മന്ദാകിനി 3

Mandakini Part 3 | Author : Mahi

[ Previous Part ] [ www.kkstories.com]

സെറ....അപ്പന്റെ പേര് അബ്രാം, അമ്മയെ കുറിച്ച് ഒന്നും അറിയില്ല

സ്റ്റീവ് പറയുന്നത് മിഥുൻ ശ്രദ്ധയോടെ കേട്ടിരുന്നു.... അവൻ തുടർന്നു

"സിറ്റിയിലെ ഗ്രീൻപാലസ് ഹോട്ടലിൽ ആണ് താമസം.... ഒറ്റക്ക്.... "
സ്റ്റീവ് കൂട്ടിചേർത്തു

"ഒറ്റക്കോ....."

"അതെ.....ഒറ്റക്ക്.....കുറെ അന്വേഷിച്ചെങ്കിലും അവളെകുറിച്ച് കൂടുതൽ ഒന്നും അറിയാൻ കഴിഞ്ഞില്ല...."

"നമുക്കൊന്ന് പോയാലോ സ്റ്റീവ്..... അവളുടെ ഫ്ലാറ്റിലേക്ക്.... ഒരു ഫ്രണ്ട്‌ലി വിസിറ്റിംഗ്....."

മിഥുൻ അവനെനോക്കി കുടിലതയോടെ ചിരിച്ചു.....
.
.
.
.
.
.

മൂന്നരയോടെ ക്ലാസ്സ്‌ കഴിഞ്ഞ് മൂവരും കോളേജ് കോമ്പൗണ്ടിനു പുറത്തേക്ക് ഇറങ്ങി..... നന്ദന ഒരു ഹോസ്റ്റലിൽ ആണ് സ്റ്റേ..... കോളേജിൽ നിന്നും നടന്ന് പോകാനുള്ള ദൂരമേ ഉള്ളു, സെറക്ക് പോകാനുള്ള കാർ വന്നതും അവൾ അനാമികയെ നോക്കി

"പോട്ടെ അനു....നന്ദു...."

സെറ യാത്ര ചോദിച്ചു.....എന്തുകൊണ്ടോ ഉള്ളിൽ ഒരു വിഷമം കൊളുത്തി വലിക്കുന്നതുപോലെ അനുവിന് തോന്നി .... അടുത്ത മൂന്ന് ദിവസങ്ങൾ അവധിയാണ്, കഴിഞ്ഞ് ഫസ്റ്റ് സെമ് എക്സാം.....

"ശരിയെടി.... മൂന്ന് ദിവസം കഴിഞ്ഞ് കാണാം...."
നന്ദു ഹോസ്റ്റൽ ലക്ഷ്യമാക്കി നടന്നു.... സെറ കാറിൽ കയറിയിരുന്ന് അനാമികയെ നോക്കി....

"നീയെന്താടി ഒന്നും മിണ്ടാത്തെ?...."

"സെറ.... വീട്ടിൽ എത്തിയിട്ട് എന്നെ വിളിക്കണേ...."

"എന്നതാടി... എന്തോ പറ്റി നിനക്ക്.. "

"ഒന്നുല്ല..... ഉള്ളിലെന്തോ ഒരു പേടി... എന്തൊക്കെയോ നടക്കാൻ പോകുന്നപോലെ...."

"ഒന്നും ഓർത്ത് വിഷമിക്കണ്ട.....ഞാൻ വിളിക്കാം...."

ഡ്രൈവർ വണ്ടി മുന്നിലേക്ക് എടുത്തതും സെറ കൈവീശി യാത്ര പറഞ്ഞു....അവൾ കണ്ണിൽ നിന്നും മറയുന്നതുവരെയും അനാമിക ആ റോഡരികിൽ നിന്നു
.
.
.

അനാമിക വൃന്ദാവനത്തിൽ എത്തി, വലിയ ഗേറ്റ് തുറന്ന് പോർച്ചിൽ അച്ഛന്റെ വാഹനം തിരഞ്ഞു.... അതവിടെ ഇല്ലെന്ന് കണ്ട് ആശ്വാസത്തോടെ നിശ്വസിച്ചു.... മുറിയിൽ എത്തി വസ്ത്രം മാറാൻ തുടങ്ങുമ്പോഴേക്കും ഫോൺ ബെൽ അടിക്കുന്നത് കേട്ടു.... സെറ ആയിരിക്കും, അവളോർത്തു

വേഗം ബാഗിൽ കിടന്ന ഫോൺ കൈയിൽ എടുത്തു.... Whatsapp vedio call റിങ്ങിങ്.....അനാമിക സങ്കോചത്തോടെ സ്വയം നോക്കി..... മുഷിഞ്ഞ യൂണിഫോം.... കോട്ട് അഴിച്ച് കളഞ്ഞിരുന്നു.... ബാക്കിയായി ഷർട്ടും പാന്റും ശരീരത്തിൽ ഒട്ടി കിടപ്പുണ്ട്...
മൊബൈൽ വീണ്ടും ശബ്‌ദിച്ചതും അനാമിക കാൾ അറ്റൻഡ് ചെയ്തു....

ക്രോപ് ടോപ് ധരിച്ച് അധീവ സുന്ദരിയായി ഒരു സ്ക്രീനിനു അപ്പുറം സെറ..... ബെഡ്‌റൂമിൽ, കട്ടിലിന്റെ ഹെഡ് ബോർഡിൽ ചാരിയിരിക്കുകയായിരുന്നു അവൾ.....ഇങ്ങനെ ഉള്ള വേഷങ്ങളിൽ ആദ്യമായല്ല സെറയെ കാണുന്നത്.... പക്ഷെ ഇപ്പോ എന്തോ.... അനാമിക നെഞ്ചിൽ കൈ വച്ചുകൊണ്ട് പുഞ്ചിരിച്ചു

"വീടെത്തിയോ അനു...?"

"വന്നു കയറിയെ ഉള്ളു.... കുളിക്കാൻ തുടങ്ങുവായിരുന്നു...."

"അഹ്‌ണോ....."

"അതെ... നീയെപ്പോ എത്തി?...."

"ഞാൻ കുറച്ചുനേരം ആയി....വന്നു കുളിച്ചു ഒരു കോഫി ഒക്കെ കുടിച്ച് ഇങ്ങനെ ഇരിക്കുവാ...."

"പഠിക്കുന്നില്ലേ....."

"ഓഹ്.... എന്നാത്തിന്... ജയിക്കാനുള്ളെയൊക്കെ എനിക്കറിയാ...."

"ഓഹോ....."
അവൾ സെറയെ ചിരിയോടെ നോക്കിയിരുന്നു

"എന്നാ ശരി.... നീ പോയി കുളിക്ക്.... എനിക്ക് ചെറിയ പരിപാടി ഉണ്ട്...."

"എന്ത് പരിപാടി ??...."
അനുവിന്റെ കണ്ണുകൾ കൂർത്തു....