Chapter Title : മനപ്പൂർവ്വമല്ലാതെ 2

നോക്കി ഉറപ്പാക്കി

" അതേ, എടി ഇത് എനിയ്ക്കുള്ള ഡൌട്ട് അല്ല, എന്റെ ഒരു ഫ്രെണ്ടിനാണ്," ഞാൻ ഒന്ന് കൂടി മുരടനക്കി തുടർന്നു

" എടി അവനെ ഇന്ന് ഒരു പെണ്ണ് ഇഷ്ടമാണെന്നു പറഞ്ഞു, പെണ്ണ് കാണാനൊക്കെ സുന്ദരിയാണ്,

പക്ഷെ ഇത്തിരി ഓവർ പൊസ്സസ്സീവ് അല്ലെന്നു അവനൊരു ഡൌട്ട്, അല്ല മറ്റുള്ള പെൺപിള്ളേരോട് സംസാരിക്കുന്നതു പോലും അവൾക്കു ഇഷ്ടമല്ലത്രേ, അവനാണേൽ പ്രേമിച്ചു ഒരു പരിചയവുമില്ല, അവനാണേൽ അവളോട് പ്രണയമുണ്ടോ എന്ന് പോലും ഒരു പിടിയുമില്ലാത്ത അവസ്ഥ..!"

ഞാൻ ഇത്രയും പറഞ്ഞു അവളുടെ മുഖത്തേയ്ക്കു നോക്കി,

അവൾ ആ ഉണ്ട കണ്ണ് വെച്ച് എന്നെ സൂക്ഷിച്ചു നോക്കി, പിന്നെ ചെറുതായൊന്നു ചിരിച്ചു

" എനിയ്ക്കു ഇതിനെ പറ്റി അത്ര ആധികാരികമായി പറയാൻ അറിഞ്ഞുകൂടാ, എന്നാലും ഒന്ന് പറയാം, ഞങ്ങൾ പെണ്ണുങ്ങൾ ഒരാളെ ആത്മാർത്ഥമായി സ്നേഹിക്കുകയാണേൽ, അയാൾ ഞങ്ങളുടെ മാത്രമായിരിക്കും, തിരിച്ചും അങ്ങനെ തന്നെ..!" അവൾ പെട്ടെന്ന് ഒന്ന് നിർത്തി

"അല്ലേ ഇനിയിപ്പോ നിന്റെ ആ ഫ്രണ്ടിന്റെ പേര് സുനിൽ എന്നെങ്ങാനും ആണേൽ, അമ്മയോട് പറഞ്ഞു ഞാൻ ഇപ്പൊ തന്നെ നിന്റെ പുറം പൂരപ്പറമ്പാക്കും..!" അവൾ എന്നെ പെട്ടെന്ന് ഭീഷണിപ്പെടുത്തി

" ഒന്ന് പോയെടി, എന്നെയൊക്കെ ആര് പ്രേമിക്കാനാ, ഇത് ക്ലാസ്സിലുള്ള വേറൊരുത്തനാ..!" ഞാൻ പെട്ടെന്ന് അവിടെന്നു തടിതപ്പാനായി നോക്കി

" ആ ആയാൽ കൊള്ളാം, എന്തായാലും നീയാ ഫ്രണ്ടിനോട് പറഞ്ഞേരെ, നല്ല പെൻകുട്ടിയാണേൽ വിടാണ്ട് പിടിച്ചോളാൻ.." ഇതും പറഞ്ഞു ഒരു ചിരിയും പാസ്സാക്കി അവൾ പിന്നെയും ടിവിയിലേയ്ക്ക് മറിഞ്ഞു

ഞാൻ എന്ത് തീരുമാനിക്കണമെന്നറിയാതെ കുഴങ്ങി, ഇനിയെന്തായാലും വരുന്നത് വഴിയേ