Chapter Title : മഹേഷിന്റെ ചിന്തകൾ 4 [Solorider]

ചോറും കറികളുംആയി മുകളിൽ വന്നു. അത്യാവശ്യം നല്ല വിശപ്പുണ്ടായിരുന്ന ഞാൻ വെട്ടിവിഴുങ്ങാൻ തുടങ്ങി. "പതുക്കെ കഴിക്കു. എന്തൊരു ആർത്തിയാണിത്" ചിന്ത ദേഷ്യപ്പെട്ടു. "നല്ല വിശപ്പ്". ഇളിഞ്ഞ ചിരിയോടെ ഞാൻ പറഞ്ഞു. "കുട്ടന് വിശക്കുന്നുണ്ടോ" ഒരു ഒരുള ഏടുത്ത് എന്റെ വായിൽ വെച്ചു തന്നു. അവൾ ഇന്ന് നല്ല റൊമാന്റിക് മൂഡിലായിരുന്നു. പെട്ടന്ന് ഭക്ഷണമൊക്ക കഴിച്ച് കൈ കഴുകി ഞാൻ ബെഡിൽ മലർന്ന് കിടന്നു. പാത്രങ്ങളൊക്ക കഴുകി ചിന്ത താഴെ കൊണ്ടുപോയി വച്ചു . വരാൻ വൈകുമെന്ന് ഞാൻ മമ്മിയെ വിളിച്ചു പറഞ്ഞു.

താഴത്തെ ലൈറ്റ് അണച്ച ശേഷം ചിന്ത മുറിയിലേക്ക് കടന്നു വന്നു. ഇളം നീല നിറമുള്ള നീളൻ നൈറ്റ് ഡ്രസ്സ് ആയിരുന്നു ചിന്ത ധരിച്ചത്. അവൾ നടക്കുമ്പോൾ ഗൗണിന്റെ ഞൊറികൾ ആടിയുലഞ്ഞു. കണ്ണാടിയുടെ മുന്പിലിരുന്നവൾ മുടി ചീകാൻ തുടങ്ങി. "നീയിങ്ങു വന്നേ. എനിക്ക് വേഗം പോണം" അക്ഷമനായി ഞാൻ പറഞ്ഞു. "വേഗം പോകണ്ടയാളെന്തിനാ വന്നേ " കൂസലില്ലാതെ മുടിചീകൽ തുടർന്ന് ചിന്ത പറഞ്ഞു. "നിന്നെ കാണാതിരിക്കാൻ വയ്യാത്തൊണ്ടല്ല" ഞാൻ പറഞ്ഞു. "ഇവിടെ വാ " മുടി ചീകി കെട്ടിവച്ചതിനു ശേഷം ചിന്ത അടുത്തേക്ക് വിളിച്ചു. കുങ്കുമത്തിന്റെ ഒരു കുഞ്ഞു ഡപ്പി എന്റെ നേരെ നീട്ടി. ഒരുനുള്ള് കുങ്കുമമെടുത്ത് ഞാൻ അവളുടെ തിരുനെറ്റിയിൽ തോട്ടുകൊടുത്തു. ചിന്തയുടെ ഓരോ ചെറിയ പ്രവർത്തികൾക്കും വലിയ അർത്ഥ തലങ്ങൾ ഉണ്ടെന്നിനിക്ക് പേലപ്പോഴും തോന്നിയിരുന്നു. ഓരോ തവണ ചിന്തയെ കാണാൻ വരുമ്പോളും എന്നെക്കൊണ്ട് ഇങ്ങനെ ചെയ്യിക്കാറുണ്ട്. ചിന്ത ബാത്റൂമിലേക്ക് പോയി. ഞാൻ വീണ്ടും കിടക്കയിൽ ചിന്ത വരുന്നതും കാത്ത് കിടന്നു. പൈപ്പിൽ നിന്നും