Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

ആയേക്കാം, ട്രെയിനിങ്ങും മറ്റും കാരണം ഞാൻ എപ്പോഴും ബിസിയായിരിക്കും. അതുകൊണ്ട്‌—”

“ഇല്ല, ഞാനായിട്ട് അങ്ങോട്ട് വിളിച്ച് നിങ്ങടെ ട്രെയിനിങ് മുടക്കില്ല.” ഇടക്ക് കേറി ഞാൻ പറഞ്ഞു.

അപ്പോ ജോസേട്ടന്റെ മുഖം വല്ലാണ്ടായിപ്പോയി. എന്തുപറയണമെന്നറിയാതെ പുള്ളി മിഴിച്ചിരുന്നത് കണ്ട് മനസ്സിന്‌ വല്ലാത്തൊരു തൃപ്തി കിട്ടി.

“ഓക്കെ, ഞാൻ പോയിട്ട് വരാം.” ഒടുവില്‍ ജോസേട്ടൻ എന്റെ മുഖത്ത് നോക്കാതെ തലയാട്ടിക്കൊണ്ട് അല്‍പ്പം കടുപ്പിച്ച് പറഞ്ഞിട്ട് കാറോടിച്ച് ഗെയിറ്റ് കടന്നു പോയി.

ഞാൻ ഗെയിറ്റ് ക്ലോസ് ചെയ്തിട്ട് നടന്നു ചെന്ന് വീട്ടില്‍ കേറി. വീടും അകത്ത് നിന്ന് പൂട്ടിയ ശേഷം എന്റെ റൂമിൽ വന്ന് വെറുതെ കിടന്നു. സമയം 5 മണി കഴിഞ്ഞതേയുള്ളു. പിള്ളാരെ സ്കൂളിൽ വിടാനായി എഴ് മണിക്ക് എഴുന്നേറ്റ് ജോലി തുടങ്ങിയാല്‍ മതിയാകും. അതുവരെ ഒന്ന് മയങ്ങാൻ തീരുമാനിച്ച് ഞാൻ കണ്ണുമടച്ച് കിടന്നു, പക്ഷേ ഉറങ്ങാൻ കഴിഞ്ഞില്ല. എനിക്ക് വിധിക്കപ്പെട്ട എന്റെ ജീവിതത്തെ കുറിച്ചായിരുന്നു ചിന്തകൾ മുഴുവനും.

ഏഴു മണിക്ക് ഞാൻ എഴുനേറ്റ് എല്ലാം റെഡിയാക്കി കുട്ടികളെ സ്കൂളിൽ വിട്ടു. അവർ സ്കൂളിൽ പോയ ശേഷം ഞാൻ വീടൊക്കെ ഒന്ന് വൃത്തിയാക്കി, അഴുക്ക് തുണികളും അലക്കിയിട്ട ശേഷം ചെന്ന് കുളിച്ചു. മനസ്സിന്‌ ഒരു സമാധാനവും കിട്ടിയില്ല.

കുളി കഴിഞ്ഞ് ബാത്ത് ടവൽ മാത്രം ഉടുത്തു കൊണ്ട്‌ എന്റെ ഡ്രെസ്സ് ഇരിക്കുന്ന അലമാര ഞാൻ തുറന്നു. വീട്ടില്‍ ഞാൻ നൈറ്റി മാത്രമല്ല ഇടാറുള്ളത്. നൈറ്റ് ഡ്രസ്, പാവാട ടീ ഷര്‍ട്ട്, പജാമ സെറ്റ്, അങ്ങനെ പലതും മാറിമാറി ഞാൻ ഇടാറുണ്ട്.

എന്റെ നശിച്ച ജീവിതത്തെ കുറിച്ചുള്ള ചിന്തകൾ എന്റെ മനസ്സിന്റെ സ്വസ്ഥത നശിപ്പിച്ചിരുന്നത് കൊണ്ട്‌ ഒന്നിലും ശ്രദ്ധിക്കാന്‍ കഴിഞ്ഞില്ല. ഞാൻ അലസമായി കൈയിൽ കിട്ടിയ ഒരു ബ്രാ എടുത്ത് ധരിച്ചു. ഒരു ഷഡ്ഡിയും എടുത്തിട്ട ശേഷം, ആദ്യം കൈയിൽ കിട്ടിയ ഒരു പാവാടയും ഒരു ടീ ഷര്‍ട്ടും എടുത്ത് ധരിച്ചു. ടീ ഷര്‍ട്ടിന് ഭയങ്കര ടൈറ്റായിരുന്നത് കൊണ്ടാണ് എന്റെ അലസത മാറി എന്താണ് ഞാൻ ധരിച്ചിരിക്കുന്നതെന്ന് ശ്രദ്ധിച്ചത്.

അയ്യേ, ഈ ടീ ഷര്‍ട്ടിന്റെ സൈസ് ചെറുതായത് കൊണ്ട്‌ ഞാൻ ഇതിനെ മാറ്റി