Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

നോക്കിയാണ് സംസാരിച്ചത്.

അവന്റെ ഫുൾ കൈ ഷർട്ട് മുട്ട് വരെ അവന്‍ മടക്കി വച്ചിരുന്നു. അവന്റെ കൈയും, പിന്നെ വിയർപ്പ് കാരണം അവന്റെ ഷർട്ട് അവന്റെ ശരീരത്തോട് ഒട്ടിപ്പിടിച്ചിരുന്നത് കാരണം അവന്റെ ബോഡി ഷേപ്പ് എന്താണെന്ന് മനസ്സിലാക്കാൻ കഴിഞ്ഞു — കണ്ടാല്‍ തന്നെ അറിയാം, നല്ല വ്യായാമം ചെയ്യുന്ന ടൈപ്പ് ആണെന്ന്.

എല്ലാം കൊണ്ടും അവന്‍ വളരെ ഹാന്‍ഡ്സം ആയിരുന്നു. സത്യം പറയുകയാണെങ്കില്‍ ആദ്യ നോട്ടത്തില്‍ തന്നെ ഒരുപാട്‌ പെണ്‍കുട്ടികൾക്ക് അവനെ ഇഷ്ടപ്പെടും എന്നതിൽ സംശയമില്ല. ഞാൻ പോലും അല്‍പ്പനേരം സ്വയം മറന്ന് അവനെ നോക്കി ആസ്വദിച്ച്‌ നിന്നുപോയി.

ചില വാക്കുകൾ മാത്രമേ അവന്‍ സംസാരിച്ചു എങ്കിലും, അവന്റെ സംസാര രീതിയില്‍ നിന്നും, അവന്റെ കണ്ണുകളില്‍ നിന്നും, അവന്‍ നല്ലോരു വ്യക്തി ആണെന്ന് എനിക്ക് തോന്നി. അവനെ കണ്ണടച്ച് വിശ്വസിക്കാൻ കഴിയുന്ന ടൈപ്പ് ആണെന്ന് എന്റെ മനസ്സ് ഉറപ്പിച്ചു… ആശ്ചര്യം എന്തെന്നാല്‍ അത്ര പെട്ടന്ന് ഞാൻ ആരെയും വിശ്വസിക്കുന്ന ടൈപ്പല്ല. എന്നാൽ എന്തുകൊണ്ടോ അവന്റെ മേല്‍ എനിക്ക് നല്ലോരു ഇമ്പ്രഷൻ ഉണ്ടായി.

“ഇതൊക്കെ നോക്കൂ, ചേച്ചി.” കുറെ സാധനങ്ങള്‍ അവന്‍ പുറത്തെടുത്ത് വച്ചിട്ട് എന്നോട് പറഞ്ഞു. പക്ഷേ അവനൊന്ന് മുഖം ചുളിച്ചു. എന്നിട്ട് പുറത്തെടുത്തത് വച്ചിരുന്ന ആ പുതിയ ടൈപ്പ് ബ്യൂട്ടി പ്രോഡക്റ്റ്സൊക്കെ അവന്‍ തിരികെ ബാഗില്‍ തന്നെ എടുത്തു വച്ചു.

അവന്‍ അങ്ങനെ ചെയ്തതിന്റെ കാരണം എനിക്ക് മനസ്സിലായില്ലെങ്കിലും അവന്റെ മേല്‍ നടത്തിക്കൊണ്ടിരുന്ന നിരീക്ഷണമൊക്കെ മതിയാക്കി പുറത്തെടുത്തത് വച്ചിരിക്കുന്ന ആ പ്രോഡക്റ്റ്സൊക്കെ എന്താണെന്ന് ഞാൻ നോക്കുകയായിരുന്നു.

ഒരുപാട്‌ തരം ഐറ്റംസ് ഉണ്ടായിരുന്നു. വീടിനും ആളുകള്‍ക്കും ആവശ്യമുള്ളത്.