Chapter Title : മന്ദാരക്കനവ് 8 [Aegon Targaryen]

ഐറ്റം കൊണ്ടുവന്നിട്ടുണ്ട്…” ആര്യൻ അവൻ്റെ പൊതി എടുത്ത് ശേഷം പറഞ്ഞു.

“എന്താ അത്…?”

“ദാ…” അവൻ കൊണ്ടുവന്ന കോഴിക്കറി ചെറിയ ഒരു പാത്രത്തിൽ നിന്നും അതിൻ്റെ അടപ്പ് തുറന്ന് ലിയയുടെ മൂക്കിന് അടുത്തേക്ക് അടുപ്പിച്ചു.

“ചിക്കനാ…” ലിയ അത് മണത്ത് നോക്കിയ ശേഷം ചോദിച്ചു.

“അതേ…”

“ഇത് നീ ഉണ്ടാക്കിയതാ…?”

“അതേലോ…ഇന്നലെ ഉണ്ടാക്കിയതാ…ചേച്ചിക്ക് തരാൻ വേണ്ടി കുറച്ച് മാറ്റി വച്ചിരുന്നു…കഴിച്ച് നോക്കിയിട്ട് എങ്ങനെ ഉണ്ടെന്ന് പറ…” ആര്യൻ അവളുടെ ചോറ് പാത്രത്തിലേക്ക് കുറച്ച് ഇട്ട് കൊടുത്തു.

“മ്മ്…എടാ സൂപ്പർ ആയിട്ടുണ്ട്…നല്ല രുചി…നിനക്ക് ഇത്രയും കൈപ്പുണ്യം ഉണ്ടായിരുന്നോ…” ലിയ അത് കഴിച്ച ശേഷം അവനോട് ചോദിച്ചു.

“പിന്നില്ലാതെ ചേച്ചി എന്നെപ്പറ്റി എന്ത് വിചാരിച്ചു…ഹഹ…”

“അടിപൊളി…നീ കെട്ടാൻ പോകുന്ന പെണ്ണിൻ്റെ ഭാഗ്യം…” ലിയ ചിരിച്ചു.

“മ്മ് അതേ അതേ…കഴിക്ക്…” ആര്യനും ചിരിച്ചു.

ഊണ് കഴിഞ്ഞ ശേഷം അവർ പതിവ് പോലെ പല കാര്യങ്ങളും സംസാരിച്ചിരുന്നു. നാല് മണിയോട് കൂടി അവർ ഓഫീസ് പൂട്ടി ഇറങ്ങി. ലിയയെ ബസ്സ് സ്റ്റോപ്പിൽ കൊണ്ടുവിട്ട ശേഷം ആര്യൻ വീട്ടിലേക്ക് മടങ്ങി.

കുളിയെല്ലാം കഴിഞ്ഞ് ചായയും ഇട്ട് കുടിച്ച് ഒരു പുസ്തകം വായിച്ചുകൊണ്ട് കിടക്കുമ്പോഴാണ് വാതിലിൽ ആരോ മുട്ടുന്ന ശബ്ദം ആര്യൻ കേൾക്കുന്നത്. ശാലിനി ആയിരിക്കുമെന്ന് ഊഹിച്ചുകൊണ്ട് ആര്യൻ സന്തോഷത്തോടെ പെട്ടെന്ന് ചാടി എഴുന്നേറ്റ് പോയി വാതിൽ തുറന്നു. പക്ഷേ മുന്നിൽ കണ്ട ആള് ശാലിനി ആയിരുന്നില്ല. വാതിൽക്കൽ നിൽക്കുന്ന ആളെ കണ്ട് ആര്യൻ ഒന്ന് ഞെട്ടി.

“എന്താ ചേച്ചീ…എന്ത് പറ്റി…ബസ്സ് കിട്ടിയില്ലേ…?” തൻ്റെ മുന്നിൽ നിൽക്കുന്ന ലിയയെ കണ്ട് ആര്യൻ ആശ്ചര്യത്തോടെ ചോദിച്ചു.

“ഇല്ലടാ