Chapter Title : മണിക്കുട്ടി

ആ സ്റ്റാഫിന്റെ കാര്യം.ഒരു മണിക്കുട്ടി ഓമനപ്പേര് അല്ലേ? കൊള്ളാം! സ്റ്റ്ലാഫിനെ വേണം, ഓമനപ്പേരിട്ടു .*

പത്രോസ് ഒരു നേർത്ത മുല്ലമാലയുമായി എത്തി. മുല്ലപ്പുവിന്റെ സൗരഭ്യം അവിടെയാകെ പരന്നു. പത്രോസ് മാല ഭിത്തിയിൽ തൂക്കിയിട്ട കലണ്ടറിൽ ഇട്ടു. ഞാൻ കപ്പലണ്ടി കൊറിച്ചു് കലണ്ടറിലോട്ടു നോക്കി. രാജപാളയത്തിലെ ആണിക്കമ്പനിക്കാരുടെ സപ്തവർണ്ണ കലണ്ടർ. അയ്യപ്പസ്വാമിയുടെ വലിയ ചിത്രം. അതിനുചുറ്റും അയ്യപ്പകഥയിലെ വിവിധദശകൾ കൊച്ചു കൊച്ചു ചിത്രങ്ങളായി കൊടുത്തിരിക്കുന്നു. കാട്ടിൽ മേനക ഉപേക്ഷിച്ചു പോകുന്നതും, മഹർഷി കണ്ടു വളർത്തുന്നതും.അങ്ങനെ. അടിയിൽ രണ്ടിടത്തും നീളൻ ആണിയുടെ വലിയ ഫോട്ടോകൾ..ചിത്രം വച്ച് ആരാധിച്ചോ, പക്ഷേ ആണിയുടെ കാര്യം മറക്കരുത് “എടാ, ഇന്നു നീ റമ്മിനായി ചിലവാക്കിയ ഓരോ പൈസയ്ക്കും വിലയുണ്ടെടാ’

“എന്താ ആദ്യത്തെ പെഗ്ഗിനുതന്നെ പൂസായോ ഗോപൂ?

“എന്തു വില?’

“ഞാൻ മണിക്കുട്ടിയുടെ ചരിത്രം ഒന്നുകൂടി എന്റെ മനസ്സിൽ പരിശോധിച്ചു. എന്റെ ഒരു ഫ്രണ്ട് സെക്യാട്രിസ്റ്റ് ഉണ്ടെടാ; ഞാനവനോടും ആലോചിച്ചു. അവളു കള്ളിയാടാ; മുഴുക്കുള്ളി നിന്നെ അവളു പറ്റിക്കുവായിരുന്നു. വിടെടാ അവളെ, ഞാനാണു നിന്റെ സ്ഥാനത്തെങ്കിൽ അവളെ ആട്ടിപ്പായിച്ചേനേ. ഒരു മണിക്കുട്ടി പോയാൽ വേറേ പത്തു വരും, പത്തു’

“അതു നിനക്കാ ഗോപൂ.എനിക്കു പത്തുപോയിട്ട് ഒന്നിനെ കിട്ടണമെങ്കിൽ ഞാൻ തലകുത്തി മറിയണം. നിന്റെ വഴിയേ ഞാൻ പോയാലേ, കാക്ക് പോയ വഴിയേ ഹംസം പോയതു പോലാകും.” “എന്നുവച്ചാൽ?

“കാക്കയ്ക്കു പറക്കാനുള്ള കഴിവുണ്ട്. ഹംസത്തിനതില്ലല്ലോ. അപ്പൊപ്പിന്നെ കാക്കയെ അനുകരിച്ചാൽ ഹംസത്തിന്റെ ഗതിയെന്താവും?

“എനിക്കു നിന്റെ ഉപമയൊന്നും മനസ്സിലാവത്തില്ല, എടാ, നിന്റെ ഈ സാഹിത്യവാസന വല്ല സിനിമാ തിരക്കഥ എഴുതാൻ ഉപയോഗിച്ചുകൂടെ? ഞാൻ ആ വഴിക്കു ശ്രമിക്കട്ടെ?

“ആരു തരാനാ നമുക്കൊക്കെ ഒരു ചാൻസ് ഗോപൂ.അതു പോട്ടെ, മണിക്കുട്ടിയുടെ…’

“എടാ അവൾ മൊത്തത്തിൽ അഭിനയിച്ചതാ.”

“എന്നുവച്ചാൽ.ആദ്യത്തേതും.സത്യമാണോ ഗോപൂ?

“അതേടാ, നൂറ്റിക്കു നൂറും. ആദ്യത്തെ ബോധക്കേടും അഭിനയം; എല്ലാം അവളഭിനയിച്ചതാടാ, എടാ, ആദ്യത്തെ പ്രാവശ്യവും അവളുടെ ബോധമൊന്നും പോയിട്ടില്ല. നീ പറഞ്ഞ ഓരോ വാക്കും ഞാൻ ഓർത്തു. ഹോസ്പിറ്റലിലെ ഡിപ്പുകൊണ്ട് ദോഷമൊന്നുമില്ലെന്ന് അവൾക്കറിയാം; അവരു മരുന്നു തന്നാലും കഴിക്കാതിരുന്നാൽപ്പോരെ? ബോധം കെടാൻ പ്രത്യേകിച്ചൊരു കാരണവും ഇല്ലെടാ. നീ അകത്തുകേറ്റിയിട്ടുമില്ലല്ലോ. വെറുതെ മുല