Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

ഉറക്കം വന്നില്ലെങ്കിലും ഞാൻ കണ്ണുകൾ അടച്ച് കിടന്നു. എത്ര നേരം ഓരോന്ന് ആലോചിച്ച് കിടന്നു എന്നറിയില്ല, ഒടുവില്‍ ചിന്തിക്കാൻ പോലും ഒന്നുമില്ലാതെ വന്നപ്പോ എങ്ങനെയോ ഞാൻ ഉറങ്ങിപ്പോയി.

“മമ്മി…. മമ്മി….!! എണീക്ക് മമ്മി.” എന്റെ മോനും മോളും എന്നെ വിളിച്ചും കുലുക്കിയും എന്നെ ഉണര്‍ത്തി.

എനിക്ക് പെട്ടന്ന് നല്ല ദേഷ്യം വന്നു. കഴിഞ്ഞ രാത്രിയത്തെ സംഭവങ്ങൾ കാരണമാണെന്ന് മനസ്സിലായി. പക്ഷേ ആ ദേഷ്യം എന്റെ പാവം കുട്ടികളോട് കാണിക്കുന്നത് തെറ്റാണ്.

ദേഷ്യമൊക്കെ ഉള്ളിലൊതുക്കി എഴുനേറ്റ് എന്റെ കുട്ടികളെ നോക്കി ഞാൻ പുഞ്ചിരിച്ചു. രണ്ടും കുളിച്ചൊരുങ്ങി യൂണിഫോമുമിട്ട് സ്കൂളിൽ പോകാൻ റെഡിയായി നില്‍ക്കുകയാണ്.

എന്റെ ഭർത്താവ് റൂമിൽ ഇല്ലായിരുന്നു. പുള്ളി എന്നും 7 മണിക്കാണ് ജോലിക്ക് പോകുന്നത്.

ഞാൻ സാധാരണയായി അഞ്ച് മണിക്കാണ് എഴുനേൽക്കുന്നത്. ശീലമായത് കൊണ്ട്‌ അലാറം പോലും എനിക്ക് ആവശ്യമില്ല. എഴുനേറ്റ് ഫ്രെഷായി യോഗയും ജിമ്മും കഴിഞ്ഞ് കുളിക്കും. ശേഷം അടുക്കളയില്‍ കേറി ചായയും ബ്രേക്ക്ഫാസ്റ്റും ഉണ്ടാക്കി ജോലിക്ക് പോകാനുള്ള ജോസേട്ടന് ആദ്യം കൊടുത്ത്  യാത്രയാക്കും.… പക്ഷേ കഴിഞ്ഞ രാത്രി നടന്ന പ്രശ്നങ്ങൾ കാരണം എന്റെ മനസ്സ് ചത്തത് പോലെയായി. അതുകൊണ്ട്‌ സമയത്തിന് എഴുനേൽക്കാൻ പോലും കഴിഞ്ഞില്ല.

ജോസേട്ടനും എന്നെ ഉണര്‍ത്തിയില്ല. ചിലപ്പോ എന്നെ അഭിമുഖീകരിക്കാൻ കഴിയാത്ത കൊണ്ടാവും ജോസേട്ടാൻ എന്നെ ഉണർത്താതെ എഴുനേറ്റ് റെഡിയായി കഴിക്കാതെ പോലും പൊയ്ക്കളഞ്ഞത്.

“മമ്മി എന്തിനാ എണീക്കാൻ ലേറ്റായേ? മമ്മിക്ക് സുഖമില്ലേ?” എട്ടില്‍ പഠിക്കുന്ന എന്റെ മോന്‍, ബിനു, ആശങ്കയോടെ ചോദിച്ചു. “ഒരിക്കലും മുടങ്ങാതെ ചെയ്യുന്ന യോഗയും ജിമ്മും പോലും മമ്മി മുടക്കിയിരിക്കുന്നു.” അവന്‍ അടുത്തേക്ക് വന്ന് എന്റെ