Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

വൃത്തികെട്ട വാക്കുകൾകൂടി ആയപ്പോ എനിക്ക് എല്ലാം വെറുത്തുപോയി.

വെറും 33 വയസായ ഞാൻ സെക്സിനെ കുറിച്ച് ചിന്തിക്കേണ്ട ഘട്ടമൊക്കെ കഴിഞ്ഞുപോയി പോലും. പറച്ചില്‍ കേട്ടാല്‍ തോന്നും എന്നും രണ്ട് പ്രാവശ്യമെങ്കിലും കളിക്കുന്ന ആളാണെന്ന്.

എന്താണ്‌ ഞാൻ ചെയ്ത തെറ്റ്? ഡെയ്ലി സെക്സ് വേണമെന്നാണോ ഞാൻ ആഗ്രഹിച്ചത്? അല്ലല്ലോ. മാസത്തിൽ ഒരിക്കലെങ്കിലും വേണമെന്ന് ആഗ്രഹിക്കുന്നത് തെറ്റാണോ? മാസത്തില്‍ പോട്ടെ, അതിന്‌ കഴിഞ്ഞില്ലെങ്കിലും സാരമില്ല, പക്ഷേ വർഷത്തിൽ 8, 10 പ്രാവശ്യമെങ്കിലും കിട്ടിയിരുന്നെങ്കിൽ പോലും മതിയായിരുന്നു. അങ്ങനെ ആഗ്രഹിക്കുന്നത് ഏത് അര്‍ത്ഥത്തിലാണ് തെറ്റായി മാറിയത്…?!

വര്‍ഷത്തിന് ഒരിക്കല്‍ പോലും കളിക്കാന്‍ കഴിയാത്ത ആളാണ്, ഡെയ്ലി സെക്സ് ഇല്ലാതെ സമാധാനം കിട്ടില്ലേ എന്ന് എന്നെ പുച്ഛിച്ചത്..!! വേറെയും വൃത്തികേട് പറഞ്ഞ്‌ എന്നെ അപമാനിച്ചത്. സെക്സ് ഇല്ലെങ്കിലും പോട്ടെ….., സ്വന്തം കുറ്റം മനസ്സിലാക്കുന്ന, എന്നോട് സമാധാനം പറഞ്ഞ്‌ ആശ്വസിപ്പിക്കുന്ന, ഒരു നുള്ളെങ്കിലും ഭാര്യയെ ബഹുമാനിക്കുന്ന, സ്നേഹിക്കുന്ന ഭർത്താവ് ആയിരുന്നെങ്കില്‍ പോലും ഞാൻ സന്തോഷത്തോടെ ജീവിച്ച് പോകുമായിരുന്നു. പക്ഷേ എന്റെ ഭർത്താവ് എന്ന വ്യക്തി വെറും വട്ടപ്പൂജ്യമാണ്.

ദേഷ്യവും സങ്കടവും എനിക്ക് സഹിക്കാൻ കഴിഞ്ഞില്ല. മനസ്സ് വെന്തുരുകി പോയി.

എല്ലാം ചിന്തിച്ച് എനിക്ക് പിന്നെയും ദേഷ്യവും സങ്കടവും വന്നു. എന്റെ കണ്ണുകൾ നിറഞ്ഞുപോയി. എന്റെ വിധി എന്നല്ലാതെ വേറെ എന്ത് പറയാൻ.

ഉറക്കം വന്നില്ലെങ്കിലും ഞാൻ കണ്ണുകൾ അടച്ച് കിടന്നു. എത്ര നേരം ഓരോന്ന് ആലോചിച്ച് കിടന്നു എന്നറിയില്ല, ഒടുവില്‍ ചിന്തിക്കാൻ പോലും ഒന്നുമില്ലാതെ വന്നപ്പോ എങ്ങനെയോ ഞാൻ ഉറങ്ങിപ്പോയി.

“മമ്മി…. മമ്മി….!! എണീക്ക് മമ്മി.” എന്റെ മോനും മോളും എന്നെ വിളിച്ചും കുലുക്കിയും എന്നെ ഉണര്‍ത്തി.

എനിക്ക് പെട്ടന്ന് നല്ല ദേഷ്യം വന്നു. കഴിഞ്ഞ രാത്രിയത്തെ സംഭവങ്ങൾ കാരണമാണെന്ന് മനസ്സിലായി. പക്ഷേ ആ ദേഷ്യം എന്റെ പാവം കുട്ടികളോട് കാണിക്കുന്നത് തെറ്റാണ്.

ദേഷ്യമൊക്കെ ഉള്ളിലൊതുക്കി എഴുനേറ്റ് എന്റെ കുട്ടികളെ നോക്കി ഞാൻ പുഞ്ചിരിച്ചു. രണ്ടും കുളിച്ചൊരുങ്ങി യൂണിഫോമുമിട്ട് സ്കൂളിൽ പോകാൻ റെഡിയായി നില്‍ക്കുകയാണ്.

എന്റെ ഭർത്താവ് റൂമിൽ ഇല്ലായിരുന്നു. പുള്ളി എന്നും 7 മണിക്കാണ് ജോലിക്ക് പോകുന്നത്.

ഞാൻ സാധാരണയായി അഞ്ച് മണിക്കാണ് എഴുനേൽക്കുന്നത്.