Chapter Title : മന്ദാരക്കനവ് 5 [Aegon Targaryen]

ഓരോന്നായി അഴിക്കാൻ തുടങ്ങി. എല്ലാം അഴിച്ച് തോർത്തും ഉടുത്തു നിന്നപ്പോഴേക്കും ചന്ദ്രിക വന്നു. ഉടനെ തന്നെ അവൻ അവളുടെ അരികിലേക്ക് പോയി ഒരു കാല് മുകളിലെ പടിയിലേക്ക് കയറ്റി വച്ചുകൊണ്ട് കൈ നടുവിന് താങ്ങി തൻ്റെ സംശയം ചോദിക്കാൻ തുടങ്ങി.

"ചേച്ചീ…ശാലിനി ചേച്ചി ഇന്നലെ ചേച്ചിയോട് എന്തെങ്കിലും പറഞ്ഞായിരുന്നോ…എന്തെങ്കിലും പറഞ്ഞായിരുന്നോ…?"

"ഇല്ലടാ…എന്നോടൊന്നും പറഞ്ഞില്ലല്ലോ…എന്താ എന്ത് പറ്റി?"

"ഹാ അതുതന്നാ പ്രശ്നം…ഇപ്പോഴും ഒന്നും പറയുന്നില്ല…"

"ങേ…ഹാ നീ നിന്ന് മണിച്ചിത്രത്താഴിലെ ദാസപ്പൻ കളിക്കാതെ കാര്യം പറയടാ ചെക്കാ…"

"ഞാൻ വിളിക്കാൻ ചെന്നപ്പോ ചേച്ചി എഴുന്നേറ്റിട്ടില്ല…വരുന്നുണ്ടോന്ന് ചോദിച്ചപ്പോൾ അതില്ല…പനിയുണ്ടോന്ന് ചോദിച്ചപ്പോൾ അതുമില്ല…എങ്കിൽ കാര്യം പറയാൻ പറഞ്ഞപ്പോൾ എന്നോട് ചാടിക്കടിക്കാൻ വരുന്ന പോലെ…ചേച്ചിയോട് ഒന്നും പറയാനും ചോദിക്കാനും നിൽക്കണ്ട ചേച്ചിക്ക് അറിയാമെന്നും…എന്താ പറ്റിയതെന്ന് യാതൊരു പിടിയുമില്ല…"

ആര്യൻ അവൻ്റെ വലതുകൈയുടെ മുഷ്ടി ചുരുട്ടി താടിക്ക് വച്ചുകൊണ്ട് താഴേക്കും നോക്കി എന്തോ ഗാഢമായി ചിന്തിക്കുന്നത് പോലെയുള്ള അവൻ്റെ നിൽപ്പ് കണ്ട് ചന്ദ്രിക പൊട്ടിച്ചിരിച്ചു.

ചന്ദ്രികയുടെ ചിരി കണ്ട ആര്യൻ അവളെ തന്നെ നോക്കി നിന്നുകൊണ്ട് മനസ്സിൽ "ഇതെന്തിനാ ചിരിക്കുന്നത്…ങേ…തോർത്ത് ഉരിഞ്ഞുപോയോ…ഇല്ലല്ലോ…" എന്നൊക്കെ പറഞ്ഞുകൊണ്ട് തലപുകഞ്ഞ് നിന്നു.

https://imgur.com/a/hbU97mJ

ചന്ദ്രിക അവളുടെ ബക്കറ്റ് പടിയിൽ വെച്ച് ചിരി തുടർന്നുകൊണ്ട് തോർത്ത് മാറിൽ നിന്നും ഊരി താഴെ ഇട്ടു. അവളുടെ ചിരി നിർത്താതെയുള്ള ആ നിൽപ്പ് കണ്ട് ആര്യൻ വീണ്ടും ചോദ്യം ഉന്നയിക്കാൻ തുടങ്ങി.

"എൻ്റെ പൊന്നു ചേച്ചി ഇങ്ങനെ ചിരിക്കാനും മാത്രം എന്തുവാ ഉണ്ടായത്…നിങ്ങള് കാര്യം പറയുന്നുണ്ടോ എന്നെ വട്ടുപിടിപ്പിക്കാതെ…"

"നീ പോയി കുളിക്ക് ചെക്കാ…ചെല്ല്…" ചിരി നിർത്താതെ തന്നെ ചന്ദ്രിക പറഞ്ഞു.