Chapter Title : മൈസൂരിലെ മഞ്ഞുള്ള രാത്രി 2 [സ്പൾബർ]

ഇട്ട് കണ്ടിട്ടില്ലാത്ത മാഡത്തിന്റെ മുഖത്ത് നല്ല കട്ടിക്ക് മേക്കപ്പിട്ടിട്ടുണ്ട്..അതവന് ഭയങ്കര അൽഭുതം തന്നെയായിരുന്നു.. ചുണ്ടിൽ ചായം തേച്ച മാഡത്തിന് ഒരു മാദകഭാവം വന്നെന്ന് സുരേഷിന് തോന്നി..

“ അവരൊന്നും എണീറ്റില്ലേ സുരേഷ്… ?”..

മനോഹരമായ ചിരിയോടെ അംബിക ചോദിച്ചു..ആ ചുവന്ന ചുണ്ടിന്റെ ചലനം കണ്ട് സുരേഷൊന്ന് വിറച്ചു..

“എണീറ്റു മാഡം… എല്ലാരും കുളിക്കുകയാ… നിങ്ങളിതെപ്പോ എണീറ്റു… ?”..

അംബികയുടെ ചുവന്ന ചുണ്ടിലേക്ക് തന്നെ നോക്കിക്കൊണ്ട് സുരേഷ് ചോദിച്ചു..

“ഞങ്ങളെപ്പഴേ എണീറ്റു… അല്ലെങ്കിലും ഭയങ്കര തണുപ്പായത് കൊണ്ട് ശരിക്കുറങ്ങാൻ പറ്റിയില്ല… അല്ലേ നിത്യേ… ?”..

മാഡം അടിമുടി മാറിയിട്ടുണ്ട്.. ഇത്ര സോഫ്റ്റായിട്ടൊന്നും ഇത് വരെ സംസാരിച്ചിട്ടില്ല.. ചുണ്ടിലാണെങ്കിൽ മായാത്ത പുഞ്ചിരിയാണ്.. സ്വതവേ തുടുത്ത കവിളുകൾ ചായം പൂശി ആപ്പിള് പരുവത്തിലായിട്ടുണ്ട്.. മാഡത്തിനെ മേക്കപ്പ് ചെയ്തത് നിത്യയുടെ പണിയാണെന്ന് സുരേഷിന് തോന്നി..അവളും നന്നായി അണിഞ്ഞൊരുങ്ങിയിട്ടുണ്ട്..

അവർ സംസാരിച്ചിരുന്നപ്പോ ഓരോരുത്തരായി കുളി കഴിഞ്ഞിറങ്ങി വന്നു..ആദ്യം വന്നത് വേണുവാണ്..

“എന്താ വേണൂ… ഇന്നലെ നടന്നത് വല്ലോം ഓർമ്മയുണ്ടോ… ?”..

അംബികയുടെ രൂപമാറ്റം കണ്ട് ഞെട്ടിയ വേണു, അവൾ ചോദിച്ചത് കേട്ട് ഒന്നൂടെ ഞെട്ടി.. കുസൃതിയും കൊഞ്ചലും ചാലിച്ച ശബ്ദത്തിൽ തന്നോടത് ചോദിച്ചത് തന്റെ കർക്കശക്കാരിയായ മാഡം തന്നെയാണെന്ന് വിശ്വസിക്കാൻ അയാൾക്ക് പിന്നെയും സമയമെടുത്തു..

“ അത്… മാഡം… ഞാനങ്ങിനെ കുടിക്കാറൊന്നുമില്ല… ഇന്നലെ പിന്നെ ഭാര്യയെ പേടിക്കണ്ടല്ലോന്നോർത്ത് കുറച്ച് ഓവറായി… അത് കൊണ്ട് പറ്റിപ്പോയതാ… മാഡം

ക്ഷമിക്കണം…”..

പറ്റിപ്പോയ തെറ്റിന് വേണു ക്ഷമ പറഞ്ഞു..

“ഹേയ് വേണൂ… അതൊന്നും സാരമില്ല… വേണു അവനെ അടിച്ചത് നന്നായെന്നേ ഞാൻ പറയൂ… കൂടെയുള്ള പെണ്ണുങ്ങളെ ശല്യം ചെയ്യുന്നവന്മാരോട് അങ്ങിനെത്തന്നെ പെരുമാറണം…”..

മാഡത്തിന്റെ പ്രശംസ കേട്ട് വേണൂന് അഭിമാനം തോന്നി..ആദ്യമായിട്ടാണ് മാഡത്തിൽ നിന്ന് ഒരു നല്ല വാക്ക് കേൾക്കുന്നത്.. കുളി കഴിഞ്ഞ് മുസ്തഫയും, പിന്നാലെ സുകുമാരനും പുറത്തേക്കിറങ്ങി വന്നു..അവരേയും ഞെട്ടിച്ച് കൊണ്ട് അംബിക അവരോടും വിശേഷങ്ങൾ തിരക്കി.. സുകുമാരന് ഇന്നലത്തെ സംഭവങ്ങൾ തീരെ ഓർമയില്ല..

“അപ്പോ സുരേഷ്,ഇറങ്ങുകയല്ലേ… ?.

എവിടേക്കാ ആദ്യം… ?”..

അംബിക ചുറുചുറുക്കോടെ ചോദിച്ചപ്പോ സുരേഷിനും പിന്നെ മൂഡോഫായി നിൽക്കാൻ കഴിഞ്ഞില്ല.. അവനും ആക്ടീവായി..

“മാഡം… ആദ്യം