Chapter Title : മൈ ഡീമൻ [മഹി]

രണ്ടാമന്റെ വലതുകൈയിലെ അഞ്ചു വിരൽ തുമ്പുകൾ ആ സ്ത്രീയുടെ മാറിൽ പതിഞ്ഞു....വസ്ത്രവും മാംസവും നെഞ്ചും പിളർന്നു ഉള്ളിലേക്ക് ആഴ്ന്നിറങ്ങി....അവരുടെ ചൂട് രക്തം അവന്റെ ലോഹയെ ചുമപ്പിച്ചു

സംഭവിച്ചത് എന്തെന്ന് തിരിച്ചറിയുന്നതിനുമുമ്പ്  കഴുത്തിൽ അണിഞ്ഞിരുന്ന കൊന്ത ഉൾപ്പടെ അവരുടെ മാറിടവും മിടിക്കുന്ന ഹൃദയവും കള പറിക്കുന്ന ലാഖവത്തോടെ അവൻ പറിച്ചെടുത്തിരുന്നു....അവരുടെ ചുടു രക്തത്തിൽ അവൻ സ്നാനം ചെയ്തു അശുദ്ധിയായി

ചെയ്ത തെറ്റെന്താണെന്ന് അറിയാതെ തുറന്ന കണ്ണുകളോടെ അവർ മരണപ്പെട്ടു, ഭർത്താവിന്റെ പുറത്തേക്ക് വീണു....

"മാത്യൂസ് chapter 19: 4

സൃഷ്ടിച്ചവൻ ആദിയിൽ അവരെ ആണും പെണ്ണുമായി സൃഷ്ടിച്ചു അത് നിമിത്തം മനുഷ്യൻ അപ്പനെയും അമ്മയെയും വിട്ടു ഭാര്യയോടു പറ്റിച്ചേരും ഇരുവരും ഒരു ദേഹമായി തീരും  അവർ മേലാൽ രണ്ടല്ല, ഒരു ദേഹമത്രേ ആകയാൽ ദൈവം യോജിപ്പിച്ചതിനെ മനുഷ്യൻ വേർപിരിക്കരുത്....."

അവർ ചിരിയോടെ അവരുടെ ശവശരീരങ്ങളെ മറികടന്നു ഉള്ളിലേക്ക് നടന്നു...മുകളിലെ നിലയിലേക്കുള്ള പടികൾ കയറി....

അച്ഛനും അമ്മയും മരണപ്പെട്ടത് അറിയാതെ അവിടെ ഒരു പെൺകുട്ടി തന്റെ മുറിയിൽ ഏതോ സ്വപ്നങ്ങളും മുറുകെ പിടിച്ച് മയക്കമായിരുന്നു.

.

.

.

.

.

.

.

ഡിസംബറിലെ രാത്രിയുടെ മഞ്ഞിനെയും തണുപ്പിനെയും ഭേദിച്ച് കൊച്ചി നാഷണൽ ഹൈവയിലൂടെ നാൻസിയുടെ ടിയാഗോ വളരെ വേഗത്തിൽ സഞ്ചരിച്ചു.... ക്രിസ്തുവിന്റെ ജനനത്തിനായി മാനവർ ഒരുങ്ങി തുടങ്ങുന്ന ദിവസങ്ങളിൽ ഒന്നായിരുന്നു അത്....

നിലാവ് മങ്ങി, തെളിഞ്ഞു നിന്നിരുന്ന ആകാശത്ത് ഇരുണ്ട മേഘങ്ങൾ പടരുന്നത് കണ്ട് അവൾ ഗിയർ മാറ്റി ആക്‌സിലേറ്ററിൽ കാലമർത്തി... മഴ വരുന്നെന്ന് തോന്നുന്നു ....

"പൊന്നു, കോളേജ് കഴിഞ്ഞാൽ സമയത്തിന് ഇറങ്ങിക്കൂടെ നിനക്ക്..."

ചെവിയിൽ