

​"നീ ഇങ്ങനെയൊക്കെ അവനെ ലാളിച്ചു വെച്ചോ. നാളെ അവൻ നിന്റെ തലയിൽ കയറി നിരങ്ങും," ഫൈസി ദേഷ്യത്തോടെ മുറുമുറുത്തുകൊണ്ട് പടികൾ കയറി താഴേക്ക് പോയി.

​താഴെ അജുവും ഐഷുവും പൊട്ടിച്ചിരിച്ചു. ഫൈസി പടികൾ കയറുമ്പോൾ തന്റെ പ്ലാനുകൾ ഓരോന്നായി പൊളിയുന്നതിന്റെ സങ്കടത്തിലായിരുന്നു. പക്ഷേ, രാത്രി ഇനിയും ബാക്കിയുണ്ട്. അജു ഉറങ്ങുന്നതും കാത്ത് അവൻ മുകളിൽ തന്റെ മുറിയിൽ കാത്തിരിക്കാൻ തീരുമാനിച്ചു.

___
​”നീ എന്തിനാടാ എപ്പോളും കാക്കുവിനോട് തല്ല് പിടിക്കണേ.? അങ്ങേരു