Chapter Title : മൈ ഡിയർ യക്ഷി 2 [Ganesh Gaitonde]

"നീ പറഞ്ഞോ.. അതിനിപ്പോ എന്താ..."

പറഞാൽ പണി പാളും ... എന്നാലും കോൺഫിഡൻസ് വിടാതെ ഞാൻ തിരിച്ചടിച്ചു... എങ്ങാനും അമ്മു പിൻവലിഞ്ഞാലോ.... വേറെ ഒന്നുമല്ല ക്ലാസ് കളഞ്ഞുള്ള പരിപാടി എനിക്ക് ഇഷ്ടമല്ല. എങ്ങാനും സമ്മതിച്ചാൽ അവൾക്ക് അതൊരു ശീലമാവും... അതുകൊണ്ട് വളരെ അപൂർവ്വമായേ ഞാൻ അമ്മുനെ കോളേജിൽ കൊണ്ടാക്കാറൊള്ളൂ.. പിന്നെ ഞാൻ പകൽ സമയത്ത് അധികം ഫ്രീ ആയിരിക്കില്ല. ഇപ്പോ MBA യും ഒരു അഡ്വാൻസ്ഡ് കോഴ്സും കഴിഞ്ഞ് ഇരിക്കാണ്...

"ഞാൻ പറയുവേ..."

അമ്മു കോൺഫിഡൻസ് കണ്ടിട്ടാവം... എന്നെ സൂക്ഷിച്ചു നോക്കിക്കൊണ്ട് ഒന്നൂടെ ഭീഷണി മുഴക്കി...

ഞാൻ പറഞ്ഞോളാൻ പറഞ്ഞു തല ആട്ടി... പറഞ്ഞാലും ഒരു തേങ്ങയും ഇല്ല എന്ന പോലെ...

"ശരി... എന്നാ ഇപ്പോ തന്നെ വല്യമ്മയോട് പറയാ... അതാവുമ്പോൾ ജിത്തേട്ടൻ വീട്ടിലെത്തുമ്പോഴേക്കും എല്ലാരും അറിഞ്ഞോളും..."

അമ്മു എൻ്റെ കോൺഫിഡൻസ് ലെവൽ മനസ്സിലാക്കിയോണം പറഞ്ഞുകൊണ്ട് അവളുടെ ഫോൺ എടുത്ത് വിളിക്കാൻ തുടങ്ങി... ഞാൻ ആദ്യം കാര്യാക്കിയില്ല അവൾ കട്ടാക്കും എന്നാണ് ധരിച്ചത്.. എന്നാല് കാൾ കണക്ട് ആയി... അപ്പുറത്ത് നിന്ന് ഹലോ എന്ന് അമ്മയുടെ ശബ്ദം...

ഞാൻ അമ്മുൻ്റെ കയ്യിൽ നിന്ന് ഫോൺ തട്ടിപ്പറച്ചു..

"അമ്മേ മീൻ ഏതാ വാങ്ങണ്ടേ..."

വായിൽ ആദ്യം വന്നത് എടുത്തടിച്ചു ചോദിച്ചു...

"നീ എന്തേലും വാങ്ങിക്കൊണ്ട് പെട്ടെന്ന് വാ ജിത്തു... എനിക്കിവിടെ കുറേ പണി ഉണ്ട്.. ഞാൻ എത്ര തവണ പറഞ്ഞതാ..."

അത്രേം പറഞ്ഞുകൊണ്ട് ഫോൺ കട്ടാക്കി...

അമ്മ വീട്ടിൽ തുടക്കലും അടിക്കലും ഒക്കെ ആയിരിക്കും... അതിനിടയിൽ വിളിച്ചാൽ കലിപ്പ് ആവും...

ശേഷം ഞാൻ അമ്മുനെ നോക്കി... ആൾ എന്നെ