Chapter Title : ?മദ്യപാനം ജീവിതത്തിന് ഹാനികരം?[അജിത് കൃഷ്ണ]

കൈ ഞാൻ വെട്ടും.

മുരളി ഒരു നിമിഷം നിശബ്ദത പാലിച്ചു കൈ പിറകിലേക്ക് വലിച്ചു. അവൻ തല കുലുക്കി എന്തൊക്കെയോ പിറു പിറുത്തു കൊണ്ട് പുറത്തേക്ക് ഇറങ്ങി.

മുരളി :ഓഹ് എന്നെ കൊണ്ട് കുടുംബത്തിൽ പ്രയോജനം ഒന്നും ഇല്ലല്ലോ !!ഉം ശെരി...

അവൻ ദേഷ്യം കാണിച്ചു പുറത്തേക്ക് ഇറങ്ങി പോയി. സുനിത അവിടെ ഇരുന്നു കരയുവാൻ തുടങ്ങി. അന്ന് വൈകുന്നേരം ആരോ ഒരാൾ മുരളിയെ ചേർത്ത് പിടിച്ചു കൊണ്ട് വീട്ടിലേക്കു വന്നു. പതിവ് പടി മുരളി നാലു കാലിൽ തന്നെ ആയിരുന്നു. സുനിത പിറ്റേന്ന് കൊടുക്കുവാൻ ഉള്ള തുണികൾ തയ്ച്ചു കൊണ്ട് ഇരിക്കുക ആയിരുന്നു. അയാൾ മുരളിയെ ഉമ്മറത്തേക്ക് കിടത്തി കൊണ്ട് ഉള്ളിലേക്കു നോക്കി. സുനിത കസേരയിൽ ഇരുന്നു കൊണ്ട് അയാളെ ഒന്ന് നോക്കി. ഒരു പരിചയം തോന്നുന്നില്ല.

അപരിചിതൻ :എന്നെ പിടി കിട്ടി കാണില്ല, ഞാൻ മുരളിയുടെ കൂട്ട്കാരൻ ആണ് ബാലൻ. നാട്ടിൽ വന്നേ ഉള്ളു കവലയിൽ വെച്ച് ആണ് ഇവൻ തറയിൽ ബോധം ഇല്ലാതെ കിടക്കുന്നത് കണ്ടത്.

സുനിത തല താഴ്ത്തി പിടിച്ചു നിന്നു.

ബാലൻ :ഇവന് എന്നെ മനസ്സിൽ ആയിട്ടില്ല എന്ന് തോന്നുന്നു, കവലയിൽ ഉള്ളവർ എന്നോട് പറഞ്ഞത് ആണ് എടുക്കണ്ട ഇത് സ്ഥിരം പല്ലവി ആണെന്ന്. പക്ഷെ എന്തോ പഴയ കൂട്ടുകാരനെ വഴിയിൽ കളയാൻ തോന്നിയില്ല.

സുനിത :എന്തിനു കുടുംബത്തിന് എന്തെങ്കിലും ഒരു പ്രയോജനം വേണ്ടേ !!!

ബാലൻ :ഞാൻ ഇവിടെ നിന്ന് പോയിട്ട് 8കൊല്ലം ആയി. അന്നൊന്നും ഇവൻ ഇങ്ങനെ അല്ലായിരുന്നു അതാ.

സുനിത :ചിലത് അങ്ങനെ ആണ് നശിക്കാൻ