Chapter Title : മനീഷ 3 [കൊച്ചുകാന്താരി]

രാത്രി ഞങ്ങള്‍ ഭക്ഷണം കഴിച്ചുകൊണ്ടിരുന്നപ്പോള്‍, അമ്മ ട്യൂഷന്റെ കാര്യം പറഞ്ഞു. 'മോളേ, നിനക്ക് കണക്കിന്റെ സംശയങ്ങള്‍ ചേച്ചിയോട് ചോദിച്ചാല്‍ പറഞ്ഞു തരും. സ്ഥിരമായി ട്യൂഷന്‍ എടുക്കാനൊന്നും അവള്‍ക്ക് സമയം കാണില്ല. പിന്നെ സംശയം ഉള്ളത് ചോദിച്ചാല്‍ മതി.' 'താങ്ക് യൂ അമ്മ, താങ്ക് യൂ ചേച്ചീ. എനിക്ക് സംശയം മാത്രം പറഞ്ഞു തന്നാല്‍ മതി.' 'അവള്‍ക്ക് സമയമുള്ളപ്പോഴേ ചെന്ന് ശല്യം ചെയ്യാവൂ. അവള്‍ക്ക് ആഫീസിലെ പണിയും ചെയ്യാന്‍ കാണും.' 'അതൊക്കെ എനിക്കറിയാം. അത് ഞാന്‍ എന്നും കാണുന്നതല്ലേ. ചേച്ചി ഫ്രീ ആകുന്ന സമയത്ത് മതി.' അത് പറഞ്ഞുകൊണ്ട് ഞാന്‍ അമ്മയ്ക്ക് ഒരു ഉമ്മ കൊടുത്തു. 'ഛീ......... എച്ചില്‍ വാ കൊണ്ടാണോടീ ഉമ്മ വെയ്ക്കുന്നത് ?' 'ഓ....... അതിന് അവിടെ ഒന്നും പറ്റിയില്ല.' 'ങാ........ മതി വാചകം. കഴിച്ചിട്ട് എഴുന്നേറ്റ് പോകാന്‍ നോക്ക്. സംശയം പഠിത്തം നാളെ മുതല്‍ മതി.' പിന്നെ ആരും ഒന്നും പറഞ്ഞില്ല. ഞാന്‍ നോക്കുമ്പോള്‍ ചേച്ചി കുനിഞ്ഞിരുന്ന് അടക്കി പിടിച്ച് ചിരിക്കുന്നു. എല്ലാവരും ഭക്ഷണം കഴിച്ച് എഴുന്നേറ്റ് പോയി. അമ്മയും ചേച്ചിയും കൂടി പാത്രങ്ങളുമായി അടുക്കളയിലേയ്ക്ക് പോയി. ഞാന്‍ എന്റെ മുറിയില്‍ കയറി കതക് അടച്ചു. ഏതാണ്ട് ഒരു മണിക്കൂര്‍ കഴിഞ്ഞ് ഞാന്‍ കിടക്കാന്‍ നേരത്ത്, രാത്രി കുടിക്കാനായി കുറച്ച് വെള്ളം എടുക്കാനായി അടുക്കളയിലേയ്ക്ക് പോയി. ആ സമയത്ത് അവര്‍ അമ്മയുടെ മുറിയില്‍ കയറി കതക് അടച്ചു കഴിഞ്ഞിരുന്നു. മുറിയ്ക്കുള്ളില്‍ നിന്നും സംസാരം കേള്‍ക്കുന്നുണ്ടായിരുന്നു. വളരെ പതുക്കെയാണ് അവര്‍ സംസാരിച്ചത്. അതുകൊണ്ട് തന്നെ എനിക്ക് ഒന്നും വ്യക്തമായി കേള്‍ക്കാന്‍ കഴിഞ്ഞില്ല. ഞാന്‍ വെള്ളവും എടുത്ത് പോയി കിടന്ന് ഉറങ്ങി. അടുത്ത ദിവസം വൈകുന്നേരം, അമ്മ ഒരു പുതിയ വാര്‍ത്തയുമായിട്ടാണ് വന്നത്. അമ്മയ്ക്ക്, എറണാകുളത്ത് വച്ച് ഒരാഴ്ചത്തെ ട്രെയിനിംഗ്. അടുത്ത തിങ്കളാഴ്ചയാണ് തുടക്കം. അമ്മയുടെ മുഖത്ത് ഒരു മ്ലാനത പടര്‍ന്നിരുന്നു. എന്റെ ഉള്ളില്‍ ആനന്ദമഴ പെയ്തിറങ്ങി. അമ്മയെ പേടിക്കാതെ ഒരാഴ്ച മുഴുവന്‍ ചേച്ചിയുമായി അടിച്ച് പൊളിക്കാന്‍ ഒരവസരം. എങ്കിലും, അത് പുറത്ത് കാണിക്കാതെ ഞാന്‍ അമ്മയെ ആശ്വസിപ്പിച്ചു. 'സാരമില്ല അമ്മേ. ഒരാഴ്ച എന്ന് പറയുന്നത് കണ്ണടച്ച് തുറക്കുന്നതിനകം