Chapter Title : മംഗല്യധാരണം 9 [Nishinoya]

വരാൻ തയ്യാർ ആയിരുന്നെങ്കിൽ അച്ഛൻ എന്ത് ചെയ്തേനെ..."

"...നീ ഇല്ലാതെ അവൾ ഈ കല്യാണത്തിന് വരില്ല എന്ന് എനിക്ക് 100% ഉറപ്പ് ഉണ്ട്. കാരണം നിന്നെ അവൾക്ക് അത്രക്ക് ഇഷ്ട്ട. നീ അത് മനസ്സിലാക്കാൻ വൈകി എന്നെ ഉള്ളു..." അച്ഛന്റെ മുഖത്ത് പിന്നയും ആ ചിരി നിഴലിച്ചു.

"... അച്ഛാ അത്..." വാക്കുകൾക്കായി ഞാൻ പരതി.

"... അതൊക്കെ പോട്ടെ. ഒരു ദിവസം മുഴുവൻ നിങ്ങൾക്ക് മുന്നിൽ ഉണ്ട്. നിങ്ങൾ തമ്മിലുള്ള എല്ലാ പ്രശ്നങ്ങളും പറഞ്ഞു തീർത്ത്‌ പുതിയൊരു ജീവിതം തുടങ്ങ്. അച്ഛനെ കൊണ്ട് ഇത്രയൊക്കെ പറ്റു..." അച്ഛന്റെ കൈയിൽ ചേർത്ത് പിടിച്ചു അതിൽ ഉണ്ടായിരുന്നു എന്റെ മറുപടി.

"...ദേ മനുഷ്യ നിങ്ങൾക്ക് ഉറക്കം ഒന്നും ഇല്ലേ..." അത് പറഞ്ഞു ഉമ്മറത്തേക്ക് എത്തിയ അമ്മ എന്നെയും കണ്ടു.

"... നീയും ഉണ്ടായിരുന്നോ. രണ്ടും അകത്തേക്ക് കയറിയെ എനിക്ക് വാതിൽ അടക്കണം. റൂമിൽ പോടാ ആ കൊച്ച് ഒറ്റക്ക് അവിടെ ഇരിക്ക..."

"... കൊച്ചോ ഏത് കൊച്ച്..."

"... വേറേത് കൊച്ച് നിന്റെ ഭാര്യ തന്നെ..."

"...ഓ ആ കൊച്ചിന്റെ കാര്യം എനിക്ക് നോക്കാൻ അറിയാം. വെറുതെ അമ്മ അതിൽ ഇടപെടേണ്ട..."

"... അല്ലെ ഇപ്പൊ ഞാൻ ആയോ കുറ്റക്കാരി. ഇത്രയും നാൾ അവളുടെ കാര്യം പറയുമ്പോൾ നിനക്ക് ദേഷ്യം ആയിരുന്നല്ലോ ഇപ്പൊ എന്നാ പറ്റി..." താടിക്ക് കൈയ്യും കൊടുത്ത് അമ്മ എന്നെ ആക്കിയ ഒരു നോട്ടം.

"...നീ വെറുതെ അവനെ കളിയാക്കാതെ വാതിൽ അടച്ചു വരാൻ നോക്ക്..."

അമ്മയെയും അച്ഛനെയും മുറിയിൽ ആക്കി ഞാൻ എന്റെ സഹധർമിണിയുടെ അടുത്തേക്ക് പോയി. റൂമിൽ എത്തിയപ്പോ പുള്ളിക്കാരി കട്ടിലിൽ കണ്ണടച്ച് നീണ്ടു നിവർന്നു കിടക്കുന്നുണ്ട്. വാതിൽ അടച്ചു ഞാൻ കാട്ടിലിലേക്ക് പോയി. പെട്ടെന്ന് എനിക്ക് ഒരു കുസൃതി തോന്നി.

"... അങ്ങോട്ട് നീങ്ങി കിടക്ക്..." അവളുടെ അടുത്ത്‌ കിടന്ന് ഞെരിപിളികൊണ്ട് അവളെ തള്ളി.

"...ഹാ എന്താ ആദി ഉറങ്ങാനും സമ്മതിക്കില്ലേ..." ഞാൻ തള്ളിയത് ഇഷ്ട്ടമാകാതെ അവൾ ചോദിച്ചു.

"... നീ കട്ടിലിൽ നീണ്ടു നിവർന്നു കിടന്നാൽ എനിക്ക് കിടക്കണ്ടെ..."

"... അവിടെ അത്രയും സ്ഥലം ഉണ്ടല്ലോ അവിടെ കിടന്നൂടെ..." എന്റെ അടുത്തായി ഒഴിഞ്ഞു കിടന്ന ഇടത്തേക്ക് നോക്കി അവൾ പറഞ്ഞു.

"...ഇത് എന്റെ കട്ടില എവിടെ കിടക്കണം എന്ന് ഞാൻ തീരുമാനിക്കും..." അധികാരത്തോടെ ഞാൻ പറഞ്ഞു.

"...ഇത് വല്യ കഷ്ട്ടം ആയല്ലോ. ഇന്നാ കിടന്ന്